evaṃ mayā śrutam ||

ekaṃ samayaṃ bhagavān rājagṛhe viharati gṛdhrakūṭe parvate || tena khalu samayena rājā māgadho ’jātaśatrur vaidehīputro vṛjibhiḥ sārdhaṃ prativiruddhaḥ ||

sa evaṃ pariṣadi vācaṃ bhāṣate || aham imān vṛjīn ṛddhāṃś ca sphītāṃś ca kṣemāṃś ca subhikṣāṃś cākīrṇa­bahu­janamanuṣyāṃ­ś cotsādayiṣyāmi vināśayiṣyāmy anayena vyasanam āpādayiṣyāmi ||

atha rājā māgadho ’jātaśatrur vaidehīputro varṣākāraṃ brāhmaṇamaga­dhamahāmātram āmantrayate ||

ehi tvaṃ varṣākāra yena bhagavāṃs tenopasaṃkrama || upetyāsmākaṃ vacanena bhagavataḥ pādau śirasā vandas­vālpābādhatāṃ ca pṛcchālpātaṅkatāṃ ca laghūtthānatāṃ ca yātrāṃ ca balaṃ ca sukhaṃ cānavadyatāṃ ca sparśavihāratāṃ ca ||

evaṃ ca vada || rājā māgadho ’jātaśatrur vaidehīputro vṛjibhiḥ sārdhaṃ prativiruddhaḥ || sa evaṃ pariṣadi vācaṃ bhāṣate || aham imān vṛjīn ṛddhāṃś ca sphītāṃś ca kṣemāṃś ca subhikṣāṃś cākīrṇabahujanamanuṣyāṃś cotsādayiṣyāmi vināśayiṣyāmy anayena vyasanam āpādayiṣyāmi ||

kiṃ bhagavān āmantrayate || yathā varṣākāra sa bhagavāṃ vyākaroti tathaivodgṛhāṇa || tat kasmād dhetoḥ || avitathāvādino hi bhavanti tathāgatā arhantaḥ samyaksaṃbuddhāḥ ||

evaṃ deveti varṣākāro brāhmaṇamaga­dhamahāmātro rājño māgadhasyājātaśatror vaidehīputrasya pratiśrutya sarvaśvetaṃ vaḍabāratham abhiruhya … māṇava­gaṇa­pari­vṛtaḥ sauvarṇena daṇḍakama … rāja­gṛhān niryāti bhagavato ’ntikenopadarśanāya bhagavantaṃ paryupāsanāyai || tasya yāvad yānasya bhūmis tāvad yānena gatvā yānād avatīrya padbhyām eva gṛdhrakūṭaṃ parvatam abhiruhya yena bhagavāṃs tenopajagāmopetya bhagavatā sārdhaṃ saṃ­mukhaṃ saṃmodanīṃ saṃraṃjanīṃ vividhāṃ kathāṃ vyatisāryaikānte nyaṣīdat |

ekānte niṣaṇṇo varṣākāro brāhmaṇamagadhamāhāmātro bhagavantam idam avocat ||

rājā māgadho ’jātaśatrur vaidehīputro bhagavataḥ pādau śirasā vandaty alpābādhatāṃ ca pṛcchaty alpātaṅkatāṃ ca pūrvavad yāvat sparśavihāratāṃ ca ||

sukhī bhavatu varṣākāra rājā māgadho ’jātaśatrur vaidehīputras tvaṃ ca ||

rājā bhadanta māgadho ’jātaśatrur vaidehīputro vṛjibhiḥ sārdhaṃ prativiruddhaḥ || sa evaṃ pariṣadi vācaṃ bhāṣate || aham imān vṛjīn ṛddhāṃś ca sphītāṃś ca kṣemāṃś ca subhikṣāṃś cākīrṇabahujanamanuṣyāṃś cotsādayiṣyāmi vināśayiṣyāmy anayena vyasanam āpādayiṣyāmi ||

kiṃ bhagavāṅ gautama āmantrayate ||

ekam ahaṃ varṣākāra samayaṃ vṛjiṣu janapadeṣu viharāmi cāpāle caitye || tatra mayā vṛjīnāṃ saptāparihāṇīyā dharmā deśitāḥ || yāvac ca varṣākāra vṛjaya imān saptāparihāṇīyān dharmān samādāya vartiṣyante vṛjiṣu ca saptāparihāṇīyā dharmāḥ sandrakṣyante vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

evam ahaṃ bhadantāsya bhagavato gautamasya saṃkṣiptena bhāṣitasyāvibhaktasya vistareṇārthaṃ nājānāmi || bhagavān gautamo saṃkṣiptena bhāṣitasyārthaṃ vibhaktaṃ vistareṇa bhāṣeta || evam ahaṃ bhagavato gautamasya saṃkṣiptena bhāṣitasyāvibhaktaṃ vistareṇārthaṃ sādhu evājñāsyāmi ||

tena khalu samayenāyuṣmān ānando bhagavataḥ pṛṣṭhataḥ sthito bhagavantaṃ vījayamānaḥ || tatra bhagavān āyuṣmantam ānandam āmantrayate ||

kiṃ nu tvayānanda śrutaṃ vṛjayo ’bhīkṣṇasannipātā abhīkṣṇaṃ sannipātabahulā viharanti ||

śrutaṃ me bhadanta vṛjayo ’bhīkṣṇasannipātā abhīkṣṇaṃ sannipātabahulā viharanti ||

yāvac ca varṣākāra vṛjayo ’bhīkṣṇasannipātā abhīkṣṇaṃ sannipātabahulā vihariṣyanti vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

kiṃ nu tvayānanda śrutaṃ vṛjayaḥ samagrāḥ sannipatanti samagrā vyuttiṣṭhanti samagrā vṛjikaraṇīyāni kurvanti ||

śrutaṃ me bhadanta vṛjayaḥ samagrāḥ sannipatanti samagrā vyuttiṣṭhanti samagrā vṛjikaraṇīyāni kurvanti ||

yāvac ca varṣākāra vṛjayaḥ samagrāḥ sannipatiṣyanti samagrā vyutthāsyanti samagrā vṛjikaraṇīyāni kariṣyanti vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

kiṃ nu tvayānanda śrutaṃ vṛjayo ’praṇihitaṃ na praṇidadhati praṇihitaṃ ca na samucchindati yathāprajñaptaṃ vṛjidharmaṃ samādāya vartante ||

śrutaṃ me bhadanta vṛjayo ’praṇihitaṃ na praṇidadhati praṇihitaṃ ca na samucchindanti yathāprajñaptaṃ vṛjidharmaṃ samādāya vartante ||

yāvac ca varṣākāra vṛjayo ’praṇihitaṃ na praṇidhāsyanti praṇihitaṃ ca na samucchetsyanti yathāprajñaptaṃ vṛjidharmaṃ samādāya vartiṣyante vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

kiṃ nu tvayānanda śrutaṃ yās tā vṛjīnāṃ vṛjiprajāpatyo vṛjikumārikāś ca pitṛrakṣitā mātṛrakṣitā bhrātṛrakṣitā bhaginīrakṣitāḥ śvaśurarakṣitā śvaśrurakṣitā jñātirakṣitā gotrarakṣitāḥ saparidaṇḍāḥ sasvāmikāḥ kanyāḥ paraparigṛhītā antaśo mālāguṇaparikṣiptā api tadrūpāsu na sahasā balenānupraskandya kāmeṣu cāritram āpadyante ||

śrutaṃ me bhadanta vṛjayo yās tā vṛjīnāṃ vṛjiprajāpatyo vṛjikumārikāś ca pitṛrakṣitā mātṛrakṣitā pūrvavad yāvad antaśo mālāguṇaparikṣiptā api tadrūpāsu na sahasā balenānupraskandya kāmeṣu cāritram āpadyante ||

yāvac ca varṣākāra vṛjayo yās tā vṛjīnāṃ vṛjiprajāpatyo vṛjikumārikāś ca pūrvavad yāvad antaśo mālāguṇaparikṣiptā api tadrūpāsu na sahasā balenānupraskandya kāmeṣu cāritram āpatsyante vṛddhir eva vṛjīnāṃ pratikāṃ­kṣitavyā kuśalānāṃ dharmāṇāṃ na parihāṇiḥ ||

kiṃ nu tvayānanda śrutaṃ vṛjayo ye te vṛjīnāṃ vṛjimahallakās tān satkurvanti gurukurvanti mānayanti pūjayanti teṣāṃ vacanaṃ śrotavyaṃ manyante ||

śrutaṃ me bhadanta vṛjayo ye te vṛjīnāṃ vṛjimahallakās tān satkurvanti gurukurvanti mānayanti pūjayanti teṣāṃ vacanaṃ śrotavyaṃ manyante ||

yāvac ca varṣākāra vṛjayo ye te vṛjīnāṃ vṛjimahallakās tān satkariṣyanti gurukariṣyanti mānayiṣyanti pūjayiṣyanti teṣāṃ vacanaṃ śrotavyaṃ maṃsyante vṛddhir eva vṛjīnāṃ pratikāṃ­kṣitavyā kuśalānāṃ dharmāṇāṃ na parihāṇiḥ ||

kiṃ nu tvayānanda śrutaṃ vṛjayo ye te vṛjīnāṃ caturdikṣu vṛjicaityās tān satkurvanti gurukurvanti mānayanti pūjayanti teṣāṃ ca paurāṇaṃ cihnavṛttaṃ na samucchindanti ||

śrutaṃ me bhadanta vṛjayo ye te vṛjīnāṃ caturdikṣu vṛjicaityās tān satkurvanti gurukurvanti mānayanti pūjayanti teṣāṃ ca paurāṇaṃ cihnavṛttaṃ na samucchindanti ||

yāvac ca varṣākāra vṛjayo ye te vṛjīnāṃ caturdikṣu vṛjicaityās tān satkariṣyanti gurukariṣyanti mānayiṣyanti pūjayiṣyanti teṣāṃ ca paurāṇaṃ cihnavṛttaṃ na samucchetsyanti vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

kiṃ nu tvayānanda śrutaṃ vṛjīnām arhatām antike tīvracetasa ārakṣāsmṛtiḥ pratyupasthitā kaccid anāgatāś cārhanta āgaccheyur āgatāś cābhirameraṃs te ca na vihanyerañ cīvarapiṇḍapātaśayanāsanaglānapratyayabhaiṣajya­pari­ṣkāraiḥ ||

śrutaṃ me bhadanta vṛjīnām arhatām antike tīvracetasa ārakṣāsmṛtiḥ pratyupasthitā kaccid anāgatāś cārhanta āgaccheyur āgatāś cābhirameraṃs te ca na vihanyerañ cīvarapiṇḍapātaśayanāsanaglānapratyayabhaiṣajya­pari­ṣkāraiḥ ||

yāvac ca varṣākāra vṛjīnām arhatām antike tīvracetasa ārakṣāsmṛtiḥ pratyupasthitā bhaviṣyati kaccid anāgatāś cārhanta āgaccheyur āgatāś cābhirameraṃs te ca na vihanyerañ cīvarapiṇḍapātaśayanāsanaglānapratyayabhaiṣajya­pari­ṣkārair vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca varṣākāra vṛjaya imān saptāparihāṇīyān dharmān samādāya vartiṣyante vṛjiṣu ca saptāparihāṇīyā dharmāḥ sandrakṣyante vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

ekaikena tāvad bho gautamāṅgena samanvāgatā vṛjayo ’gamanīyāḥ syū rājño māgadhasyājātaśatror vaidehīputrasya kaḥ punar vādaḥ sarvaiḥ ||

hanta bho gautama gamiṣyāmo bahukṛtyāḥ smo bahukaraṇīyāḥ ||

yasyedānīṃ varṣākāra kālaṃ manyase ||

atha varṣākāro brāhmaṇamagadhamahāmātro bhagavato bhāṣitam abhinandyānumodya bhagavato ’ntikāt prakrāntaḥ ||

---

tatra bhagavān āyuṣmantam ānandam āmantrayate || yāvanto bhikṣavo gṛdhrakūṭaparvatam upaniśritya viharanti tān sarvān upasthānaśālāyāṃ sannipātaya ||

evaṃ bhadantety āyuṣmān ānando bhagavataḥ pratiśrutya yāvanto bhikṣavo gṛdhrakūṭaṃ parvatam upaniśritya viharanti tān sarvān upasthānaśālāyāṃ sannipātayitvā yena bhagavāṃs tenopajagāma || upetya bhagavatpādau śirasā vanditvaikānte ’sthāt || ekāntasthita āyuṣmān ānando bhagavantam idam avocat ||

yāvanto bhadanta bhikṣavo gṛdhrakūṭaṃ parvatam upaniśritya viharanti te sarva upasthānaśālāyāṃ sannipatitāḥ || yasyedānīṃ bhagavāṅ kālaṃ manyate ||

atha bhagavān yenopasthānaśālā tenopajagāma || upetya purastād bhikṣusaṃghasya prajñapta evāsane nyaṣīdat || niṣadya bhagavān bhikṣūn āmantrayate sma ||

saptāhaṃ vo bhikṣavo ’parihāṇīyān dharmān deśayiṣyāmi tāñ śṛṇuta sādhu ca suṣṭhu ca manasi kuruta bhāṣiṣye || saptāparihāṇīyā dharmāḥ katame ||

yāvac ca bhikṣavo ’bhīkṣṇasannipātā abhīkṣṇaṃ sannipātabahulā vihariṣyanti vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca bhikṣavaḥ samagrāḥ sannipatiṣyanti samagrā vyutthāsyanti samagrāḥ saṃghakaraṇīyāni kariṣyanti vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca bhikṣavo ’praṇihitaṃ na praṇidhāsyanti praṇihitaṃ ca na samucchetsyanti yathāprajñaptikāṃ śikṣāṃ samādāya vartiṣyante vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca bhikṣavas tṛṣṇāyāḥ paunarbhavikyā nandirāgasaha­gatāyās tatra tatrābhinandinyā vaśaṃ na gacchanti vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca bhikṣavo ye te bhikṣavaḥ sthavirā rātrijñāś cirapravrajitā … tān satkariṣyanti gurukariṣyanti mānayiṣyanti pūjayiṣyanti teṣāṃ vacanaṃ śrotavyaṃ maṃsyante vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca bhikṣavo ’raṇyavanaprasthāni prāntāni śayanāsanāny adhyāvasiṣyanti vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca bhikṣavaḥ sabrahmacāriṇām antike tīvracetasa ārakṣāsmṛtiḥ pratyupasthitā kaccid anāgatāś ca sabrahmacāriṇa āgaccheyur āgatāś cābhirameraṃs te ca na vihanyerañ cīvarapiṇḍapātaśayanāsanaglānapratyayabhaiṣajya­pari­ṣkārair vṛddhir eva bhikṣūṇāṃ pratikāṃ­kṣitavyā kuśalānāṃ dharmāṇāṃ na parihāṇiḥ ||

yāvac ca bhikṣava imān saptāparihāṇīyān dharmān samādāya vartiṣyante bhikṣuṣu ca saptāparihāṇīyā dharmāḥ sandrakṣyante vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

aparān api saptāparihāṇīyān dharmān deśayiṣyāmi tāñ śṛṇuta sādhu ca suṣṭhu ca manasi kuruta bhāṣiṣye || saptāparihāṇīyā dharmāḥ katame ||

yāvac ca bhikṣavaḥ śāstāraṃ satkariṣyanti gurukariṣyanti mānayiṣyanti pūjayiṣyanti śāstāraṃ satkṛtvā gurukṛtvā mānayitvā pūjayitvopaśritya vihariṣyanti dharmaṃ śikṣām anuśāsanam apramādaṃ pratisaṃstaraṃ samādhiṃ satkariṣyanti gurukariṣyanti mānayiṣyanti pūjayiṣyanti samādhiṃ satkṛtvā guru­kṛtvā mānayitvā pūjayitvopaśritya vihariṣyanti vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

Nur im Tib.

aparān api saptāparihāṇīyān dharmān deśayiṣyāmi tāñ śṛṇuta sādhu ca suṣṭhu ca manasi kuruta bhāṣiṣye || saptāparihāṇīyā dharmāḥ katame ||

yāvac ca bhikṣavo na karmārāmā bhaviṣyanti na bhāṣyārāmā na nidrārāmā na saṃgaṇikārāmā … viśeṣādhigamenāntarāvasān … vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

Nur im Tib.

aparān api saptāparihāṇīyān dharmān deśayiṣyāmi tāñ śṛṇuta sādhu ca suṣṭhu ca manasi kuruta bhāṣiṣye || saptāparihāṇīyā dharmāḥ katame ||

yāvac ca bhikṣavaḥ śrāddhā bhaviṣyanti hrīmanto bhaviṣyanty avatrāpiṇa ārabdhavīryā upasthitasmṛtayaḥ samāhitāḥ prajñāvanto bhaviṣyanti vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

Nur im Tib.

aparān api saptāparihāṇīyān dharmān deśayiṣyāmi tāñ śṛṇuta sādhu ca suṣṭhu ca manasi kuruta bhāṣiṣye || saptāparihāṇīyā dharmāḥ katame ||

yāvac ca bhikṣavo dharmajñā arthajñāḥ kālajñā mātrajñā ātmajñāḥ pariṣajjñāḥ pudgalavarāvarajñā vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

Nur im Tib.

aparān api saptāparihāṇīyān dharmān deśayiṣyāmi tāñ śṛṇuta sādhu ca suṣṭhu ca manasi kuruta bhāṣiṣye || saptāparihāṇīyā dharmāḥ katame ||

yāvac ca bhikṣavaḥ smṛtisaṃbodhyaṅgaṃ bhāvayiṣyanti vivekaniśritaṃ virāganiśritaṃ nirodhaniśritaṃ vyavasargapariṇataṃ dharma­vicaya­vīryaprītiprasrabdhisamādhyupekṣā­saṃ­bodhyaṅgaṃ bhāvayiṣyanti vivekaniśritaṃ virāganiśritaṃ nirodhaniśritaṃ vyavasargapariṇataṃ vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

yāvac ca bhikṣava imān saptāparihāṇīyān dharmān samādāya vartiṣyante bhikṣuṣu ca saptāparihāṇīyā dharmāḥ sandrakṣyante vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

ṣaḍ ahaṃ vo bhikṣavaḥ saṃraṃjanīyān dharmān deśayiṣyāmi tāñ śṛṇuta sādhu ca suṣṭhu ca manasi kuruta bhāṣiṣye || ṣaṭ saṃraṃjanīyā dharmāḥ katame ||

maitraṃ me kāyakarma pratyupasthitaṃ bhaviṣyati śāstur antike vijñānāñ ca sabrahmacāriṇām || ayaṃ dharmaḥ saṃraṃjanīyaḥ priyakaraṇo gurukaraṇo manāpakaraṇaḥ priyatvāya gurutvāya gauravāya bhāvanāya saṃgrahāya samādhaye ’vigrahāyāvivādāya ekotībhāvāya saṃvartate ||

maitraṃ vākkarma

maitraṃ manaskarma

ye te lābhā dhārmikā dharmalabdhā antataḥ pātragatāḥ pātraparyāpannās tadrūpeṣu lābheṣu sādhāraṇaparibhojino bhaviṣyāmo ’pratiguptabhojinaḥ sārdhaṃ vijñaiḥ sabrahmacāribhiḥ ||

ayaṃ dharmaḥ saṃraṃjanīyaḥ pūrvavat ||

yāni tāni śīlāny akhaṇḍāny acchidrāṇy aśabalāny akalmāṣāṇi bhujiṣyāṇy aparāmṛṣṭāni susamāptāni susamādattāni vijñapraśastāny agarhitāni vijñais tadrūpaiḥ śīlaiḥ śīlasāmānyagatā bhaviṣyāmaḥ sārdhaṃ vijñaiḥ sabrahmacāribhiḥ || ayaṃ dharmaḥ saṃraṃjanīyaḥ pūrvavat ||

yeyaṃ dṛṣṭir āryā nairyāṇikā nairvedhikā niryāti tatkara­samyag­duḥkha­kṣayāya duḥkhasyāntakriyāyai tadrūpayā dṛṣṭyā dṛṣṭisāmānyagatā bhaviṣyāmaḥ sārdhaṃ vijñaiḥ sabrahmacāribhiḥ || ayaṃ dharmaḥ saṃraṃjanīyaḥ pūrvavad yāvad ekotībhāvāya saṃvartate ||

yāvac ca bhikṣava imān ṣaṭ saṃraṃjanīyān dharmān samādāya vartiṣyante bhikṣuṣu ca ṣaṭ saṃraṃjanīyā dharmāḥ sandrakṣyante vṛddhir eva bhikṣūṇāṃ pratikāṃkṣitavyā kuśalānāṃ dharmāṇāṃ na parihāṇiḥ ||

Nur Chin.

Hier im Tib. Uddāna

---

tatra bhagavān āyuṣmantam ānandam āmantrayate || āgamayānanda yena pāṭaligrāmakaḥ ||

evaṃ bhadantety āyuṣmān ānando bhagavataḥ pratyaśrauṣīt || atha bhagavān sārdhaṃ bhikṣusaṃghena magadheṣu janapadeṣu caryāṃ caran antarā ca pāṭaligrāmakam antarā ca rājagṛhaṃ rājāgārake rātrīṃ viharati veṇuyaṣṭikām upaniśritya ||

atha bhagavān bhikṣūn āmantrayate sma || caturṇāṃ bhikṣava āryasatyānām ajñānād adarśanād anavabodhād aprativedhād idaṃ dīrgham adhvānaṃ saṃdhāvitaṃ saṃsṛtaṃ mayā yuṣmābhir eva ca || katameṣāṃ caturṇām ||

duḥkhasya duḥkhasamudayasya duḥkhanirodhasya duḥkhanirodhagāminyāḥ pratipado ’jñānād adarśanād anavabodhād aprativedhād idaṃ dīrgham adhvānaṃ saṃdhāvitaṃ saṃsṛtaṃ mayā yuṣmābhir eva ca ||

tad idaṃ duḥkham āryasatyam anuviddhaṃ pratividdham ucchinnā bhavanetrī vikṣīṇo jātisaṃsāro nāstīdānīṃ punarbhavaḥ ||

duḥkhasamudayo duḥkhanirodho duḥkhanirodhagāminī pratipad āryasatyam anuviddhaṃ pratividdham ucchinnā bhavanetrī vikṣīṇo jātisaṃsāro nāstīdānīṃ punarbhavaḥ ||

Nur im Tib.

caturṇām āryasatyānāṃ
yathābhūtam adarśanāt ||

saṃsṛtaṃ dīrgham adhvānaṃ
mayā yuṣmābhir eva ca | 1

tāni satyāni dṛṣṭāni
bhavanetrī samuddhṛtā ||

vikṣīṇo jātisaṃsāro
nāstīdānīṃ punarbhavaḥ | 2

---

tatra bhagavān āyuṣmantam ānandam āmantra­yate || āgamayānanda yena pāṭaligrāmakaḥ ||

evaṃ bhadantety āyuṣmān ānando bhagavataḥ pratyaśrauṣīt || atha bhagavān magadheṣu janapadeṣu caryāṃ caran pāṭaligrāmakam anuprāptaḥ pāṭaligrāmake viharati pāṭalake caitye ||

aśrauṣuḥ pāṭaligrāmīyakā brāhmaṇagṛhapatayo bhagavān gautamo magadheṣu janapadeṣu caryāṃ caran pāṭaligrāmakam anuprāptaḥ pāṭaligrāmake viharati pāṭalake caitye ||

śrutvā ca punaḥ saṃghāt saṃghaṃ pūgāt pūgaṃ saṃgamya samāgamya pāṭaligrāmakān niṣkramya yena bhagavāṃs tenopajagmur upetya bhagavatpādau śirasā vanditvaikānte nyaṣīdan ||

ekāntaniṣaṇṇān pāṭaligrāmīyakān brāhmaṇagṛhapatīn bhagavān idam avocat ||

pañceme brāhmaṇagṛhapataya ādīnavāḥ pramāde || katame pañca ||

iha brāhmaṇagṛhapatayaḥ pramattaḥ pramādādhikaraṇahetor mahatīṃ bhogajyāniṃ nigacchati || yad brāhmaṇagṛhapatayaḥ pramattaḥ pramādādhikaraṇahetor mahatīṃ bhogajyāniṃ nigacchati || ayaṃ prathama ādīnavaḥ pramāde ||

punar aparaṃ brāhmaṇagṛhapatayaḥ pramattaḥ pramādādhikaraṇahetor yāṃ yām eva pariṣadam upasaṃkrāmati yadi vā kṣatriyapariṣadaṃ yadi vā brāhmaṇapariṣadaṃ yadi vā gṛhapatipariṣadaṃ yadi vā śramaṇapariṣadaṃ tatra tatra madgur upasaṃkrāmaty anudagro ’viśāradaḥ || yad brāhmaṇagṛhapatayaḥ pramattaḥ pramādādhikaraṇahetor yāṃ yām eva pariṣadam upasaṃkrāmati pūrvavad yāvad aviśāradaḥ || ayaṃ dvitīya ādīnavaḥ pramāde ||

punar aparaṃ brāhmaṇagṛhapatayaḥ pramattasya pramādādhikaraṇahetor digvidikṣu pāpako ’varṇo ’kīrtiśabdaśloko ’bhyudgacchati || yad brāhmaṇagṛhapatayaḥ pramattasya pramādādhikaraṇahetor digvidikṣu pāpako ’varṇo ’kīrtiśabdaśloko ’bhyudgacchati || ayaṃ tṛtīya ādīnavaḥ pramāde ||

punar aparaṃ brāhmaṇagṛhapatayaḥ pramattaḥ pramādādhikaraṇahetor vipratisārī kālaṃ karoti || yad brāhmaṇagṛhapatayaḥ pramattaḥ pramādādhikaraṇahetor vipratisārī kālaṃ karoti || ayaṃ caturtha ādīnavaḥ pramāde ||

punar aparaṃ brāhmaṇagṛhapatayaḥ pramattaḥ pramādādhikaraṇahetoḥ kāyasya bhedān narakeṣūpapadyate || yad brāhmaṇagṛhapatayaḥ pramattaḥ pramādādhikaraṇahetoḥ kāyasya bhedān narakeṣūpapadyate || ayaṃ pañcama ādīnavaḥ pramāde ||

pañca tv ime brāhmaṇagṛhapataya ānuśaṃsā apramāde || katame pañca ||

iha brāhmaṇagṛhapatayo ’pramatto ’pramādādhikaraṇahetor na mahatīṃ bhogajyāniṃ nigacchati || yad brāhmaṇagṛhapatayo ’pramatto ’pramādādhikaraṇahetor na mahatīṃ bhogajyāniṃ nigacchati || ayaṃ prathama ānuśaṃso ’pramāde ||

punar aparaṃ brāhmaṇagṛhapatayo ’pramatto ’pramādādhikaraṇahetor yāṃ yām eva pariṣadam upasaṃkrāmati yadi vā kṣatriyapariṣadaṃ yadi vā brāhmaṇapariṣadaṃ yadi vā gṛhapatipariṣadaṃ yadi vā śramaṇapariṣadaṃ tatra tatrāmadgur upasaṃkrāmaty udagro viśāradaḥ || yad brāhmaṇagṛhapatayo ’pramatto ’pramādādhikaraṇahetor yāṃ yām eva pariṣadam upasaṃkrāmati pūrvavad yāvad viśāradaḥ || ayaṃ dvitīya ānuśaṃso ’pramāde ||

punar aparaṃ brāhmaṇagṛhapatayo ’pramat­tasyāpramādādhikaraṇahetor digvidikṣūdāraḥ kalyāṇaḥ kīrtiśabdaśloko ’bhyudgacchati || yad brāhmaṇagṛhapatayo ’pramat­tasyāpramādādhikaraṇahetor digvidikṣūdāraḥ kalyāṇaḥ kīrtiśabdaśloko ’bhyudgacchati || ayaṃ tṛtīya ānuśaṃso ’pramāde ||

punar aparaṃ brāhmaṇagṛhapatayo ’pramatto ’pramādādhikaraṇahetor na vipratisārī kālaṃ karoti || yad brāhmaṇagṛhapatayo ’pramatto ’pramādādhikaraṇahetor na vipratisārī kālaṃ karoti || ayaṃ caturtha ānuśaṃso ’pramāde ||

punar aparaṃ brāhmaṇagṛhapatayo ’pramatto ’pramādādhikaraṇahetoḥ kāyasya bhedāt sugatau svargaloke deveṣūpapadyate || yad brāhmaṇagṛhapatayo ’pramatto ’pramādādhikaraṇahetoḥ kāyasya bhedāt sugatau svarga­loke deveṣūpapadyate || ayaṃ pañcama ānuśaṃso ’pramāde ||

atha bhagavān pāṭaligrāmīyakān brāhmaṇagṛhapatīn dhārmyā kathayā sandarśayati samādāpayati samuttejayati saṃpraharṣayati || anekaparyāyeṇa dhārmyā kathayā sandarśayitvā samādāpayitvā samuttejayitvā saṃpraharṣayitvā tūṣṇīm abhūt ||

atha pāṭaligrāmīyakā brāhmaṇagṛhapataya utthāyāsanād ekāṃsam uttarāsaṅgaṃ kṛtvā yena bhagavāṃs tenāñjaliṃ praṇamya bhagavantam idam avocan || adhivāsayatv asmākaṃ bhagavān āvasathe rātriṃvāsāya || adhivāsayati bhagavān pāṭaligrāmīyakānāṃ brāhmaṇagṛhapatīnāṃ tūṣṇīṃbhāvena ||

atha pāṭaligrāmīyakā brāhmaṇagṛhapatayo bhagavatas tūṣṇīṃbhāvenādhivāsanāṃ viditvā bhagavatpādau śirasā vanditvā bhagavato ’ntikāt prakrāntāḥ ||

---

atha bhagavān aciraprakrāntān pāṭaligrāmīyakān brāhmaṇagṛhapatīn viditvā bahir āvasathasya pādau prakṣālyāvasathaṃ praviśya nyaṣīdat ||

tena samayena varṣākāro brāhmaṇamagadhamahāmātra udyuktaḥ pāṭaligrāmakaṃ nagaraṃ māpayituṃ vṛjīnāṃ pratighātārtham || tadā pāṭaligrāmake mahāśakyamahāśakyā devatā vastuni pratigṛhṇanti ||

paryaṅkam ābhujyarjuṃ kāyaṃ praṇidhāya pratimukhaṃ smṛtim upasthāpyādrākṣīd bhagavān āvasathe divāvihāropagato divyena cakṣuṣā viśuddhenātikrāntamānuṣeṇa pāṭaligrāmake mahāśakyamahāśakyā devatā vastūni pratigṛhṇanti || dṛṣṭvā ca punaḥ sāyāhne pratisaṃlayanād vyutthāyāvasathād avatīryāvasathapracchāyāyāṃ purastād bhikṣusaṃghasya prajñapta evāsane nyaṣīdat ||

niṣadya bhagavān āyuṣmantam ānandam āmantrayate ||

ka ānandodyuktaḥ pāṭaligrāmakaṃ na­garaṃ māpayitum ||

varṣākāro bhadanta brāhmaṇamagadhamahāmātra udyuktaḥ pāṭaligrāmakaṃ nagaraṃ māpayituṃ vṛjīnāṃ pratighātārtham ||

sādhu sādhv ānanda + + varṣākāro brāhmaṇamagadhamahāmātro yathā devais trāyastriṃśaiḥ sārdham + + + + + + + ||

atrāham ānandādrākṣam āvasathe divāvihāropagataḥ pāṭaligrāmake mahāśakyamahāśakyā devatā vastūni pratigṛhṇanti ||

yasminn ānanda pradeśe mahāśakyamahāśakyā devatā vastūni pratigṛhṇanti mahāśakyānāṃ manuṣyāṇāṃ tasmin pradeśe cittaṃ krāmati yaduta vāsāya ||

yasmin pradeśe madhyā devatā vastūni pratigṛhṇanti madhyānāṃ manuṣyāṇāṃ tasmin pradeśe cittaṃ krāmati yaduta vāsāya ||

yasmin pradeśe nīcā devatā vastūni pratigṛhṇanti nīcānāṃ manuṣyāṇāṃ tasmin pradeśe cittaṃ krāmati yaduta vāsāya ||

asminn ānanda pāṭaligrāmake mahāśakyamahāśakyā devatā vastūni pratigṛhṇanti || asmin pradeśe mahāśakyānāṃ manuṣyāṇāṃ cittaṃ kramiṣyati yaduta vāsāya ||

yāvad evānandāryā āvāsā āryā vyavahārā āryā vāṇir yathaitad agraṃ bhaviṣyati puṭabhedanānāṃ yaduta pāṭaliputraṃ nagaraṃ ||

tasya trayo ’ntarāyā veditavyā agnito ’py udakato ’py abhyantarato ’pi mithobhedāt ||

---

aśrauṣīd varṣākāro brāhmaṇamagadhamahāmātraḥ || bhagavān gautamo magadheṣu janapadeṣu caryāṃ caran pāṭaligrāmakam anuprāptaḥ pāṭaligrāmake viharati pāṭalake caitye || paryupāsate taṃ pāṭaligrāmīyakā brāhmaṇagṛhapatayaḥ ||

śrutvā ca punaḥ pāṭaligrāmakān niṣkramya yena bhagavāṃs tenopajagāma || upetya bhagavatā sārdhaṃ saṃmukhaṃ saṃmodanīṃ saṃraṃjanīṃ vividhāṃ kathāṃ vyatisāryaikānte nyaṣīdat ||

ekāntaniṣaṇṇaṃ varṣākāraṃ brāhmaṇamagadhamahāmātraṃ bhagavān dhārmyā kathayā sandarśayati samādāpayati samuttejayati saṃpraharṣayati || anekaparyāyeṇa dhārmyā kathayā sandarśayitvā samādāpayitvā samuttejayitvā saṃpraharṣayitvā tūṣṇīm abhūt ||

atha varṣākāro brāhmaṇamagadhamahāmātra utthāyāsanād ekāṃsam uttarāsaṅgaṃ kṛtvā yena bhagavāṃs tenāñjaliṃ praṇamya bhagavantam idam avocat ||

adhivāsayatu me bhavāṅ gautamaḥ śvo bhaktena sārdhaṃ bhikṣusaṃghena || adhivāsayati bhagavān varṣākārasya brāhmaṇamaga­dhamahāmātrasya tūṣṇīṃbhāvena ||

atha varṣākāro brāhmaṇamagadhamahāmātro bhagavatas tūṣṇīṃbhāvenādhivāsanāṃ viditvā bhagavato bhāṣitam abhinandyānumodya bhagavato ’ntikāt prakrāntaḥ ||

atha varṣākāro brāhmaṇamagadhamahāmātras tām eva rātriṃ śuciṃ praṇītaṃ khādanīyabhojanīyaṃ samudānīya kālyam evotthāyāsanakāni prajñapyodakamaṇiṃ pratiṣṭhāpya bhagavato dūtena kālam ārocayati || samayo bho gautamo sadyo bhaktaṃ yasyedānīṃ bhavāṅ gautamaḥ kālaṃ manyate ||

atha bhagavān pūrvāhṇe nivasya pātracīvaram ādāya bhikṣusaṃghaparivṛto bhikṣusaṃghapuraskṛto yena varṣākārasya brāhmaṇamaga­dhamahāmātrasya bhaktābhisāras tenopajagāma || upetya purastād bhikṣusaṃghasya prajñapta evāsane nyaṣīdat ||

atha varṣākāro brāhmaṇamagadhamahāmātraḥ sukhopaniṣaṇṇaṃ buddhapramukhaṃ bhikṣusaṃghaṃ viditvā śucinā praṇītena khādanīyabhojanīyena svahastaṃ santarpayati saṃpravārayati || śucinā praṇītena khādanīyabhojanīyena svahastaṃ santarpayitvā saṃpravārayitvā bhagavantaṃ bhuktavantaṃ viditvā dhautahastam apanītapātraṃ sauvarṇaṃ bhṛṅgāraṃ gṛhītvā bhagavataḥ purato ’sthāt || āyācamāna evaṃ cāha ||

ito dānād yaḥ puṇyābhiṣyandaḥ kuśalābhiṣyandaḥ sa bhavatu pāṭaliputravāstavyānāṃ devatānāṃ dīrgharātram arthāya hitāya sukhāya || teṣāñ ca nāmnā dakṣiṇām ādiśasva ||

atha bhagavān varṣākārasya brāhmaṇamaga­dhamahāmātrasya tad dānam anayābhyanumodanayābhyanumodate ||

yo devatāḥ pūjayati
śrāddhaḥ puruṣapudgalaḥ ||
śāstur vākyakaro bhavati
buddhair etat praśaṃsitam |

yasmin pradeśe medhāvī
vāsaṃ kalpayati paṇḍitaḥ ||
śīlavantaṃ bhojayitvā
dakṣiṇām ādiśet tataḥ |

te mānitā mānayanti
pūjitāḥ pūjayanti ca ||
athainam anukampanti
mātā putram ivaurasam ||
devānukampitappoṣaḥ
sukhī bhadrāṇi paśyati |

---

atha bhagavān varṣākāraṃ brāhmaṇamagadhamahāmātraṃ dhārmyā kathayā sandarśayitvā samādāpayitvā samuttejayitvā saṃ­praharṣayitvotthāyāsanāt prakrāntaḥ ||

atha varṣākāro brāhmaṇamagadhamahāmātro yat tatrotsīdanadharmaṃ tat sarvaṃ visarjanadharmam iti kṛtvā bhagavantaṃ pṛṣṭhataḥ pṛṣṭhataḥ samanubaddhaḥ ||

atha varṣākārasya brāhmaṇamaga­dhamahāmātrasyaitad abhavat ||

yena dvāreṇa śramaṇo gautamaḥ prathamato niṣkramiṣyati tam ahaṃ gautamadvāraṃ māpayiṣyāmi yena tīrthena śramaṇo gautamaḥ prathamato nadīṃ gaṅgām uttariṣyati tam ahaṃ gautamatīrthaṃ māpayiṣyāmi ||

atha bhagavān varṣākārasya brāhmaṇamaga­dhamahāmātrasya cetasā cittam ājñāya paścimena dvāreṇa niṣkramyottareṇānvāvṛtto yena nadī gaṅgā ||

tena khalu samayena māgadhakā manuṣyā nadīṃ gaṅgām uttaranty api pratyuttaranty apy ekatyāḥ śalmaliphaleṣv ekatyā alābuniḥśrayaṇikābhir ekatyās tḥlabimbopanair ekatyāś chāgalakair dṛtibhiḥ ||

atha bhagavata etad abhavat || kiṃ nu nadīṃ gaṅgām asajyamānaḥ srotaso gacchāmy āho svid apārime tīre ’ntarhitaḥ pārime tīre pratitiṣṭhāmi || atha bhagavāṃs tadrūpaṃ samādhiṃ samāpanno yathā samāhite citte ’pārime tīre ’ntarhitaḥ pārime tīre pratyasthāt ||

atha varṣākāro brāhmaṇamagadhamahāmātro yena dvāreṇa bhagavān niṣkrāntas tad gautamadvāraṃ māpayati yena tīrthena bhagavān nadīṃ gaṅgām uttīrṇas tad gautamatīrthaṃ māpayati ||

athānyataro bhikṣus tasyāṃ velāyāṃ gāthāṃ babhāṣe |

ye taranti hy ārṇavaṃ saraḥ
setuṃ kṛtvā visṛjya palvalāni ||
kolaṃ hi janāḥ prabadhnate
tīrṇā medhāvino janāḥ |

uttīrṇo bhagavān buddho
brāhmaṇas tiṣṭhati sthale ||
bhikṣavaḥ parisnāyanti
kolaṃ badhnanti śrāvakāḥ |

kiṃ kuryād udapānena
āpaś cet sarvato yadi ||
chittveha mūlaṃ tṛṣṇāyāḥ
kasya paryeṣaṇāṃ caret |

---

tatra bhagavān āyuṣmantam ānandam āmantrayate ||

āgamyānanda yena kuṭigrāmakaḥ ||

evaṃ bhadantety āyuṣmān ānando bhagavataḥ pratyaśrauṣīt ||

atha bhagavān yena kuṭigrāmakas tena caryāṃ prakrāntaḥ || anupūrveṇa caryāñ caraṅ kuṭigrāmakam anuprāptaḥ kuṭigrāmake viharaty uttareṇa grāmasya śiṃśapāvane ||

tatra bhagavān bhikṣūn āmantrayate ||

itīmāni bhikṣavaḥ śīlāny ayaṃ samādhir iyaṃ prajñā || śīlaparibhāvitaḥ samādhiś cirasthitiko bhavati || prajñāparibhāvitaṃ cittaṃ samyag eva vimucyate rāgadveṣamohebhyaḥ ||

evaṃ samyaksuvimuktacitta āryaśrāvakaḥ samyag eva prajānāti || kṣīṇā me jātir uṣitaṃ brahmacaryaṃ kṛtaṃ karaṇīyaṃ nāparam asmād bhavaṃ prajānāmi ||

---

tatra bhagavān āyuṣmantam ānandam āmantrayate ||

āgamayānanda yena nādikā ||

evaṃ bhadantety āyuṣmān ānando bhagavataḥ pratyaśrauṣīt ||

atha bhagavān vṛjiṣu janapadeṣu caryāñ caran nādikām anuprāpto nādikāyāṃ viharati kuñjikāvasathe ||

tena samayena nādikāyā mahato janakāyasya māry utthitābhūt || tathā hi karkaṭaka upāsakaḥ kālagataḥ ||

nikaṭa upāsakaḥ kaḍaṅgaraḥ kātyarṣabhaś cārur upacārur ariṣṭa upāriṣṭo bhadraḥ subhadro yaśo yaśodatto yaśottaro ’pi kālagataḥ ||

atha saṃbahulā bhikṣavaḥ pūrvāhṇe nivasya pātracīvaram ādāya nādikāṃ piṇḍāya prāvikṣan ||

aśrauṣuḥ saṃbahulā bhikṣavo nādikāṃ piṇḍāya carantaḥ || asyāṃ nādikāyāṃ mahāñ janakāyo mṛtaḥ || tathā hi karkaṭaka upāsakaḥ kālagato nikaṭo kaḍaṅgaraḥ kātyarṣabhaś cārur upacārur ariṣṭa upāriṣṭo bhadraḥ subhadro yaśo yaśodatto yaśottaraḥ kālagataḥ ||

śrutvā ca punar nādikāṃ piṇḍāya caritvā kṛtabhaktakṛtyāḥ paścādbhaktapiṇḍapātāḥ pratikrāntāḥ || pātracīvaraṃ pratiśāmya pādau prakṣālya yena bhagavāṃs tenopajagmuḥ || upetya bhagavataḥ pādau śirasā vanditvaikānte nyaṣīdan ||

ekānte niṣaṇṇāḥ saṃbahulā bhikṣavo bhagavantam idam avocan ||

iha vayaṃ bhadanta saṃbahulā bhikṣavaḥ pūrvāhṇe nivasya pātracīvaram ādāya nādikāṃ piṇḍāya prāviśāma || aśrauṣma vayam asyāṃ nādikāyāṃ karkaṭaka upāsakaḥ kālagataḥ pūrvavad yāvad yaśodatto yaśottaraḥ kālagataḥ teṣāṃ bhadanta kā gatiḥ kopapattiḥ ko ’bhisaṃparāyaḥ ||

karkaṭaka upāsakaḥ pañcānām avarabhāgīyānāṃ saṃyoja­nānāṃ prahāṇād aupapādukās tatra parinirvāyy anāgāmy anāvṛttidharmā punar imaṃ lokaṃ ||

nikaṭaḥ kaḍaṅgaraḥ pūrvavad yāvad yaśottara upāsakaḥ pañcānām avarabhāgīyānāṃ pūrvavad yāvat punar imaṃ lokam ||

santi bhikṣavo nādikāyām ardhatṛtīyāny upāsakaśatāni kālagatāni yāni pañcānām avarabhāgīyānāṃ saṃyojanānāṃ prahāṇād aupapādukās tatra parinirvāyiṇo ’nāgāmino ’nāvṛttidharmāṇaḥ punar imaṃ lokam ||

sātirekāṇi bhikṣavo nādikāyāṃ tryupāsakaśatāni abhyatītāni kālagatāni yāni trayāṇāṃ saṃyojanānāṃ prahāṇād rāgadveṣamohānāṃ ca tanutvāt kālaṃ kṛtvā sakṛdāgāminaḥ sakṛd imaṃ lokam āgamya duḥkhasyāntaṃ kariṣyanti ||

sātirekāṇy asyāṃ nādikāyāṃ pañcopāsakaśatāny abhyatītāni kālagatāni yāni trayāṇāṃ saṃyojanānāṃ prahāṇāc chrotaāpannā avinipātadharmāṇo niyataṃ saṃbodhiparāyaṇāḥ saptakṛtvaḥparamāḥ saptakṛtvo devāṃś ca manuṣyāṃś ca saṃdhāvya saṃsṛtya duḥkhasyāntaṃ kariṣyanti ||

kāla­gatāḥ kālagatā iti yūyaṃ bhikṣavas tathāgataṃ prakṣyatha viheṭhayiṣyatha tathāgataṃ na punar anena tathāgat. + + + + + + + + jātasyāvaśyaṃ kālakriyā ||

kim atrāścaryam || utpādād vā tathāgatānām anutpādād vā sthitaiveyaṃ dharmatā dharmasthitaye dhātūṃs tāṃs tathāgataḥ svayam abhijñāyābhisaṃbuddhyākhyāti prajñāpayati prasthāpayati vibhajati vivaraty uttānīkaroti deśayati saṃprakāśayati ||

yadutāsmin satīdaṃ bhavaty asyotpādād idam utpadyate yadutāvidyāpratyayāḥ saṃskārā yāvat samudayo nirodhaś ca bhavati ||

api dharmā­darśaṃ nāma dharmaparyāyaṃ deśayiṣye || taṃ śṛṇuta sādhu ca suṣṭhu ca manasi kuruta bhāṣiṣye || dharmādarśo dharmaparyāyaḥ katamaḥ || buddhe dharme saṃghe ’vetyaprasādena samanvāgato bhavaty āryakāntaiḥ śīlaiḥ samanvāgato bhavati || ayam ucyate dharmādarśo dharmaparyāyaḥ || dharmādarśo dharmaparyāya iti me yad uktaṃ yuṣmākaṃ bhikṣavas tad uktam ||

---

tatra bhagavān āyuṣmantam ānandam āmantrayate || āgamayānanda yena vaiśālī ||

evaṃ bhadantety āyuṣmān ānando bhagavataḥ pratyaśrauṣīt ||

atha bhagavān vṛjiṣu janapadeṣu caryāṃ caran vaiśālim anuprāpto vaiśālyāṃ viharaty āmrapālivane ||

aśrauṣīd āmrapālir gaṇikā || bhagavāṅ gautamo vaiśālīm anuprāpto vaiśālyāṃ viharaty asmākam evāmravane ||

śrutvā ca punaḥ sarvālaṃkārair alaṃkṛtā strīgaṇam anvāhiṇḍayitvā bhadraṃ yānam adhiruhya vaiśālyā niryāti bhagavato ’ntikeno­pada­rśanāya bhagavantaṃ paryupāsanāyai ||

tasyā yāvad yānabhūmis tāvad yānena gatvā yānād avatīrya padbhyām eva yena bhagavāṃs tenopasaṃkrāntā ||

adrākṣīd bhagavān anekaśatabhikṣuparivāre sanniṣaṇṇa āmrapāliṃ dūrād āgacchantīṃ dṛṣṭvā ca punar bhikṣūn āmantrayate ||

ātāpino bhikṣavo viharata saṃprajānāḥ pratismṛtāḥ || āmrapālir gaṇikātrāgatā ||

kathaṃ ca bhikṣur ātāpī bhavati ||

iha bhikṣur utpannānāṃ pāpakānām akuśalānāṃ dharmāṇāṃ prahāṇāya cchandaṃ janayati vyāyacchate vīryam ārabhate cittaṃ pragṛhṇāti pradadhāti ||

anutpan­nānāṃ pāpakānām akuśalānāṃ dharmāṇām anutpādāya cchandaṃ janayati pūrvavat ||

anutpan­nānāṃ kuśalānāṃ dharmāṇām utpādāya cchandaṃ janayati pūrvavat ||

utpannānāṃ kuśalānāṃ dharmāṇāṃ sthitaye bhūyo­bhāva­tāyā asaṃpramoṣāya paripūraṇāya vaipulyāya cchandaṃ janayati pūrvavat || ayaṃ bhikṣur ātāpī bhavati ||

kathañ ca bhikṣuḥ saṃprajāno bhavati ||

iha bhikṣur abhikrānte pratikrānte saṃprajāno bhavaty ālokite vilokite saṃmiñjite prasārite saṃ­ghāṭīcīvarapātra­dhāraṇe gate sthite niṣaṇṇe śayite jāgarite bhāṣite tūṣṇīṃbhāve supte śrame viśrame saṃprajāno bhavati || ayaṃ bhikṣur saṃprajāno bhavati ||

kathañ ca bhikṣuḥ pratismṛto bhavati ||

iha bhikṣur adhyātmaṃ kāye kāyānupaśyī viharaty ātāpī saṃprajānaḥ smṛtimān vinīyābhidhyā loke daurmanasyam || bahirdhā kāye ’dhyātmabahirdhā kāye ’dhyātmaṃ vedanāsu bahirdhā vedanāsv adhyātmabahirdhā vedanāsv adhyātmaṃ citte bahirdhā citte ’dhyātmabahirdhā citte ’dhyātmaṃ dharmeṣu bahirdhā dharmeṣv adhyātmabahirdhā dharmeṣu dharmānupaśyī viharaty ātāpī saṃprajānaḥ smṛtimān vinīyābhidhyā loke daurmanasyam || ayaṃ bhikṣuḥ pratismṛto bhavati ||

ātāpino bhikṣavo viharata saṃprajānāḥ pratismṛtāḥ || āmrapālir gaṇikātrāgatety eva mayākhyātam ||

athāmrapālir yena bhagavāṃs tenopajagāma || upetya bhagavatpādau śirasā vanditvaikānte nyaṣīdat ||

e­kānta­niṣaṇṇām āmrapāliṃ bhagavān dhārmyā kathayā pūrvavad yāvat saṃpraharṣayitvā tūṣṇīm abhūt ||

atha āmrapālir utthāyāsanād yena bhagavāṃs tenāñjaliṃ praṇamya bhagavantam idam avocat ||

adhivāsayatu me bhagavāñ śvo bhaktena sārdhaṃ bhikṣusaṃghena ||

adhivāsayati bhagavāṃ tūṣṇīṃbhāvena || atha āmrapālir bhagavatas tūṣṇīṃbhāvenādhivāsanāṃ viditvā bhagavatpādau śirasā vanditvā bhagavato ’ntikāt prakrāntā ||

---

aśrauṣur vaiśālakā licchavayaḥ || bhagavān vṛjiṣu janapadeṣu caryāṃ caran vaiśālīm anuprāpto vaiśālyāṃ viharaty āmrapālivane ||

śrutvā pratyekapratyekaṃ bhadreṣu yāneṣv adhiruhya … māṇābhir

ekatyā nīlāśvā nīlarathā nīlapragrahapratodā nīloṣṇīṣā nīlacchatrakhaḍgakośā nīlamaṇidaṇḍakacāmarā nīlavastrālaṃkāravilepanā nīlaparivārā

ekatyāḥ pītāśvāḥ pītarathāḥ pītapragrahapratodāḥ pītoṣṇīṣāḥ pītacchatrakhaḍgakośāḥ pītamaṇidaṇḍakacāmarāḥ pīta­vastrā­laṃ­kāravilepanāḥ pītaparivārā ||

ekatyā lohitāśvā lohitarathā lohitapragrahapratodā lohitoṣṇīṣā lohitacchatrakhaḍgakośā lohitamaṇidaṇḍakacāmarā lohita­vastrā­laṃ­kāravilepanā lohitaparivārā

ekatyāḥ śvetāśvāḥ śvetarathāḥ śvetapragrahapratodāḥ śvetoṣṇīṣāḥ śvetacchatrakhaḍgakośāḥ śvetamaṇidaṇḍakacāmarāḥ śveta­vastrā­laṃ­kāravilepanāḥ śvetaparivārā

uccaśabdaṃ prakṣveḍayanto mahāśabdaṃ prakṣveḍayanto vaiśālyā niṣkramya yena bhagavāṃs tenopajagmur bhagavaddarśanāya bhagavantaṃ paryupāsanāyai ||

adrākṣīd bhagavān vaiśalakāl licchavīn dūrād evāgacchato dṛṣṭvā ca punar bhikṣūn āmantrayate ||

… vaiśālakāl licchavīn paśyatha || anayarddhyā …

teṣāṃ yāvad yānabhūmis tāvad yānena gatvā yānād avatīrya padbhyām eva yena bhagavāṃs tenopajagmur upetya bhagavatpādau śirasā vanditvaikānte nyaṣīdan ||

e­kānta­niṣaṇṇān vaiśālakāl licchavīn bhagavān dhārmyā kathayā sandarśayati samādāpayati samuttejayati saṃpraharṣayati ||

atha bhagavān vaiśālakāl licchavīn dhārmyā kathayā sandarśayitvā samādāpayitvā samuttejayitvā saṃpraharṣayitvā tūṣṇīm abhūt ||

atha vaiśālakā licchavaya utthāyāsanād ekāṃsam uttarāsaṅgaṃ kṛtvā yena bhagavāṃs tenāñjaliṃ praṇamya bhagavantam idam avocan ||

adhivāsayatu no bhagavāñ śvo bhaktena sārdhaṃ bhikṣusaṃghena ||

nimantrito ’smi vāsiṣṭhās tatprathamata āmrapālyā ||

bhadantāmrapālyāmbakayā a … punar vayaṃ bhadantopasthāsyāmo bhagavantaṃ bhikṣusaṃghaṃ ca ||

kalyāṇam idaṃ vāsiṣṭhā uktam ||

atha vaiśālakā licchavayo bhagavato bhāṣitam abhinandyānumodya bhagavatpādau śirasā vanditvā bhagavato ’ntikāt prakrāntāḥ ||

---

athāmrapālis tām eva rātriṃ śuciṃ praṇītaṃ khādanīyabhojanīyaṃ samudānīya kālyam evotthāya āsanakāni prajñapyodakamaṇiṃ pratiṣṭhāpya bhagavato dūtena kālam ārocayati ||

samayo bho gautamo sadyo bhaktaṃ yasyedānīṃ bhavāṅ gautamaḥ kālaṃ manyate ||

atha bhagavān pūrvāhṇe nivasya pātracīvaram ādāya bhikṣusaṃghaparivṛto bhikṣusaṃghapuraskṛto yenāmrapālyā gaṇikāyā bhaktābhisāras tenopajagāma || upetya purastād bhikṣusaṃghasya prajñapta evāsane nyaṣīdat ||

athāmrapāliḥ sukhopaniṣaṇṇaṃ buddhapramukhaṃ bhikṣusaṃghaṃ viditvā śucinā praṇītena khādanīyabhojanīyena svahastaṃ santarpayati saṃpravārayati || śucinā praṇītena khādanīyabhojanīyena svahastaṃ santarpayitvā saṃpravārayitvā

bhagavantaṃ bhuktavantaṃ viditvā dhautahastam apanītapātraṃ nīcatarakam āsanaṃ gṛhītvā bhagavataḥ purato niṣaṇṇā dharmaśravaṇāya ||

atha bhagavān āmrapālyās tad dānam anayābhyanumodanayābhyanumodate |

dadat priyo bhavati bhajanti taṃ janāḥ
kīrtiṃ samāpnoti yaśaś ca vardhate ||
amadgubhūtaḥ pariṣadaṃ vigāhate
viśārado bhavati naro hy amatsarī |

tasmād dhi dānāni dadati paṇḍitā
vinīya mātsaryamalaṃ sukhaiṣiṇaḥ ||
te dīrgharātraṃ tridaśe pratiṣṭhitā
devānāṃ svabhāvagatā ramanti te |

kṛtāyuṣāḥ kṛtakuśalā itaś cyutāḥ
svayaṃprabhā anuvicaranti nandane ||
te tatra krīḍanti ramanti cobhayaṃ
samarpitāḥ kāmaguṇais tu pañcabhiḥ ||
śrutveha vākyam asitasya tāyinaḥ
svarge ramante sugatasya śrāvakāḥ |

atha bhagavān āmrapāliṃ dhārmyā kathayā sandarśayitvā samādāpayitvā samuttejayitvā saṃ­praharṣayitvotthāyāsanāt prakrāntaḥ ||

---

tatra bhagavān āyuṣmantam ānandam āmantrayate ||

āgamayānanda yena veṇugrāmakaḥ ||

evaṃ bhadantety āyuṣmān ānando bhagavataḥ pratyaśrauṣīt ||

atha bhagavān vṛjiṣu janapadeṣu caryāṃ caran veṇugrāmakam anuprāpto veṇugrāmake viharaty uttareṇa grāmasya śiṃśapāvane ||

tena khalu samayena durbhikṣam abhūt kṛcchraḥ kāntāro durlabhaḥ piṇḍako yācanakena ||

tatra bhagavān bhikṣūn āmantrayate ||

etarhi bhikṣavo durbhikṣaṃ kṛcchraḥ kāntāro durlabho piṇḍako yācanakena ||

eta yūyaṃ bhikṣavo yathāsaṃstutikayā yathāsaṃlaptikayā yathāsaṃpremikayā vaiśālīsamantakena vṛjigrāmakeṣu varṣām upagacchata ||

aham apy asminn eva veṇugrāmake varṣām upagamiṣyāmy ānandena bhikṣuṇopasthāyakena || mā sarva eva piṇḍakena klāmatha ||

evaṃ bhadanteti te bhikṣavo bhagavataḥ pratiśrutya

yathāsaṃstutikayā yathāsaṃlaptikayā yathā­saṃ­premikayā vaiśālīsamantakena vṛjigrāmakeṣu varṣām upagatāḥ ||

---

---

Hier im Tib. Uddāna

---

tatra bhagavān āyuṣmantam ānandam āmantrayate ||

āgamayānanda yena vaiśālī ||

evaṃ bhadantety āyuṣmān ānando bhagavataḥ pratyaśrauṣīt ||

atha bhagavān vṛjiṣu janapadeṣu caryāṃ caran vaiśālīm anuprāpto vaiśālyāṃ viharati markaṭahradatīre kūṭāgāraśālāyām ||

atha bhagavān pūrvāhṇe nivasya pātracīvaram ādāya vaiśālīṃ piṇḍāya prāviśad āyuṣmatānandena paścācchramaṇena ||

atha bhagavān vaiśālīṃ piṇḍāya caritvā kṛtabhaktakṛtyaḥ paścādbhaktapiṇḍapātaḥpratikrāntaḥ ||

pātracīvaraṃ pratiśamayya yena cāpālaṃ caityaṃ tenopajagāma || upetyānyataraṃ vṛkṣamūlaṃ niśritya niṣaṇṇo divāvihārāya ||

tatra bhagavān āyuṣmantam ānandam āmantrayate ||

ramaṇīyānanda vaiśālī vṛjibhūmiś cāpālaṃ caityaṃ saptāmrakaṃ bahupattrakaṃ gautamanyagrodhaḥ śālavanaṃ dhurānikṣepaṇaṃ mallānāṃ makuṭabandhanaṃ caityam || citro jaṃbudvīpo madhuraṃ jīvitaṃ manuṣyāṇām ||

yasya kasyacic catvāra ṛddhipādā āsevitā bhāvitā bahulīkṛtā ākāṃkṣamāṇaḥ sa kalpaṃ vā tiṣṭhet kalpāvaśeṣaṃ vā || tathāgatasyānanda catvāra ṛddhipādā āsevitā bhāvitā bahulīkṛtāḥ || ākāṃkṣamāṇas tathāgataḥ kalpaṃ vā tiṣṭhet kalpāvaśeṣaṃ vā ||

evam ukta āyuṣmān ānandas tūṣṇīm abhūt || dvir api trir api bhagavān āyuṣmantam ānandam āmantrayate ||

ramaṇīyānanda vaiśālī vṛjibhūmiś cāpālaṃ caityaṃ saptāmrakaṃ bahupattrakaṃ gautamanyagrodhaḥ śālavanaṃ dhurānikṣepaṇaṃ mallānāṃ makuṭabandhanaṃ caityam || citro jaṃbudvīpo madhuraṃ jīvitaṃ manuṣyāṇām ||

yasya kasyacic catvāra ṛddhipādā āsevitā bhāvitā bahulīkṛtā ākāṃkṣamāṇaḥ sa kalpaṃ vā tiṣṭhet kalpāvaśeṣaṃ vā || tathāgatasyānanda catvāra ṛddhipādā āsevitā bhāvitā bahulīkṛtāḥ || ākāṃkṣamāṇas tathāgataḥ kalpaṃ vā tiṣṭhet kalpāvaśeṣaṃ vā ||

dvir api trir apy āyuṣmān ānandas tūṣṇīm ||

atha bhagavata etad abhavat || sphuṭo batāyam ānando bhikṣur māreṇa pāpīyasā yatredānīṃ yāvat trir apy audārike avabhāsanimitte prāviṣkriyamāṇe na śaknoti tannimittam ājñātuṃ yathāpi tataḥ sphuṭo māreṇa pāpīyasā ||

iti viditvāyuṣmantam ānandam āmantrayate ||

gacchānandān­yata­ravṛkṣamūlaṃ niśritya vihara mā ubhāv apy ākīrṇavihāriṇau bhaviṣyāvaḥ ||

evaṃ bhadantety āyuṣmān ānando bhagavataḥ pratiśrutyān­yata­mavṛkṣamūlaṃ niśritya niṣaṇṇo divāvihārāya ||

---

sa māraḥ pāpīyān yena bhagavāṃs tenopasaṃkrāntaḥ || upetya bhagavatpādau śirasā vanditvaikānte ’sthāt || ekāntasthito māraḥ pāpīyān bhagavantam idam avocat ||

pari­nirvāhi bhagavan parinirvāṇasamayaḥ sugatasya ||

kasmāt tvaṃ pāpīyann evaṃ vadasi || parinirvāhi bhagavan parinirvāṇasamayaḥ sugatasya ||

eko ’yaṃ bhadanta samayaḥ || bhagavān uruvilvāyāṃ viharati nadyā nairañjanāyās tīre bodhimūle ’cirābhisaṃbuddhaḥ || so ’haṃ yena bhagavāṃs tenopasaṃkrāntaḥ ||

upetya bhagavantam evaṃ vadāmi || parinirvāhi bhagavan parinirvāṇasamayaḥ sugatasya ||

bhagavān evam āha ||

na tāvat pāpīyan parinirvāsyāmi yāvan na me śrāvakāḥ paṇḍitā bhaviṣyanti vyaktā medhāvinaḥ || alam utpannotpan­nānāṃ parapravādināṃ saha dharmeṇa nigrahītāraḥ || alaṃ svasya vādasya paryavadātāro bhikṣavo bhikṣuṇya upāsakā upāsikā vaistārikaṃ ca me brahmacaryaṃ cariṣyanti bahujanyaṃ pṛthubhūtaṃ yāvad devamanuṣyebhyaḥ samya­ksaṃ­prakāśitam ||

etarhi bhadanta bhagavataḥ śrāvakāḥ paṇḍitā vyaktā medhāvinaḥ || alam utpannotpannānāṃ parapravādināṃ saha dharmeṇa nigrahītāraḥ svasya vādasya paryavadātāro bhikṣavo bhikṣuṇya upāsakā upāsikā vaistārikaṃ ca te brahmacaryaṃ bāhujanyaṃ pṛthubhūtaṃ yāvad devamanuṣyebhyaḥ samyaksaṃprakāśitam ||

tasmād aham evaṃ vadāmi parinirvāhi bhagavan parinirvāṇasamayaḥ sugatasya ||

alpotsukas tvaṃ pāpīyan bhava na cirasyedānīṃ tathāgatasya trayāṇāṃ māsānām atyayād anupadhiśeṣe nirvāṇadhātau parinirvāṇaṃ bhaviṣyati ||

atha mārasya pāpīyasa etad abhavat || parinirvāsyate śramaṇo gautama iti viditvā hṛṣṭas tuṣṭa udagraḥ prītisaumanasyajātas tatraivāntarhitaḥ ||

atha bhagavata etad abhavat || yan nv ahaṃ tadrūpān ṛddhyabhisaṃskārān abhisaṃskuryāṃ yathā samāhite citte jīvitasaṃskārān adhiṣṭhāyāyuḥsaṃskārān utsṛjeyam ||

atha bhagavāṃs tadrūpān ṛddhyabhisaṃskārān abhisaṃskaroti yathā samāhite citte jīvitasaṃs­kārān adhiṣṭhāyāyuḥ­saṃs­kārān utsṛjati || samanantarotsṛṣṭāyuḥ­saṃs­kāreṣv atyarthaṃ tasmin samaye mahāpṛthivīcālaś cābhūd ulkāpātā diśodāhā antarīkṣe devadundubhayo ’bhinadanti ||

atha bhagavāṃs tasmāt samādher vyutthāya tasyāṃ velāyāṃ gāthāṃ babhāṣe ||

tulyam atulyaṃ ca saṃbhavaṃ
bhava­saṃs­kāram apotsṛjan muniḥ ||
adhyātmarataḥ samāhito
hy abhinat kośam ivāṇḍasaṃ­bhavaḥ |

---

athāyuṣmān ānando yena bhagavāṃs tenopajagāma || upetya bhagavataḥ pādau śirasā vanditvaikānte ’sthāt || ekāntasthita āyuṣmān ānando bhagavantam idam avocat ||

ko bhadanta hetuḥ kaḥ pratyayo yenaitarhy abhūn mahāpṛthivīcāla ulkāpātā diśodāhā antarīkṣe devadundubhayo ’bhinadanti ||

aṣṭāv ime hetavo ’ṣṭau pratyayā mahataḥ pṛthivīcālasya || katame ’ṣṭau ||

iyaṃ mahāpṛthivy apsu pratiṣṭhitā || āpo vāyau pratiṣṭhitā vāyur ākāśe pratiṣṭhitaḥ || bhavaty ānanda samayo yad ākāśe viṣamā vāyavo vānty āpaḥ kṣobhayanti || āpaḥ kṣubdhāḥ pṛthivīṃ cālayanti ||

ayaṃ prathamo hetuḥ prathamaḥ pratyayo mahataḥ pṛthivīcālasya ||

punar aparaṃ bhikṣur maharddhiko bhavati mahānubhāvaḥ sa parīttāṃ pṛthivīsaṃjñām adhitiṣṭhaty apramāṇāṃ cāpsaṃjñāṃ sa ākāṃkṣamāṇaḥ pṛthivīṃ cālayati ||

bhikṣuṇī devatā vā maharddhikā bhavati mahānubhāvā sā parīttāṃ pṛthivīsaṃjñām adhitiṣṭhaty apramāṇāṃ cāpsaṃjñām ākāṃkṣamāṇā pṛthivīṃ cālayati ||

ayaṃ dvitīyo hetur dvitīyaḥ pratyayo mahataḥ pṛthivīcālasya ||

punar aparaṃ yasmin samaye bodhisatvas tuṣitād devanikāyāc cyutvā mātuḥ kukṣāv avakrāmaty atyarthaṃ tasmin samaye mahāpṛthivīcālaś ca bhavati sarvaś cāyaṃ loka udāreṇāvabhāsena sphuṭo bhavanti ||

api tā lokasya lokāntarikā andhatamā andhakāratamisrā yatremau sūryācandramasāv evaṃmaharddhikāv evaṃ­mahā­nubhāvāv ābhayābhāṃ na pratyanubhavatas tā api tasmin samaye udāreṇāvabhāsena sphuṭā bhavati ||

tatra ye satvā upapannās te tayābhayānyonyaṃ satvaṃ dṛṣṭvā saṃjānante || anye ’pi bhavantaḥ satvā ihopapannāḥ || anye ’pi bhavantaḥ satvā ihopapannāḥ ||

ayaṃ tṛtīyo hetus tṛtīyaḥ pratyayo mahataḥ pṛthivīcālasya ||

punar aparaṃ yasmin samaye bodhisatvo mātuḥ kukṣer niṣkrāmaty atyarthaṃ tasmin samaye mahāpṛthivīcālaś ca bhavati pūrvavad yāvad anye ’pi bhavantaḥ satvā ihopapannāḥ ||

ayaṃ caturtho hetuś caturthaḥ pratyayo mahataḥ pṛthivīcālasya ||

punar aparaṃ yasmin samaye bodhisatvo ’nuttarāṃ samyaksaṃbodhim adhigacchaty atyarthaṃ tasmin samaye mahāpṛthivīcālaś ca bhavati pūrvavat ||

ayaṃ pañcamo hetuḥ pañcamaḥ pratyayo mahataḥ pṛthivīcālasya ||

punar aparam ānanda yasmin samaye tathāgatas triparivartaṃ dvādaśākāraṃ dhārmyaṃ dharmacakraṃ pravartayaty atyarthaṃ tasmin samaye mahāpṛthivīcālaś ca bhavati pūrvavat ||

ayaṃ ṣaṣṭho hetuḥ ṣaṣṭhaḥ pratyayo mahataḥ pṛthivīcālasya ||

punar aparaṃ yasmin samaye tathāgato jīvitasaṃskārān adhiṣṭhāyāyuḥsaṃskārān utsṛjaty atyarthaṃ tasmin samaye mahāpṛthivīcālo bhavaty ulkāpātā diśodāhā antarīkṣe devadundubhayo ’bhinadanti ||

ayaṃ saptamo hetuḥ saptamaḥ pratyayo mahataḥ pṛthivīcālasya ||

punar aparaṃ na cirasyedānīṃ tathāgatasyānupadhiśeṣe nirvāṇadhātau parinirvāṇaṃ bhaviṣyati || atyarthaṃ tasmin samaye mahāpṛthivīcālaś ca bhavaty ulkāpātā diśodāhā antarīkṣe devadundubhayo ’bhinadanti ||

ayam aṣṭamo hetur aṣṭamaḥ pratyayo mahataḥ pṛthivīcālasya ||

---

athāyuṣmān ānando bhagavantam idam avocat ||

yathā khalv ahaṃ bhadanta bhagavato bhāṣitasyārtham ājānāmi bhagavataitarhi jīvitasaṃskārān adhiṣṭhāyāyuḥsaṃskārā utsṛṣṭāḥ ||

evam etad ānandaivam etad ānanda || etarhy ānanda tathāgatena jīvitasaṃskārān adhiṣṭhāyāyuḥ­saṃs­kārā utsṛṣṭāḥ ||

saṃmukhaṃ me bhadanta bhagavato ’ntikāc chrutaṃ saṃmukham udgṛhītam || yasya kasyacic catvāra ṛddhi­pād­ā āsevitā bhāvitā bahulīkṛtā ākāṃkṣamāṇaḥ kalpam api tiṣṭhet kalpāvaśeṣam api ||

bhagavato bhadanta catvāra ṛddhipādā āsevitā bhāvitā bahulīkṛtā ākāṃkṣamāṇas tathāgatas kalpaṃ vā tiṣṭhet kalpāvaśeṣaṃ vā ||

tiṣṭhatu bhagavān kalpaṃ tiṣṭhatu sugataḥ kalpāvaśeṣam ||

tavaivānandāparādhas tavaiva duṣkṛtaṃ yas tvaṃ tathāgatasya yāvat trir apy audāre ’vabhāsanimitte prāviṣkriyamāṇe na śaknoṣi taṃ nimittaṃ prativeddhuṃ yathāpi tat sphuṭo māreṇa pāpīyasā ||

kiṃ manyasa ānanda bhāṣeta tathāgatas tāṃ vācaṃ yā syād dvaidhavipākyā || no bhadanta ||

sādhu sādhv ānanda || asthānam anavakāśo yat tahāgatas tāṃ vācaṃ bhāṣeta yā syād dvaidhavipākyā ||

---

gaccha tvam ānanda yāvanto bhikṣavaś cāpālaṃ caityam upaniśritya viharanti tān sarvān upasthānaśālāyāṃ sannipātaya ||

evaṃ bhadanta || āyuṣmān ānando bhagavataḥ pratiśrutya yāvanto bhikṣavaś cāpālaṃ caityam upaniśritya viharanti tān sarvān upasthānaśālāyāṃ sannipātya yena bhagavāṃs tenopasaṃkrāntaḥ || upasaṃkramya bhagavataḥ pādau śirasā vanditvaikānte ’sthāt ||

e­kāntas­thita āyuṣmān ānando bhagavantam idam avocat ||

yāvanto bhadanta bhikṣavaś cāpālaṃ caityam upaniśritya viharanti sarve ta upasthānaśālāyāṃ niṣaṇṇāḥ sannipatitāḥ || yasyedānīṃ bhagavān kālaṃ manyate ||

atha bhagavān yenopasthānaśālā tenopasaṃkrāntaḥ || upasaṃkramya purastād bhikṣusaṃghasya prajñapta evāsane nyaṣīdat || niṣadya bhagavān bhikṣūn āmantrayate sma ||

anityā bhikṣavaḥ sarvasaṃskārā adhruvā anāśvāsikā vipariṇāmadharmāṇo yāvad alam eva bhikṣavaḥ sarvasaṃskārān saṃskaritum alaṃ virantum ||

tasmāt tarhi bhikṣavo ye te dharmā dṛṣṭadharmahitāya saṃvartante dṛṣṭadharmasukhāya saṃparāyahitāya saṃparāyasukhāya te bhikṣubhir udgṛhya paryavāpya tathā tathā dhārayitavyā grāhayitavyā vācayitavyā yathedaṃ brahmacaryaṃ cirasthitikaṃ syāt tad bhaviṣyati bahujanahitāya bahujanasukhāya lokānukampāyārthāya hitāya sukhāya devamanuṣyāṇāṃ ||

katame te dharmā dṛṣṭadharmahitāya saṃ­vartante dṛṣṭadharmasukhāya saṃparāyahitāya saṃparāyasukhāya te bhikṣubhir udgṛhya pūrvavad yāvad devamanuṣyāṇām ||

tadyathā catvāri smṛtyupasthānāni catvāri samyakprahāṇāni catvāra ṛddhipādāḥ pañcendriyāṇi pañca balāni sapta bodhyaṅgāny āryāṣṭāṅgo mārgaḥ ||

ime te dharmā dṛṣṭadharmahitāya saṃvartante pūrvavad yāvad devamanuṣyāṇām ||

---

tatra bhagavān āyuṣmantam ānandam āmantrayate ||

āgamayānanda yena kuṣṭhagrāmakaḥ ||

evaṃ bhadantety āyuṣmān ānando bhagavataḥ pratyaśrauṣīt ||

bhagavān vaiśālīsāmantakenātik­raman dakṣiṇena sarvakāyena nāgāvalokitenāvalokayati ||

adrākṣīd āyuṣmān ānando bhagavantaṃ dakṣiṇena sarvakāyena nāgāvalokitena vyavalokayantaṃ dṛṣṭvā punar bhagavantam idam avocat ||

nāhetv apratyayaṃ bhadanta tathāgatā arhantaḥ samyaksaṃbuddhā nāgāva­lokitam avalokayanti || ko bhadanta hetuḥ kaḥ pratyayo nāgāvalokitasya ||

evam etad ānandaivam etad ānanda || nāhetv apratyayaṃ tathāgatā arhantaḥ samyaksaṃbuddhā dakṣiṇena sarvakāyena nāgāvalokitenāvalokayanti ||

idam ānanda tathāgatasya vaiśālyāḥ paścimaṃ darśanaṃ na bhūya iha saṃbuddho vaiśālīm āgamiṣyati || parinirvāṇāya gamiṣyati mallānām upavartanaṃ yamakaśālavanam ||

athān­yataro bhikṣus tasyāṃ velāyāṃ gāthāṃ babhāṣe ||

idam apaścimakaṃ nātha
vaiśālyās tava darśanam ||
na bhūyaḥ sugato buddho
vaiśālīm āgamiṣyati ||
nirvāṇāya prayāto ’yaṃ
mallānām upavartane |

---

atha bhagavān vṛjiṣu janapadeṣu caryāṃ caraṅ kuṣṭhagrāmakam anuprāptaḥ kuṣṭhagrāmake viharaty uttareṇa grāmasya śiṃśapāvane ||

tatra bhagavān bhikṣūn āmantrayate |

itīmāni bhikṣavaḥ śīlāni || ayaṃ samādhiḥ || iyaṃ prajñā || śīlaprabhāvitaḥ samādhiś cirasthitiko bhavati || prajñāparibhāvitaṃ cittaṃ samyag eva vimucyate rāgadveṣamohebhyaḥ ||

evaṃ samyaksuvimuktacitta āryaśrāvakaḥ samyag eva prajānāti ||

kṣīṇā me jātir uṣitaṃ brahmacaryaṃ kṛtaṃ karaṇīyaṃ nāparam asmād bhavaṃ prajānāmi ||

Hier im Tib. und Skt. Uddāna; cf. MPS p. 495:

kuṣṭha gaṇḍa āmra ca
jambu śūrpa tūla hasti ca ||
grāmau ca vṛjimallau
bhoganagarakaṃ tathā |

yathā kuṣṭhagrāmaka evaṃ gaṇḍagrāmako droṇagrāmakaḥ śūrpagrāmaka āmragrāmako jambugrāmako hastigrāmakaḥ ||

vṛjigrāmakān mallagrāmakād bhoganagarakam anuprāptaḥ || bhoganagarake viharaty uttareṇa grāmasya śiṃśapāvane ||

tatra bhagavān bhikṣūn āmantrayate ||

itīmāni bhikṣavaḥ śīlāni pūrvavad yāvad nāparam asmād bhāvaṃ prajānāmi ||

---

tena khalu samayena mahāpṛthivīcālaś cābhūd ulkāpātā diśodāhā antarīkṣe devadundubhayo ’bhinadanti ||

athāyuṣmān ānandaḥ sāyāhne pratisaṃlayanād vyutthāya yena bhagavāṃs tenopajagāma || upetya bhagavataḥ pādau śirasā vanditvaikānte ’sthāt ||

e­kāntas­thita āyuṣmān ānando bhagavantam idam avocat ||

ko bhadanta hetuḥ kaḥ pratyayo yenaitarhy abhūd mahāpṛthivīcāla ulkāpātā diśodāhā antarīkṣe devadundubhayo ’bhinadanti ||

traya ime ānanda hetavas trayaḥ pratyayā mahataḥ pṛthivīcālasya ||

katame trayaḥ ||

iyaṃ mahāpṛthivy apsu pratiṣṭhitā pūrvavad yāvac cālayanti ||

ayaṃ prathamo hetuḥ prathamaḥ pratyayo mahataḥ pṛthivīcālasya ||

punar aparaṃ bhikṣur maharddhiko bhavati pūrvavad yāvac cālayati ||

Nur Tibetisch.

ayaṃ dvitīyo hetur dvitīyaḥ pratyayo mahataḥ pṛthivīcālasya ||

punar aparaṃ na cirasyedānīṃ tathāgatasyānupadhiśeṣe nirvāṇadhātau parinirvāṇaṃ bhaviṣyati || atyarthaṃ tasmin samaye mahā­pṛthivīcālaś ca bhavaty ulkāpātā diśodāhā antarīkṣe devadundubhayo ’bhinadanti ||

ayaṃ tṛtīyo hetus tṛtīyaḥ pratyayo mahataḥ pṛthivīcālasya ||

athāyuṣmān ānando bhagavantam idam avocat ||

āscaryādbhuta­dharma­samanvā­gatās tathāgatā arhantaḥ samyaksaṃbuddhāḥ || yatredānīṃ na cirasya tathāgatasyānupadhiśeṣe nirvāṇadhātau parinirvāṇaṃ bhaviṣyaty atyarthaṃ tasmin samaye mahāpṛthivīcālaś ca bhavaty ulkāpātā diśodāhā antarīkṣe devadundubhayo ’bhinadanti ||

evam etad ānanda evam etad ānanda || āścaryādbhuta­dharmasamanvā­gatā eva tathāgatā arhantaḥ samyaksaṃbuddhāḥ ||

abhijānāmi khalu punar aham anekaśataṃ kṣatriyapariṣadaṃ darśanāyopa­saṃk­ramitum upasaṃkrāntasya ca me yādṛśas teṣām ārohapariṇāho bhavati mamāpi tādṛśa āroha­pari­ṇāho bhavati || yādṛśī teṣāṃ varṇapuṣkalatā bhavati mamāpi tādṛśī varṇapuṣkalatā bhavati || yādṛśī teṣāṃ svaraguptir bhavati mamāpi tādṛśī svaraguptir bhavati ||

te yam arthaṃ mantrayanty aham api tam arthaṃ mantrayāmi || te yam arthaṃ na mantrayanty aham api tam arthaṃ na mantrayāmi || uttare vai tān dhārmyā kathayā sandarśayāmi samādāpayāmi samuttejayāmi saṃpraharṣayāmi tato ’ntardhāpayāmi || antarhitasya me na jānanti ka eṣa antarhito devo vā manuṣyo vā ||

evam api brāhmaṇapariṣadaṃ gṛhapatipariṣadaṃ śramaṇa­pari­ṣadaṃ cātur­mahārājikān devāṃs trāyastriṃśān yāmāṃs tuṣitān nirmāṇaratīn parinirmitavaśavartino brahmakāyikān brahmapāriṣadyān brahmapurohitān mahābrahmaṇaḥ parīttābhān apramāṇābhān ābhāsvarān parīttaśubhān apramāṇaśubhāñ śubhakṛtsnān anabhrakān puṇyaprasavān bṛhatphalān abṛhān atapān sudṛśān sudarśanān akaniṣṭhān devān darśanāyopasaṃkramitum

upasaṃk­rāntasya ca me yādṛśas teṣām ārohapariṇāho bhavati pūrvavad yāvad devo vā manuṣyo vā ||

evam āścaryādbhuta­dharma­samanvāgatās tathāgatā arhantaḥ samyaksaṃbuddhāḥ ||

---

tatra bhagavān āyuṣmantam ānandam āmantrayate ||

tasmāt tarhi ta ānanda bhikṣubhiḥ sūtrāntapratisaraṇair bhavitavyaṃ na pudgalapratisaraṇaiḥ ||

kathaṃ bhikṣuḥ sūtrāntapratisaraṇo bhavati na pudgalapratisaraṇaḥ ||

ihānanda bhikṣur āgacchet sa evaṃ vadet ||

saṃmukhaṃ me bhagavato ’ntikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanam ||

tasya bhikṣavas tan notsāhayitavyaṃ nāvasādayitavyam || anutsāhayitvānavasādayitvā śrotram avadhāya tāni padavyaṃjanāny udgṛhya sūtre ’vatārayitavyaṃ vinaye saṃdarśayitavyaṃ || yadi sūtre ’vatāryamāṇā vinaye saṃdarśyamānāḥ sūtre nāvataranti vinaye na saṃdṛśyante dharmatāṃ ca vilomayanti sa evaṃ syād vacanīyaḥ ||

addhāyuṣmann ime dharmā na bhagavatā bhāṣitāḥ || āyuṣmatā vā ime dharmā durgṛhītās tathā hīme dharmāḥ sūtre ’vatāryamāṇā vinaye saṃdarśyamānāḥ sūtre nāvataranti vinaye na saṃdṛśyante dharmatāṃ ca vilomayanti ||

nāyaṃ dharmo nāyaṃ vinayo nedaṃ śāstuḥ śāsanam iti viditvā chorayitavyāḥ ||

punar aparam ānanda bhikṣur āgacchet sa evaṃ vadet ||

amuṣminn āvāse mahān bhikṣusaṃghaḥ prativasati sasthaviraḥ sapramokṣaḥ ||

saṃ­mukhaṃ me tasya mahato bhikṣusaṃghasyāntikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanaṃ ||

tasya bhikṣavas tan notsāhayitavyaṃ nāvasādayitavyam || anutsāhayitvānavasādayitvā śrotram avadhāya tāni padavyaṃjanāny udgṛhya sūtre ’vatārayitavyaṃ vinaye saṃdarśayitavyaṃ || yadi sūtre ’vatāryamāṇā vinaye saṃdarśyamānāḥ sūtre nāvataranti vinaye na saṃdṛśyante dharmatāṃ ca vilomayanti sa evaṃ syād vacanīyaḥ ||

addhāyuṣmaṃ­s tena mahatā bhikṣusaṃghena dharmasaṃjñinā ca vinayasaṃjñinā cādharmaś cāvinayaś ca bhāṣitaḥ || āyuṣmatā vā ime dharmā durgṛhītās tathā hīme dharmāḥ sūtre ’vatāryamāṇā vinaye saṃdarśyamānāḥ sūtre nāvataranti vinaye na saṃdṛśyante dharmatāṃ ca vilomayanti ||

nāyaṃ dharmo nāyaṃ vinayo nedaṃ śāstuḥ śāsanam iti viditvā chorayitavyāḥ ||

punar aparam ānanda bhikṣur āgacchet sa evaṃ vadet ||

amuṣminn āvāse saṃbahulā bhikṣavaḥ prativasanti sūtradharā vinayadharā mātṛkādharāḥ ||

saṃ­mukhaṃ me teṣāṃ saṃbahulānāṃ bhikṣūṇām antikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanaṃ

tasya bhikṣavas tan notsāhayitavyaṃ pūrvavad yāvat sa evaṃ syād vacanīyaḥ ||

addhāyuṣmaṃs tair bhikṣubhir dharma­saṃj­ñibhiś ca vinayasaṃjñibhiś cādharmaś cāvinayaś ca bhāṣitaḥ || pūrvavad

yāvad iti viditvā chorayitavyāḥ ||

punar aparam ānanda bhikṣur āgacchet sa evaṃ vadet ||

amuṣminn āvāse bhikṣuḥ prativasati sthaviraḥ … = 24.45

saṃmukhaṃ me tasya bhikṣor antikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanaṃ ||

tasya bhikṣavas tan notsāhayitavyaṃ pūrvavad yāvat sa evaṃ syād vacanīyaḥ ||

addhāyuṣmaṃ­s tena bhikṣuṇā dharmasaṃjñinā ca vinayasaṃjñinā cādharmaś cāvinayaś ca bhāṣitaḥ || pūrvavad

yāvad iti viditvā chorayitavyāḥ ||

punar aparam ānanda bhikṣur āgacchet sa evaṃ vadet ||

saṃmukhaṃ me bhagavato ’ntikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanam ||

tasya bhikṣavas tan notsāhayitavyaṃ nāvasādayitavyam || anutsāhayitvānavasādayitvā śrotram avadhāya tāni padavyañjanāny udgṛhya sūtre ’vatārayitavyaṃ vinaye sandarśayitavyaṃ || yadi sūtre ’vatāryamāṇā vinaye sandarśyamānāḥ sūtre ’vataranti vinaye saṃdṛśyante dharmatāṃ ca na vilomayanti sa evaṃ syād vacanīyaḥ ||

addhāyuṣmann ime dharmā bhagavatā bhāṣitāḥ || āyuṣmatā ceme dharmāḥ sugṛhītās tathā hīme dharmāḥ sūtre ’vatāryamāṇā vinaye saṃdarśyamānāḥ sūtre ’vataranti vinaye saṃdṛśyante dharmatāṃ ca na vilomayanti ||

ayaṃ dharmo ’yaṃ vinaya idaṃ śāstuḥ śāsanam iti viditvā dhārayitavyāḥ ||

punar aparam ānanda bhikṣur āgacchet sa evaṃ vadet ||

amuṣminn āvāse mahān bhikṣusaṃghaḥ prativasati sasthaviraḥ sapramokṣaḥ ||

saṃ­mukhaṃ me tasya mahato bhikṣusaṃghasyāntikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanam ||

tasya bhikṣavas tan notsāhayitavyaṃ pūrvavad yāvat sa evaṃ syād vacanīyaḥ ||

addhāyuṣmaṃ­s tena mahatā bhikṣusaṃghena dharmasaṃjñinā vinayasaṃjñinātra dharmaś ca vinayaś ca bhāṣitaḥ || āyuṣmatā ceme dharmāḥ sugṛhītās tathā hīme dharmāḥ sūtre ’vatāryamāṇā vinaye saṃdarśyamānāḥ sūtre ’vataranti vinaye na saṃdṛśyante dharmatāñ ca na viloma­yanti ||

ayaṃ dharmo ’yaṃ vinaya idaṃ śāstuḥ śāsanam iti viditvā dhārayitavyāḥ ||

punar aparam ānanda bhikṣur āgacchet sa evaṃ vadet ||

amuṣminn āvāse saṃbahulā bhikṣavaḥ prativasanti sūtradharā vinayadharā mātṛkādharāḥ ||

saṃ­mukhaṃ me teṣāṃ saṃbahulānāṃ bhikṣūṇām antikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanaṃ ||

tasya bhikṣavas tan notsāhayitavyaṃ pūrvavad yāvat sa evaṃ syād vacanīyaḥ ||

addhāyuṣmaṃ­s tair bhikṣubhir dharmasaṃjñibhiś ca vinayasaṃjñibhiś ca dharmaś ca vinayaś ca bhāṣitaḥ || āyuṣmatā ceme dharmāḥ sugṛhītās tathā hīme dharmāḥ sūtre ’vatāryamāṇā pūrvavad yāvad

ayaṃ dharmo ’yaṃ vinaya idaṃ śāstuḥ śāsanam iti viditvā dhārayitavyāḥ ||

punar aparam ānanda bhikṣur āgacchet sa evaṃ vadet ||

amuṣminn āvāse bhikṣuḥ prativasati sthaviraḥ … = 24.22

saṃ­mukhaṃ me tasya bhikṣor antikāc chrutaṃ saṃmukham udgṛhītam ayaṃ dharmo ’yaṃ vinaya idaṃ śāstuḥ śāsanam ||

tasya bhikṣavas tan notsāhayitavyaṃ pūrvavad yāvat sa evaṃ syād vacanīyaḥ ||

addhāyuṣmaṃ­s tena bhikṣuṇā dharmasaṃjñinā ca vinayasaṃjñinā ca dharmaś ca vinayaś ca bhāṣitaḥ || pūrvavad

yāvad iti viditvā dhārayitavyāḥ ||

tatrānanda ye te pūrvakāś catv. … nāyaṃ dharmo nāyaṃ vinayo nedaṃ śāstuḥ śāsanam iti viditvā chorayitavyāḥ ||

tatrānanda ye te … ayaṃ dharmo ’yaṃ vinaya idaṃ śāstuḥ śāsanam iti viditvā dhārayitavyāḥ ||

evam evānanda bhikṣubhiḥ sūtrāntapratisaraṇair bhavitavyaṃ na pudgalapratisaraṇaiḥ ||

---

= Sondertext I ST.I. CT 417ff.

---

tatra bhagavān āyuṣmantam ānadam āmantrayate ||

āgamayānanda yena rāmagrāmakaḥ || evaṃ bhadantety āyuṣmān ānando bhagavataḥ pratyaśrauṣīt ||

atha bhagavān krauḍyeṣu janapadeṣu caryāṃ caraṃ rāmagrāmakam anuprāpto rāmagrāmake viharati …

tatra bhagavān āyuṣmantam ānandam āmantrayate ||

rāmagrāmake r. .i .. nāma krauḍyaḥ prativasati || sa tathāgatasya parinirvṛtasya rāmagrāmake śarīrastūpaṃ pratiṣṭhāpayiṣyati śarīrāṇāṃ satkārāya gurukārāya mānanāya pūjanāya arcanāya apacitaye ||

sa tathāgatasya parinirvṛtasya śarīrastūpapratiṣṭhāpanena … kalpān vinipātaṃ na gamiṣyati devāṃś ca manuṣyāṃś ca sandhāvya saṃsṛtya paścime bhave paścime nikete paścime samucchraye paścime ātmabhāvapratilambhe manuṣyatvaṃ pratilabhya … dharmacaritena keśaśmaśrūṇy avatārya kāṣāyāṇi vastrāṇy ācchādya samyag eva śraddhayāgārād anagārikāṃ pravrajya pratyekāṃ bodhiṃ sākṣīkariṣyati ||

viṣṇudvīpe ānanda śubhākṛtsno nāma brāhmaṇaḥ prativasati || so ’pi tathāgatasya parinirvṛtasya viṣṇudvīpe śarīrastūpaṃ pratiṣṭhāpya

etena śarīrastūpapratiṣṭhāpanena … kalpān vinipātaṃ na gamiṣyati devāṃś ca manuṣyāṃś ca pūrvavad yāvat pratyekāṃ bodhiṃ sākṣīkariṣyati ||

kapilavastuny ānanda … buddho nāma śākyaḥ prativasati || so ’pi tathāgatasya parinirvṛtasya kapilavastuni śarīrastūpaṃ pratiṣṭhāpya

etena śarīrastūpapratiṣṭhāpanena … kalpān vinipātaṃ na gamiṣyati devāṃ­ś ca manuṣyāṃś ca pūrvavad yāvat pratyekāṃ bodhiṃ sākṣīkariṣyati ||

rājagṛhe ānanda rājā māgadha ajātaśatrur vaidehīputraḥ prativasati || so ’pi tathāgatasya parinirvṛtasya rājagṛhe śarīrastūpaṃ pratiṣṭhāpayiṣyati śarīrāṇāṃ satkārāya gurukārāya māna­nāya pūjanāya arcanāya apacitaye ||

sa tathāgatasya parinirvṛtasya śarīrastūpapratiṣṭhāpanena … kalpān vinipātaṃ na gamiṣyati devāṃś ca manuṣyāṃś ca pūrvavad yāvat pratyekāṃ bodhiṃ sākṣīkariṣyati ||

atha bhagavāṃs tasyāṃ velāyāṃ gāthā babhāṣe ||

śataṃ sahasrāṇi suvarṇaniṣkā
jāṃbūnadā nāsya samā bhavaṃti ||
ye buddhacaityeṣu prasaṃnacittāḥ
padā vihāre samatikramaṃti |

śataṃ sahasrāṇi suvarṇapiṇḍā
jāṃbūnadā nāsya samā bhavaṃti ||
yo buddha­caityeṣu prasannacitta
āropayen mṛttikapiṇḍam ekam |

śataṃ sahasrāṇi suvarṇamūṭā
jāṃbūnadā nāsya samā bhavaṃti ||
yo buddhacaityeṣu prasannacitta
āropayen muktapuṣpasya rāśim |

śataṃ sahasrāṇi suvarṇakoṭya
jāṃbūnadā nāsya samā bhavaṃti ||
yo buddhacaityeṣu prasannacittaḥ
pradīpadānaṃ prakaroti vidvān |

śataṃ sahasrāṇi suvarṇavāhāḥ
jāṃbūnadā nāsya samā bhavaṃti ||
yo buddhacaityeṣu prasannacitto
mālāvihāraṃ prakaroti vidvān |

śataṃ sahasrāṇi suvarṇaparvatāḥ
meroḥ samā nāsya samā bhavaṃti ||
yo buddhacaityeṣu prasannacitta
āropayec chatradhvajaṃ patākam |

eṣāho dakṣiṇā proktā
aprameyā tathāgate ||
samudrakalpe saṃbuddhe
sārthavāhe anuttare |

tiṣṭhantaṃ pūjayed yaś ca
yaś cāpi parinirvṛtam ||
same cittaprasāde hi
nāsti puṇyaviśeṣatā |

na hi citte prasanne ’smim*
svalpā bhavati dakṣiṇā ||
tathāgate vā saṃbuddhe
buddhānāṃ śrāvakeṣu vā |

evaṃ hy acintitā buddhā
buddhadharmo ’py acintitaḥ ||
acintite prasādyeha
vipākaḥ syād acintitaḥ |

teṣām acintitānām
apratihata­dharmacakra­vartīnām ||
samyaksaṃbuddhānāṃ nālaṃ
guṇapāram adhigantum |

25.24 uddānam* | Cf. Bl. 185 R 6:
.. calakalpā viṣṇudvīpaṃ kapilavastu + rājagṛhaṃ paścimaṃ jñeyam* rāmaś ca ro

---

tatra bhagavān āyuṣmantam ānandam āmantrayate ||

āgama­yānanda yena pāpāgrāmakaḥ || evaṃ bhadantety āyuṣmān ānando bhagavataḥ pratyaśrauṣīt ||

atha bhagavān malleṣu janapadeṣv anupūrveṇa caryāṃ caran pāpām anuprāptaḥ pāpāyāṃ viharati jalūkāvanaṣaṇḍe ||

aśrauṣuḥ pāpīyakā mallā bhagavān malleṣu janapadeṣv anupūrveṇa caryāṃ caran pāpām anuprāptaḥ pāpāyāṃ viharati jalūkāvanaṣaṇḍe ||

śrutvā ca punaḥ saṃghāt saṃghaṃ pūgāt pūgaṃ saṃgamya samāgamya pāpāyā niṣkramya yena bhagavāṃs tenopajagmuḥ ||

upetya bhagavatpādau śirasā vanditvaikānte nyaṣīdan || ekāntaniṣaṇṇān bhagavān dhārmyā kathayā sandarśayati samādāpayati samuttejayati saṃpraharṣayati ||

tena khalu samayena cundaḥ karmāraputras tasmin samāje sanniṣaṇṇo ’bhūt sannipatitaḥ || atha bhagavān pāpīyakān mallān anekaparyāyeṇa dhārmyā kathayā sandarśayitvā samādāpayitvā samuttejayitvā saṃpraharṣayitvā tūṣṇīm abhūt || atha pāpīyakā mallā bhagavato bhāṣitam abhinandyānumodya bhagavatpādau śirasā vanditvā prakrāntāḥ ||

cundaḥ karmāraputras tatraivāsthāt || atha cundaḥ karmāraputro ’ciraprakrāntān pāpīyakān mallān viditvotthāyāsanād ekāṃsam uttarāsaṅgaṃ kṛtvā yena bhagavāṃs tenāñjaliṃ praṇamya bhagavantam idam avocat ||

adhivāsayatu me bhagavāñ śvo bhaktena sārdhaṃ bhikṣusaṃghena ||

adhivāsayati bhagavāñ cundasya karmāraputrasya tūṣṇīṃbhāvena ||

atha cundaḥ karmāraputro bhagavatas tūṣṇīṃbhāvenādhivāsanāṃ viditvā bhagavato bhāṣitam abhinandyānumodya bhagavatpādau śirasā vanditvā bhagavato ’ntikāt prakrāntaḥ ||

atha cundaḥ karmāraputras tām eva rātriṃ śuciṃ praṇītaṃ khādanīyabhojanīyaṃ samudānīya kālyam evotthāyāsanakāni prajñapyodakamaṇiṃ pratiṣṭhāpya bhagavato dūtena kālam ārocayati ||

samayo bho gautamo sadyo bhaktaṃ yasyedānīṃ bhavāṅ gautamaḥ kālaṃ manyate ||

atha bhagavān pūrvāhṇe nivasya pātracīvaram ādāya bhikṣusaṃghaparivṛto bhikṣu­saṃ­ghapuraskṛto yena cundasya karmāra­putrasya bhaktābhisāras tenopajagāma || upetya purastād bhikṣusaṃghasya prajñapta evāsane nyaṣīdat ||

atha cundaḥ karmāraputraḥ sukhopaniṣaṇṇaṃ buddhapramukhaṃ bhikṣusaṃghaṃ viditvā bhagavantaṃ praṇītena khādanīyena lohakaroṭakāt svahastaṃ santarpayati saṃpravārayati || bhikṣusaṃghaṃ ca śucinā praṇītena khādanīyabhojanīyena svahastaṃ santarpayati saṃpravārayati ||

tena samayena anyatamaḥ pāpabhikṣur lohakaroṭakaṃ kakṣeṇāpahṛtavāṃs taṃ khalu pāpabhikṣuṃ bhagavān adrākṣīc cundaś ca buddhānubhāvena ||

atha cundaḥ karmāraputro buddhapramukhaṃ bhikṣusaṃghaṃ śucinā praṇītena khādanīyabhojanīyena svahastaṃ santarpayitvā saṃpravārayitvā bhagavantaṃ bhuktavantaṃ viditvā dhautahastam apanītapātraṃ nīcatarakam āsanaṃ gṛhītvā bhagavataḥ purato niṣadya bhagavantaṃ gāthābhir gītābhiḥ papraccha ||

+ + + + + + + + + + + +
+ + + + + + + + + + + +
sārathipravaraṃ vināyakāgraṃ
kati loke śramaṇās tad aṅga brūhi |

bhagavān āha ||
+ + + + + + + + + + + +
+ + + + + + + + + + + +
mārgajñaś ca mārgadaiśiko
mārge jīvati yaś ca mārgadūṣī |

cundaḥ prāha ||
kaṃ mārgajinaṃ vadanti + + + +
+ + + + + + + + + + + +
+ + + + + + + + + + + +
+ + + + + + + + + + + + |

bhagavān āha ||
yaś chinnakathaṃkatho viśalyo
nirvāṇā + + + + + + + + +
+ + + + + + + + + + + +
+ + + + + + + + + + + + |

paramapravaraṃ hi yo viditvā
ākhyātā vibhajet tathaiva dha + ||
+ + + + + + + + + + + +
+ + + + + + + + + + + + |

dharmapade sudeśite
mārge jīvati saṃyataḥ smṛtaś ca ||
anavadyapadeṣu s. + + +
+ + + + + + + + + + + + |

+ + + + + + + + + + + +
praskandī kuladūṣakaḥ pragalbhaḥ ||
māyāvī hy asaṃyataḥ pralāpī
pratirūpe cara + + + + + |

+ + + + + + + + + + + +
+ + + + + + + + + + + +
sarve nāpy evaṃvidhā bhavanti
jñātvaitān + + + ti tasya śraddhām |

kathaṃ nu duṣṭeṣu hy asaṃpraduṣṭaṃ
śuddhān aśuddh. + + + + + + ||
+ + + + + + + + + + + +
+ + + + + + + + + + + + |

Tib.

+ + pakaṃ dhūpitā karṇikeva
lohārdhamāṣa iva hiraṇyanaddhaḥ ||
+ + + + + bahir āryabiṃ­baḥ
+ + + + + + + + + + + + |

atha bhagavāñ cundasya karmāraputrasya tad dānam anayābhyanumodanayābhyanumodate ||

dadataḥ puṇyaṃ pra + + +
+ + + + + + + + + + + +
+ + + + + + + + + + + +
rāgadveṣamohakṣayāt sunirvṛtiḥ |

atha bhagavāṃś cundaṃ karmāraputraṃ dhārmyā kathayā sandarśayitvā samādāpayitvā samuttejayitvā saṃ­praharṣayitvotthāyāsanāt prakrāntaḥ ||

---

Hier im Tib. Uddāna

---

tatra bhagavān āyuṣmantam ānandam āmantrayate ||

āgamayānanda yena kuśinagarī ||

27.3 evaṃ bhadantety āyuṣmān ānando bhagavataḥ pratyaśrauṣīt ||

atha bhagavān malleṣu janapadeṣu caryāṃ caran tatrāntarā ca pāpām antarā ca nadīṃ hiraṇyavatīm adhvapratipanno mārgād avakramy

āyuṣmantam ānandam āmantrayate ||

prajñāpayānanda tathāgatasya caturguṇam uttarāsaṅgaṃ pṛṣṭhī ma āvilāyati tāṃ tāvad āyāmayiṣye ||

evaṃ bhadantety āyuṣmān ānando bhagavataḥ pratiśrutya laghu laghv eva caturguṇam uttarāsaṅgaṃ prajñapya bhagavantam idam avocat ||

prajñaptas tathāgatasya caturguṇa uttarāsaṅgaḥ || yasyedānīṃ bhagavāṅ kālaṃ manyate ||

atha bhagavāṅ gaṇaguṇāṃ saṃghāṭiṃ śirasi pratiṣṭhāpya dakṣiṇena pārśvena śayyāṃ kalpayati pāde pādam ādhāyālokasaṃjñī pratismṛtaḥ saṃprajāna utthānasaṃjñāṃ manasi kurvāṇaḥ || tatra bhagavān āyuṣmantam ānandam āmantrayate ||

gacch­ānanda nadyāḥ kukustāyāḥ pātreṇa udakam āhara yato ’haṃ pānīyaṃ pāsyāmi gātrāṇi ca pariṣekṣyāmi ||

evaṃ bhadantety āyuṣmān ānando bhagavataḥ pratiśrutya pātraṃ gṛhītvā jagāma yena nadī kukustā ||

tena khalu samayena nadyāḥ kukustāyāḥ pañcamātrāṇi śakaṭaśatāny aciravyatikrāntāni || tair udakaṃ viloḍitaṃ luṭhitam āvilam ||

atha āyuṣmān ānando nadyāḥ kukustāyāḥ pātreṇa pānīyam ādāya yena bhagavāṃs tenopajagāma || upetya bhagavantam idam avocat ||

atra bhadanta nadyāḥ kukustāyāḥ pañcamātrāṇi śakaṭaśatāny aciravyatikrāntāni || tair udakaṃ viloḍitaṃ luṭhitam āvilam ||

tena bhadantodakena bhagavān mukhaṃ pariṣiñcatu pādau prakṣālayatu || asmād bhadantāvidūre nadī hiraṇyavatī || tatra bhagavān pānīyaṃ pāsyati gātrāṇi ca pariṣekṣyati ||

atha bhagavāṃs tena pātrodakena pādau prakṣālayati mukhaṃ pariṣiñcati || ato viśrāntaḥ sukhita utthāya nyaṣīdat paryaṅkam ābhujyarjuṃ kāyaṃ praṇidhāya pratimukhaṃ smṛtim upasthāpya ||

---

tena khalu samayena putkaso mallamahāmātras tatraivādhvapratipannaḥ ||

adrākṣīt putkaso mallamahāmātro bhagavantaṃ prāsādikaṃ prasādanīyaṃ śāntendriyaṃ śāntamānasaṃ paracittadamakam upaśāntopaśamanaṃ suvarṇayaṣṭisadṛśaprabham anyatamasmin vṛkṣamūle niṣaṇṇam ||

dṛṣṭvā ca punar yena bhagavāṃs tenopajagāma || upetya bhagavatpādau śirasā vanditvaikānte nyaṣīdat ||

e­kānta­niṣaṇṇaṃ putkasaṃ mallamahāmātraṃ bhagavān āmantrayate ||

putkasa rocayasi tvaṃ kāñcic chramaṇasya vā brāhmaṇasya śauceyān dharmān ||

bhadantārāḍasya kālāmasya śauceyān dharmān rocayāmi ||

kasmāt putkasa rocayasi tvam ārāḍasya kālāmasya śauceyān dharmān ||

eko ’yaṃ bhadanta samaya ārāḍaḥ kālāmo ’dhvapratipanno mārgād avakramyānyatamasmin vṛkṣamūle divāvihāropagataḥ ||

tena khalu samayena tatraiva mārgasya pañcamātrāṇi śakaṭaśatāny aciravyatikrāntāni ||

athān­yatamaḥ puruṣas teṣāṃ śakaṭānāṃ pṛṣṭhato ’vaśiṣṭo yenārāḍaḥ kālāmas tenopajagāma || upetyārāḍaṃ kālāmam idam avocat ||

kiṃ bhavān pañcamātrāṇi śakaṭaśatāni vyatikramamāṇāny adrākṣīt ||

na bhoḥ puruṣādrākṣam ||

kiṃ nu bhavān pañcamātrāṇāṃ śakaṭaśatānāṃ vyatik­ramamāṇānāṃ śabdaṃ nāśrauṣīt ||

na bhoḥ puruṣāśrauṣam ||

kiṃ nu bhavāñ śaye suptaḥ ||

na bhoḥ puruṣāhaṃ śaye suptaḥ ||

kiṃ nu bhavān saṃjñy eva samāno jāgran nāśrauṣīt pañcānāṃ śakaṭaśatānāṃ vyatikramamāṇānāṃ śabdam ||

saṃjñī evāhaṃ bhoḥ puruṣa samāno jāgran nāśrauṣaṃ pañcānāṃ śakaṭaśatānāṃ vyatik­rama­māṇānāṃ śabdam ||

atha tasya puruṣasyaitad abhavat ||

āścaryaṃ bata pravrajitānāṃ śāntavihāriṇāṃ yatredānīṃ saṃjñī samāno jāgran nāśrauṣīt pañcānāṃ śakaṭaśatānāṃ vyatikramamāṇānāṃ śabdam || tathāpi cīvaraṃ rajasāvakīrṇam ||

prasannaś cāsya sa puruṣo vaśīkṛtaḥ || evam evāhaṃ bhadantārāḍasya kālāmasya śauceyān dharmān rocayāmi ||

kiṃ manyase putkasa katara uttamo yaḥ pañcānāṃ śakaṭaśatānāṃ vyatikramamāṇānāṃ śabdo yo vā devasya garjato ’śanyāś ca sphoṭatyāḥ ||

kiṃ bhadanta kariṣyanti pañcamātrāṇi daśa vā sahasraṃ vā śakaṭaśatāni || uttamaḥ śabdo yo devasya garjato ’śanyāś ca sphoṭatyāḥ ||

eko ’yaṃ putkasa samaya ādumāyāṃ viharāmi bhūtāgāre || pūrvāhṇe nivasya pātracīvaram ādāyādumāṃ piṇḍāya praviśāmi || ādumāṃ piṇḍāya caritvā kṛtabhaktakṛtyaḥ paścādbhaktapiṇḍapātaḥ pratikramya pātracīvaraṃ pratiśamayya pādau prakṣālya bhūtāgāre niṣaṇṇaḥ pratisaṃlayanāya ||

tena khalu samayenādumāyāṃ devena garjatāśanyā ca sphoṭatyā catvāro balivardakā hatā dvau ca kārṣakau bhrātarau || tadādumāyā uccaśabdamahāśabdo mahājanakāyasya nirghoṣaḥ ||

so ’haṃ sāyāhne pratisaṃlayanād vyutthāya bhūtāgārasya cchāyāyām abhyavakāśe caṅkrame caṅkramye ||

athān­yatamaḥ puruṣas tasmān mahājanakāyād yenāhaṃ tenopasaṃkrāntaḥ || upetya mama pādau śirasā vanditvā māṃ caṅkramamāṇam anucaṅkramyate ||

tam aham evam āmantraye ||

kim etad bhoḥ puruṣādumāyā uccaśabdamahāśabdo mahājanakāyasya nirghoṣaḥ ||

sa āha || idānīṃ bhadantādumāyāṃ devena garjatāśanyā ca sphoṭatyā catvāro balivardakā hatā dvau ca kārṣakau bhrātarau || tadaiṣa uccaśabdamahāśabdo mahājanakāyasya nirghoṣaḥ ||

kiṃ nu bhagavān devaṃ garjantam aśaniṃ ca sphoṭatīṃ nāśrauṣīt ||

na bhoḥ puruṣāśrauṣam ||

āha sa puruṣaḥ || kiṃ nu bhagavāñ śaye suptaḥ ||

na bhoḥ puruṣāhaṃ śaye suptaḥ ||

kiṃ nu bhagavān saṃjñy eva samāno jāgran nāśrauṣīd devasya garjato ’śanyāś ca sphoṭatyāḥ śabdam ||

saṃjñy evāhaṃ bhoḥ puruṣa samāno jāgran nāśrauṣaṃ devasya garjato ’śanyāś ca sphoṭatyāḥ śabdam ||

atha tasya puruṣasyaitad abhavat || āścaryaṃ bata tathāgatānām arhatāṃ samyaksaṃbuddhānāṃ śāntavihāriṇāṃ yatredānīṃ saṃjñy eva samāno jāgran nāśrauṣīd devasya garjato ’śanyāś ca sphoṭatyāḥ śabdam ||

prasannaś ca me sa puruṣo vaśīkṛtaḥ ||

sa āha || ko bhadanta bhagavato nābhiprasīdet || eṣāhaṃ bhadanta bhagavata udāram abhiprasannaḥ ||

atha putkaso mallamahāmātra upakārakaṃ puruṣam idam avocat ||

anuprayaccha me bhoḥ puruṣa navaṃ suvarṇapītaṃ duṣyayugaṃ tenāhaṃ bhagavantam ācchādayiṣyāmi ||

adād upakārakaḥ puruṣaḥ putkasāya mallamahāmātrāya navaṃ suvarṇapītaṃ duṣyayugam ||

atha putkaso malla­mahā­mātro navaṃ suvarṇapītaṃ duṣyayugam ādāya bhagavantam idam avocat ||

idaṃ navaṃ suvarṇapītaṃ duṣyayugam asmākaṃ priyaṃ manāpaṃ ca tad bhagavān pratigṛhṇātv anukampām upādāya ||

pratigṛhṇāti bhagavān putkasasya mallamahāmātrasya navaṃ suvarṇapītaṃ duṣyayugam anukampām upādāya ||

atha putkaso malla­mahā­mātro bhagavantam idam avocat ||

punar ahaṃ bhadantopasthāsyāmi bhagavantaṃ bhikṣusaṃghañ ca ||

kalyāṇam idaṃ putkasocyate bhagavān avocat ||

atha put­kaso mallamahā­mātro bhagavato bhāṣitam abhinandyānumodya bhagavatpādau śirasā vanditvā bhagavato ’ntikāt prakrāntaḥ ||

tatra bhagavān āyuṣmantam ānandam āmantrayate ||

anuprayaccha ma ānanda navaṃ suvarṇapītaṃ duṣyayugaṃ śastralūnaṃ kṛtvācchādayiṣyāmi ||

adād āyuṣmān ānando bhagavato navaṃ suvarṇapītaṃ duṣyayugaṃ śastralūnaṃ kṛtvā ||

tad ācchāditaṃ bhagavataś chavivarṇāvabhāsena hatāvabhāsam iva khyāti ||

athāyuṣmān ānando bhagavantam idam avocat ||

ahaṃ bhadanta viṃśatiṃ varṣāṇi sādhikaṃ bhagavantam upatiṣṭhāmi nābhijānāmy evaṃvidhasya cchavivarṇāvabhāsasya prādurbhāvaṃ || ko bhadanta hetuḥ kaḥ pratyayo ’syaivaṃvidhasya chavivarṇāvabhāsasya prādurbhāvāya ||

evam etad ānanda || evam etad ānanda || dvāv imau hetū dvau pratyayāv asyaivaṃvidhasya cchavivarṇāvabhāsasya prādurbhāvāya ||

katamau dvau ||

yasyāṃ rātrau bodhisatvo ’nuttarāṃ samyaksaṃbodhim abhisaṃbuddho yasyāṃ ca rātrau tathāgato ’nupadhiśeṣe nirvāṇadhātau parinirvāsyate ||

imau dvau hetū dvau pratyayāv evaṃvidhasya cchavivarṇāvabhāsasya prādurbhāvāya ||

---

tatra bhagavān āyuṣmantam ānandam āmantrayate ||

āgama­yānanda yena nadī hiraṇyavatī ||

evaṃ bhadantety āyuṣmān ānando bhagavataḥ pratyaśrauṣīt ||

atha bhagavān yena nadī hiraṇyavatī tenopajagāmopetya nadyā hiraṇyavatyās tīre nivāsanam ekānte sthāpayitvā nadīṃ hiraṇyavatīm abhyavagāhya gātrāṇi pariṣicya nadīṃ hiraṇyavatīṃ pratyutthāya nyaṣīdad gātrāṇi viśoṣayan ||

atha bhagavān āyuṣmantam ānandam āmantrayate ||

syād ānanda cundasya karmāraputrasya vipratisāraḥ pareṣām āpāditaḥ || tasya te cunda na labdham alābhā || tasya te durlabdhaṃ na sulabdhaṃ yasya te śāstā paścimaṃ piṇḍapātaṃ paribhujyānupadhiśeṣe nirvāṇadhātau parinirvṛtaḥ ||

dvividh­ānanda cundasya karmāraputrasya vipratisāriṇo kaukṛtyaṃ vinodayitavyam ||

saṃmukhaṃ ma āyuṣmaṃś cunda bhagavato ’ntikāc chrutaṃ saṃmukham udgṛhītaṃ dvau piṇḍapātau samasamau vipākena ||

yaṃ ca piṇḍapātaṃ bhuktvā bodhisatvo ’nuttarāṃ samyaksaṃ­bodhim abhisaṃbuddhaḥ ||

yaṃ ca piṇdapātaṃ bhuktvā tathāgato ’nupadhiśeṣe nirvāṇadhātau parinirvāsyate ||

imau dvau piṇḍapātau samasamau vipākena ||

tad idam ānanda cundena karmāraputreṇāyuḥsaṃvartanīyaṃ karma kṛtaṃ varṇasaṃvartanīyaṃ balasaṃvartanīyaṃ bhogasaṃvartanīyaṃ svargasaṃvartanīyam aiśvarya­saṃ­vartanīyaṃ karma kṛtaṃ bhaviṣyati ||

athāyuṣmān ānando bhagavantam idam avocat ||

ayam āyuṣmāñ chandaś caṇḍo rabhasaḥ paruṣo roṣita ākrośako bhikṣūṇāṃ || tasyāsmābhir bhadanta bhagavato ’tyayāt kathaṃ pratipattavyaṃ ||

chanda ānanda bhikṣur mamātyayād brahmadaṇḍena tarjanīyaḥ || brahmadaṇḍena tarjitaś ced vipratisāravaśam āpatsyate tathāsaṃvignaś ca kātyāyanāvavādenāvavāditavyaḥ ||

---

tatra bhagavān āyuṣmantam ānandam āmantrayate ||

āgama­yānanda yena kuśinagarī ||

evaṃ badantety āyuṣmān ānando bhagavataḥ pratyaśrauṣīt ||

atha bhagavān antarā ca nadīṃ hiraṇyavatīm antarā ca kuśinagarīṃ malleṣu janapadeṣu caryāṃ carann atrāntarādhvapratipanno mārgād avakramyāyuṣmantam ānandam āmantrayate ||

prajñāpayānanda tathāgatasya caturguṇam uttarāsaṅgaṃ pṛṣṭhī ma āvilāyati tāṃ tāvad āyāmayiṣye ||

evaṃ bhadantety āyuṣmān ānando bhagavataḥ pratiśrutya laghu laghv eva caturguṇam uttarāsaṅgaṃ prajñapya bhagavantam idam avocat ||

prajñaptas tathāgatasya caturguṇa uttarāsaṅgaḥ || yasyedānīṃ bhagavāṅ kālaṃ manyate ||

atha bhagavāṅ gaṇaguṇāṃ saṃghāṭiṃ śirasi pratiṣṭhāpya dakṣiṇena pārśvena śayyāṃ kalpayati pāde pādam ādhāyālokasaṃjñī pratismṛtaḥ saṃprajāna utthānasaṃjñāṃ manasi kurvāṇaḥ ||

tatra bhagavān āyuṣmantam ānandam āmantrayate ||

so ’pi hi dharmasvāmi
dharmasyā + + + + + + .ā ||
icchati dharmaṃ śrotuṃ
na śrotavyaḥ kathaṃ so ’nyaiḥ |

yo ’py agro bhikṣuś ca
prajñāvān daśabalena nirdiṣṭaḥ ||
so ’pi jagāma glāno
dharmaśravaṇārtham upatiṣyaḥ |

śṛṇvanti te ’pi sūtradharā
vinayadharā mātṛkādharāś caiva ||
kuśalān ay. + + + +
na śrotavyaḥ kathaṃ so ’nyaiḥ |

śṛṇvanti yathādharmam
ājñācittaṃ + + upasthāpya ||
prītiṃ tathā labhante
nirāmiṣeṣu buddha­vacaneṣu |

prītimanaḥ prasrabdhiḥ
kāye ’smin sa sukha + + + + + ||
+ + + samādhiṃ
+ + + + pi saṃsp. + + |

citte samāhite viśve
saṃskāraśaraṇaṃ na gacchanti ||
saṃsārabhavagatibhyo
viraktacittā vimucyante |

+ + + + + +
+ + + + deveṣu manujeṣu ||
nirupādāna iva śikhī
parinirvāsyanti bhūtvārhan |

+ + + + + m iha
dharmaśravaṇaṃ jinena nirdiṣṭam ||
+ + + + + +
+ + + + + + + stu |

---

= Sondertext II. CT 136ff.

---

tatra bhagavān āyuṣmantam ānandam āmantrayati || āgamayānanda yena kuśinagarī || evaṃ bhadantety āyuṣmān ānando bhagavataḥ pratyaśrauṣīt ||

aśrauṣuḥ kauśināgarāṇāṃ mallapramukhāḥ pañca ca mallaśatāny anyatarasmiṃ saṃsthāgāre sanniṣaṇṇāni sannipatitāni || bhagavān malleṣu janapadeṣv anupūrveṇa caryāṃ caraṃ pāpām anuprāptaḥ pāpāyāṃ viharati jalukāvanaṣaṇḍe || tam enaṃ pāpīyakā mallāḥ paramayā mānanayā mānitavantaḥ paramayā pūjanayā pūjitavantaḥ paramayā gurukāratayā guru­kṛtavantaḥ || punas teṣām agreṇa praṇītenānuttareṇa dharmadānenopakṛt. + + + + + + + + + + + + + + + + + + + + ti bhagavāṃ bhikṣusaṃgha­pari­vṛto bhikṣusaṃ­gha­puras­kṛto kuśinagarīm āgamiṣyaty asmākaṃ grāmakṣetre ||

+ + + + + + + + + + + + + + +ātmahitahetoḥ sarvān kuśi + + + + + + śo + + + suhi + + + + + + + + + + + + + + + + + + + + + + + + + + + + + chatradhvajapatākāṃ­ś cāropayema mahāṃś ca prasthāpayema + + + + + + + + + + + + + + + + + + + + + + + + + + + + + + tataḥ paścāt sarveṣāṃ pratyudgamanam eva śreyaḥ syāt ||

tatas te sarve + + + saṃmodamānā e + + + + + + + + + + + + + + viśodhayaṃ­ti susannāṃ susaṃmṛṣṭāṃ kṛtvā sarvālaṅkāravibhūṣaṇair vibhūṣayanti praṇītaiś ca gandhair mālyaiḥ puṣpair dhūpaiḥ + + + + + + chatradhvajapatākāṃ­ś cāropayanti yena ca mārgeṇa bhagavāṃ niryāti tam a + + pratyudgaṃtuṃ prakrāntāḥ ||

tena khalu samayenāntarā ca + + + + + + + + + + + + + uttare mahatī pṛthvīśilā samavaruddhā asthāne rājaprade + + + + + u + ṣaṣṭihastapramāṇam ūrdhvato ’bhyudgatā triṃ­śat. + + + + +

+ + + + + + nannu vayam imāṃ mahatīṃ pṛthvīśilām asmāt pradeśād utkṣepsyāmaḥ || yatrāsmāt pradeśād utkṣipema tatrāsmākaṃ mārgaś ca suśodhitaḥ syāt || + + + + + + + + + + + + + asmākaṃ ca diśi dikṣūdāraḥ kalyāṇakīrtiśabdaśloko ’bhyudgacchet ||

atha kauśināgarā mall. + + + + + + + + + + + + + + + + + + + + + + + uttare sā mahatī pṛthvīśilā || asmāt pradeśāt prakṣepsyāmaḥ + + + + + me r. + + + + + + + + + + + + + + + + + + + + śṛṇvantu bhavantaḥ kauśināgarā mallā vā malla + + + + + + + + ṃ pā + + + + + + + + + + + + + + + + + + + + + + + + + + + + + + + + + + + + + + + vayam imām api mahatīṃ pṛthvīśilām asmāt pradeśād utkṣepsyāmaḥ || yatrāsmāt pradeśād utkṣipema tatrāsmākaṃ mārgaś ca suśodhitaḥ syāt pūrvavad yāvat kalyāṇakīrtiśabdaśloko ’bhyudgacchet ||

tathā bhavatu kauśināgarā mallāḥ parasparān pratyaśrauṣuḥ pratyekapratyekaṃ bhadreṣu yāneṣv adhiruhy. + + + + + + + + + + + + + + + + kulabalarūpaiś c. + + + + + + + + nt. mahāśabdaṃ prakṣveḍayantaḥ kilikilāyamānā hṛṣṭās tuṣṭā udagrāḥ prītisaumanasyajātāḥ + + + + mahatyā ṛddhyā kuśinagaryā niṣkramyān­eka­śatāny aśvoṣṭranīlagavāṃpatīnām ṛṣabhagajagandhahastinām ādāya yena sā mahatī pṛthvīśilā tenopajagmuḥ ||

upetya tāṃ mahatīṃ pṛthvī­śilāṃ nalarajjvā bahuśo veṣṭayanti kecin niśrayaṇīm ābadhya muñjabalbajarajjvā k. + nākarṣayanti parika + + + + + phalaśatair mūlata uddhartum + + + + + + ntuṃ

kecid vajraprahāraiś cūrṇayituṃ kecic charīrabalena sannaddhauṣṭr. + cālayituṃ kecid ṛṣabha + + + ś ca pātayituṃ kecid dhastiyūtha + + + yituṃ kecid auṣadhabalair nāśayituṃ kecin mantrabalair antardhāpayitum icchanti ||

teṣām evaṃrūpāṇām uttamaṃ vyāyacchatāṃ kaccid asmāt pradeśāt + + + + + + + + + + + + + || te ’śvāsāḥ klāntakāyāḥ prāgbhārakāyā vihataprāṇā naiva śaknuvanti tāṃ mahatīṃ śilāṃ cālayituṃ kutaḥ punar ucchrayituṃ pravartayitum.

atha bhagavāṃ bhikṣusaṃghaparivṛto bhikṣusaṃghapuraskṛto ’nupūrveṇa caryāṃ caran yena sā mahatī pṛthvīśilā tenopajagāma ||

atha kauśināgarā mallā bhagavantaṃ dūrata evāgacchantaṃ dṛṣṭvā ca punar hṛṣṭās tuṣṭā udagrāḥ prītisaumanasyajātā gurugauravajātā s. + + + + + + + + + + bhagavat­pādau śirasā vandanti bhagavantaṃ tripradakṣiṇīkurvanti + + + + + + + + + + + + + +

ekāntasthitān kauśināgarān mallān bhagavān idam avocat || kim etad ārabdhaṃ kumārakāḥ parameṇa ca mahatā parākrameṇa ||

+ + + + + + + + + + + + + + + + + + + + + + vayaṃ bhadantāśrauṣma kauśināgarā mallāḥ || bhagavāṃ malleṣu janapadeṣv anupūrveṇa caryāṃ caran pāpām anuprāptaḥ pāpāyāṃ viharati jalukāvanaṣaṇḍe || tam enaṃ pāpīyakā mallāḥ paramayā mānanayā mānitavantaḥ paramayā pūjanayā pūjitavantaḥ paramayā gurukāratayā gurukṛtavantaḥ || punas teṣām agreṇa praṇītenānuttareṇa dharmadānenopakṛt. + + + + + + + + + + + + + + + + + + + + + + + ti bhagavāṃ bhikṣusaṃghaparivṛto bhikṣusaṃghapuraskṛto kuśinagarīm āgamiṣyaty asmākaṃ grāmakṣetre || śrutvā

… große Lücke: mātāpitṛkabala, puṇyabala, prajñābala, ṛddhibala, bhāvanābala …

+ + + c. taṃ + + + pūrṇam anūnam avikalam + + abhi­saṃ­kṣipya saṃpiṇḍayitvā tad ṛddhi­bala + + + + + + m akārṣīd viviktena + + + + + + ś. pr. n. .dh. + + n idaṃ tathāgatasya bhāvanābalam ||

kīdṛśena bhadanta mātāpaitṛkeṇa balena samanvā­gatās tathāgatā arhantaḥ samyaksaṃbuddhāḥ ||

iccha­tha yūyaṃ vāsiṣṭhās tathāgatasyāntikāt tathāgatānām arhatāṃ samyaksaṃbuddhānāṃ mātāpaitṛkaṃ balaṃ śrotuṃ ||

paramaṃ bhadanta bhagavann icchāmaḥ paramaṃ sugatecchāmaḥ ||

tena hi yūyaṃ vāsiṣṭhāḥ śṛṇuta sādhu ca suṣṭhu ca manasi kuruta bhāṣiṣye ||

yad daśānāṃ prākṛtānāṃ gavānāṃ balaṃ tad ekasya nīlagavasya balaṃ || yad daśānāṃ nīlagavānāṃ balaṃ tad ekasya maharṣabhasya balam || yad daśānāṃ maharṣabhānāṃ balaṃ tad ekasya camarasya balam || yad daśānāṃ camarāṇāṃ balaṃ tad ekaṃ khaḍgabalam || yad daśa khaḍgabalāni tad ekasya prākṛtasya hastino balam || yad daśānāṃ prākṛtānām hastināṃ balaṃ tad ekasya vāmānukahastino balaṃ || yad daśānāṃ vāmānukahastināṃ balaṃ tad ekasya kaṇerukasya hastino balam || yad daśānāṃ kaṇerukahastināṃ balaṃ tad ekasya karāḍahastino balam || yad daśānāṃ karāḍahastināṃ balaṃ tad ekasya nīlagirer hastino balam || evaṃ pītagirer lohitagireḥ śvetagireḥ saugandhikasya madhugandhikasyotpalagandhikasya kumudagandhino balam || yad daśānāṃ kumudagandhināṃ balaṃ tad ekasya padmahastino balam || yad daśānāṃ padmahastinām balaṃ tad ekasya mahāpadmahastino balam || yad daśānāṃ mahāpadmahastināṃ balaṃ tad ekasya haimavatasya hastino balam || yad daśānāṃ haimavatānāṃ hastināṃ balaṃ tad ekasya gajagandhahastino balam || yad daśānāṃ gajagandhahastināṃ balaṃ tad ekasyārdhamahānagnino balam || yad dvayor ardhamahānagninor balaṃ tad ekasya mahānagnino balam || yad daśānāṃ mahānagnināṃ balaṃ tad ekas­yārdhapraskandino balam || yad dvayor ardhapraskandinor balaṃ tad ekasya praskandino balam || yad daśānāṃ praskandinām balaṃ tad ekasya + + + + balam || yad daś. + + + + + + + + + + + + + + + + + + + ekaṃ varāṅgabalam || yad daśavarāṅgabalāni tad ekam ardhanārāyaṇa­bala­m + + || yad dvayor ardhanārāyaṇayor balaṃ tad eka + + + + + + + + + kāni tr. + + + nārāyaṇa­bala­śatāni tad ekasya tathāgatasyārhataḥ samyaksaṃbuddhasya bala­m ||

+ + + + + + + + ṅge na + + + + + + + + + + + + balaṃ dhārayanti tathāgatā arhantaḥ samyaksaṃbuddhāḥ || ye cātītā ye cānāgatās tathāgatā arhantaḥ samyaksaṃbuddhāḥ sarve samasamāḥ samasvarāḥ samalakṣaṇāḥ samaguṇatulyā + + + + + + + pa + + + + + + + + + + āyuṣā śarīradehena ca ||

īdṛśena vāsiṣṭhā mātāpaitṛkena balena samanvāgatās tathāgatā arhantaḥ pūrvavad yāvad āyuṣā śarīradehena ca ||

śrutam asmābhir eva bhagavato ’ntikāt tathāgatānām arhatāṃ samyaksaṃbuddhānāṃ mātāpaitṛkaṃ balam ||

kīdṛśena bhadanta puṇyabalena samanvāgatās tathāgatā arhantaḥ samyaksaṃbuddhāḥ ||

icchatha yūyaṃ vāsiṣṭhās tathāgatasyāntikāt tathāgatānām arhatāṃ samyaksaṃbuddhānāṃ puṇyabalaṃ śrotum ||

paramaṃ bhadanta bhagavann icchāmaḥ paramaṃ sugatecchāmaḥ ||

tena hi yūyaṃ vāsiṣṭhāḥ śṛṇuta sādhu ca suṣṭhu ca manasi kuruta bhāṣiṣye ||

yad vāsiṣṭhā jaṃbudvīpe satvānāṃ puṇyaṃ taj jambudvīpapateś cakravartinaḥ puṇyeṣūpanidhāya śatimān api kalāṃ nopaiti sahasrimāṃ śatasahasrimāṃ + + + + + + + + + + + + + + + + + + + + + py upaniṣadam api nopaiti ||

yad vāsiṣṭhā dvīpayoḥ satvānāṃ puṇyaṃ tad dvidvīpapateś cakravartinaḥ puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti || yad vāsiṣṭhās triṣu dvīpeṣu satvānāṃ puṇyaṃ tat tridvīpapateś cakravartinaḥ puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti || yad vāsiṣṭhāś caturṣu dvīpeṣu satvānāṃ puṇyaṃ tac caturdvīpapateś cakravartinaḥ puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti ||

catvāraḥ khalu vāsiṣṭhāś c. + + + + + + + + + + + + + + + + + + + + + + + +

eka­dvīpakasya cakravartino ’yasmayaṃ cakraṃ prādurbhavati samantakrośam || dvidvīpakasya cakravartino + + + cakraṃ prādurbhavati dvisamantakrośam || tridvīpakasya cakravartino rājataṃ cakraṃ prādurbhavati trisamantakrośam || caturdvīpakasya cakravartino sanābhikaṃ sanemikaṃ divyaṃ sarvasauvarṇaṃ cakraṃ prādurbhavati catuḥsamantakrośam ||

+ + prabhāsvaraṃ + + + + + + + + + + + + + + + + + + + + + + + + + puṇyaṃ tac catur­mahā­rājikānāṃ devānāṃ puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti || yac caturmahārājikānāṃ devānāṃ puṇyaṃ tac caturṇāṃ mahārājñāṃ puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti || yac caturṇāṃ mahārājñāṃ puṇyaṃ tad devānāṃ trayastriṃśānāṃ puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti ||

yat koṭiśatasahasraṃ devānāṃ trayastriṃśānāṃ puṇyaṃ tad + + + + + puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti ||

yathā devās trayastriṃśāḥ + + + śakro devendra + vaṃ + mā + .ā + + + + + + + + + + + + + tathā yāmās tuṣitā devāḥ saṃtuṣito devaputro nirmāṇaratayaḥ pari­nirmitavaśavartino brahmā sabhāpatir brahmapurohitā mahābrahmāṇaḥ parīttābhā apramāṇābhā ābhāsvarāḥ parīttaśubhāḥ śubhakṛtsnā anabhrakāḥ puṇyaprasavā bṛhatphalā abṛhā atapāḥ sudarśanā akaniṣṭhāḥ ||

yat koṭiśatasahasram akaniṣṭhānāṃ puṇyaṃ tad + + + + + puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti || yat koṭiśata­sahas­ram + + + + puṇyaṃ tad ekasya maitreyasya bodhisatvasya puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti ||

yat koṭiśatasahasraṃ maitreyāṇāṃ bodhisatvānāṃ puṇyaṃ tad ekasya + + + + puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti || yat + + + tiy. .gaṅgāvālukānāṃ caramabhavināṃ prāṇināṃ puṇyaṃ tad + + + + puṇyeṣūpanidhāya śatimām api kalāṃ nopaiti pūrvavad yāvad upaniṣadam api nopaiti || y. + + + + +

---

Deutsche Übersetzung nach Parallen in 50–52, 23–28, 38–43 Ende puṇyabala

Deutsche Übersetzung nach Parallen in 50–52, 23–28, 38–43 Ende puṇyabala

---

Prajñābala

Deutsche Übersetzung nach Parallen in 50–52, 23–28, 38–43

Deutsche Übersetzung nach Parallen in 50–52, 23–28, 38–43

Deutsche Übersetzung nach Parallen in 50–52, 23–28, 38–43

Deutsche Übersetzung nach Parallen in 50–52, 23–28, 38–43

---

Größere Lücke

---

+ + + ṣṭh. śākhaparṇa­śatapramāṇ. k. + m. n. kṣ. .r tar. khalu vāsiṣṭhāḥ k. + + + .y d. anugachann anvavayañ śāriputrasya bhikṣoḥ prajñāyāḥ kṣ. y. v. s.

īdṛśena vāsiṣṭhāḥ prajñābalena samanvāgataḥ śāriputro bhikṣuḥ ||

yāvad eva vāsiṣṭhā ādityāḥ pariharanto diśo bhāsante vairocanās tāvat sahasrike loke sahasraṃ candrāṇāṃ sahasraṃ sūryāṇāṃ sahasraṃ sumerūṇāṃ parvatarājñāṃ sahasraṃ pūrvavidehānāṃ sahasraṃ godānīyānāṃ sahasram uttarakurūṇāṃ sahasraṃ jambudvīpānāṃ sahasraṃ caturmahārājikānāṃ trāyastriṃśānāṃ yāmānāṃ tuṣitānāṃ nirmāṇaratīnāṃ parinirmitavaśavartīnāṃ sahasraṃ brahmalokānām || ayam ucyate sahas­rikaś cyūḍiko lokadhātuḥ ||

yat sahasrikāṇāṃ cyūḍikānāṃ lokadhātūnāṃ sahasram ayam ucyate dvisahasro madhyamo lokadhātuḥ || yad dvisahasrikāṇāṃ lokadhātūnāṃ sahasram ayam ucyate trisahasramahāsahasro lokadhātuḥ ||

sa eṣa vāsiṣṭhās trisahasramahāsahasro lokadhātuḥ pūrṇaḥ syāc chāriputrasamair bhikṣubhiḥ prajñāyās tathāgatasya prajñām upanidhāya śatimām api kalāṃ nopaiti yāvad upaniṣadam api nopaiti ||

sarvalokasya yā prajñā
sthāpayitvā tathāgatam ||
prajñāyāḥ śāriputrasya
kalāṃ nārghati ṣoḍaśīm |
śāriputrasamair + +
+ yaṃ lokaḥ sadevakaḥ ||
tathāgatasya prajñāyāḥ
kalāṃ nārghati ṣoḍaśīm |

īdṛśena vāsiṣṭhāḥ prajñābalena samanvāgatā arhantaḥ samyaksaṃbuddhāḥ || ye cātītā ye cānāgatāḥ pūrvavad yāvad āyuṣā śarīradehena ca ||

śrutam asmābhir eva tathāgatasyāntikāt tathāgatānām arhatāṃ samyaksaṃbuddhānāṃ mātāpaitṛkaṃ balam || śrutaṃ puṇyabalam || śrutaṃ prajñābalaṃ ||

---

ṛddhibala

kīdṛśena bhadantarddhibalena samanvāgatā arhantaḥ samyaksaṃbuddhāḥ ||

icchatha yūyaṃ vāsiṣṭhās tathāgatasyāntikāt tathāgatānām arhatāṃ samyaksaṃbuddhānām ṛddhibalaṃ śrotum ||

paramaṃ bhadanta bhagavann icchāmaḥ || paramaṃ sugatecchāmaḥ ||

tena hi yūyaṃ vāsiṣṭhāḥ śṛṇuta sādhu ca suṣṭhu ca manasi kuruta bhāṣiṣye ||

eko ’yaṃ vāsiṣṭhāḥ samayo vairaṇyāyāṃ viharāmi naḍerapicumandamūle || tena khalu samayena vairaṇyāyāṃ durbhikṣam abhūt kṛcchraḥ kāntāro durlabhaḥ piṇḍako yācanakena bhikṣavaś ca lūhabhojanena pariklamanti || atha maudgalyāyano bhikṣur yenāhaṃ tenopasaṃkrāntaḥ || upetya mām idam avocat ||

yat khalu bhadanta bhagavāṃ jānīyāt || etarhi vairaṇyāyāṃ durbhikṣaṃ kṛcchraḥ kāntāro durlabhaḥ piṇḍako yācanakena bhikṣavo lūhabhojanena pariklamanti

saṃmukhaṃ me bhadanta bhagavato ’ntikāc chrutaṃ saṃmukham udgṛhītam || yo ’syāṃ mahāpṛthivyāṃ pārthivaḥ praṇīto rasadhātuḥ so ’dhastād avakṣipto mamāpy evaṃ samyak pratyātmaṃ jñānadarśanaṃ pravartate || yo ’syāṃ mahāpṛthivyāṃ pārthivaḥ praṇīto rasadhātuḥ so ’dhastād avakṣiptas tad icchāmi mahāpṛthivīṃ parivartayitum || yat tasyādhastāt pārthivaḥ praṇīto rasadhātus tad ūrdhvaṃ kariṣyāmi yad ūrdhvaṃ tad adhastāt ||

tam enam evaṃ vadāmi || mahāpṛthivīṃ cen maudgalyāyana parivartayitum icchasi || sa evam āha || mahāpṛthivīṃ bhadanta parivartayitum icchāmi ||

tam enam evaṃ vadāmi || kathaṃsthito mahāpṛthivīṃ parivartayiṣyasi || sa evam āha || cakra­vāḍa­mahā­cakra­vāḍābhyāṃ sthāne sthito mahāpṛthivīṃ parivartayiṣyāmi ||

tam enam evaṃ vadāmi || mahāpṛthivīṃ cen maudgalyāyana parivartayitum ichasi ye pṛthivīsaṃniśritā bhūtāḥ satvāḥ prāṇinaś ca tāṃ kathaṃ kariṣyasi || sa evam āha || mahāpṛthivīṃ bhadanta parivartayitum icchāmi ye pṛthivīsaṃniśritā bhūtāḥ satvāḥ prāṇinaś ca tāṃ vāmena + + + + + + + + + + + + + + + mahāpṛthivīṃ parivartayiṣyāmi ||

tam enam evaṃ vadāmi || mahāpṛthivīṃ maudgalyāyana parivartayaṃ kathaṃsaṃjñī bhaviṣyasi + + + + + + + + + + + + + + + pa­ramalaghu­saṃ­jñī bhaviṣyāmi tadyathā balavān puruṣaḥ kadalīpatraṃ parivartayaṃ paramalaghusaṃj­ñī + + + + + + + + + + + + + + + pa­ramalaghusaṃ­jñī bhaviṣyāmi ||

tam enam evaṃ vadāmi || avasitaṃ maudgalyāyana avasitaṃ maudgalyāyana + + + + + + + + + + + + + + + + + + + + + + + st. n. + + etena mahāpṛthivīṃ parivartayitum || tat kasmād dhetoḥ + + + bhūtā + maudgalyāyan. + + + + + + + + + + + + + + + + + + + + kālaṃ kuryuḥ || tat kasmād dhetoḥ || eṣo ’pi maudgalyāyana mahāpḥthivyāṃ pārthivaḥ praṇīto rasadhātur nacir + + + + + + + + + + + + + + + + + + + + + + .y. ti tad ime satvā bhūtāḥ prāṇinaś cāhārarasagredhāt paramam utpādam āpadyeyur ucchidya kālaṃ kuryuḥ ||

+ + + + + + + + + + + + + + + + + + pṛthivīṃ parivartayitum || īdṛśena vāsiṣṭhā ṛddhibalena samanvāgato maudgalyāyano bhikṣuḥ ||

yāvad eva vāsiṣṭhā ādityāḥ pariharanto diśo bhāsante vairocanāḥ pūrvavad yāvad ayam ucyate trisahasramahāsahasro lokadhātuḥ ||

sa eṣa vāsiṣṭhās trisahasramahāsahasro lokadhātuḥ pūrṇaḥ syād ṛddhimadbhir maudgalyāyanasadṛśair bhikṣubhis tathāgatasyarddhyām ṛddhir upanidhāya śatimām api pūrvavad yāvad upaniṣadam api nopaiti ||

+ + + + śrāvakapraty­eka­buddhānāṃ kāyavāhinī manovāhinī carddhis tathāgatānām arhatāṃ samyaksaṃbuddhānāṃ manojavā + + +

īdṛśena vāsiṣṭhā ṛddhibalena samanvā­gatās tathāgatā arhantaḥ samyaksaṃbuddhāḥ || ye cātītā ye cānāgatāḥ pūrvavad yāvad āyuṣā śarīradehena ca || + + +

---

Es folgt eine größere Lücke!

---

+ + + vā + .e + + + + kauśināgarā mallā bhagavato ’ntikān mohagatāḥ kathaṃcil labdha + + + + + + + + + + + + + + + + + + + + ekatyā bāhūn pragṛhya prakrośanti || ekatyāś cetoduḥkhasamarpitās tiṣṭhanti || ekatyā dharmatām eva pratismaranti || prāg evāsmākaṃ bhagavatākhyātaṃ sarvair iṣṭaiḥ kāntaiḥ priyair manāpair nānābhāvo bhaviṣyati vinābhāvo viprayogo visaṃyogaḥ ||

atha kauśināgarā mallāḥ kapotavalgusvarā dīrgham ucchvasya svāsrūṇi ca utstīrya bhagavatpādau śirasā vanditvaikānte tasthuḥ ||

atha bhagavāṃs tasyāṃ mahatyāṃ pṛthvīśilāyām ekānte nyaṣīdat sārdhaṃ bhikṣusaṃghena || kauśināgarā api malllās tasyām eva pṛthvīśilāyām ekānte nyaṣīdan ||

atha bhagavāṃ kauśināgarān mallān saṃjñāpayann iva kauśināgarān mallān idam avocat ||

iyaṃ vāsiṣṭhā mahatī pṛthvīśilā pūrvakalpikānāṃ manuṣyāṇāṃ vyāyāmaśilā babhūva tathā hy asyā adyāpi dṛśyante ’ṅgulicihnāni || evam anityā vāsiṣṭhāḥ sarvasaṃskārā evam adhruvā evam anāśvāsikā evaṃ vipariṇāmadharmāṇaḥ sarvasaṃskārā yāvad alam eva sarvasaṃskārebhyo nirvettum alaṃ viraktum alaṃ vimoktum ||

asmiṃ khalu mahāsiṃhanādike dharmaparyāye bhāṣyamāṇe ’yaṃ trisahasramahāsahasro lokadhātus trikṛtvaḥ kaṃpitaḥ saṃkaṃpitaḥ saṃprakaṃpitaḥ calitaḥ saṃcalitaḥ saṃpracalito vyathitaḥ saṃvyathitaḥ saṃpravyathitaḥ kṣubhitaḥ saṃkṣubhitaḥ saṃprakṣubhitaḥ ||

atha brahmaṇaḥ sabhāpateḥ śakrasya ca devendrasya svanikāyasthitayor etad abhavat || ayaṃ buddho bhagavāṃ kuśinagarīsamīpe sthitaḥ kauśināgarān mallān mahatarddhiprātihāryeṇāvarjayitvā na cirasyedānīṃ bhagavān anupadhiśeṣe nirvāṇadhātau parinirvāsyati || yannu vayaṃ gatvā bhagavantaṃ tathāgatam arhantaṃ samyaksaṃbuddhaṃ paścimaṃ darśanāyopasaṃkramiṣyāvaḥ ||

atha brahmā sabhāpatiḥ śakraś ca devendraḥ svanikāye ’ntarhitau kāmāvacarair devaiḥ sārdhaṃ + + + + + + + + ty. .ṛ + + kaṃ + stri + brahmā sabhāpati + + + + + + + + + +

---

Textlücke

---

ity uktvā brahmā sabhāpatiḥ śakraś ca devendro bhagavataḥ pādau śirasā vanditvā + + + + + + + + + + + + + + + + + + + + + + + + + + prasarataḥ praṇamataḥ praṇamataḥ śirasā vanditvā tatraivāntarhitau ||

atha bhagavān tasya mahājanakāyasya tathābhiprasannasyāśayaṃ cānuśayaṃ ca gatiṃ ca prakṛtiñ ca vijñāya tādṛśīm eva caturāryasatya­saṃ­prakāśikāṃ dharmadeśanām akarod

yāṃ śrutvānekaiḥ prāṇiśatasahasrair uṣmagatāni kuśalamūlāny utpāditāni ||

kaiścit kṣāntayo mūrdhānaḥ satyānulomikā laukikā agra­dharmāḥ || kecic chrotaāpattiphale vyavasthāpitāḥ kecit sakṛdāgāmiphale kecid anāgāmiphale kaiścit tan niṣkramya pravrajitvā sarvakleśaprahāṇād arhatvaṃ sākṣīkṛtam || kaiścic chrāvakabodhau kaiścit pratyekabodhau kaiścid anuttara­samya­ksaṃ­bodhau cittam utpāditam ||

avandhyadharma­deśanāṃ sādareṇa gṛhītvā yadbhūyasā sā pariṣad buddhanimnā dharmapravaṇā saṃghaprāgbhārā vyavasthitā ||

atha bhagavāṃs tāṃ parṣadaṃ buddhanimnāṃ dharmapravaṇāṃ saṃghaprāgbhārāṃ vyavasthāpyotthāyāsanāt prakrāntaḥ ||

---

tatra bhagavān āyuṣmantam ānandam āmantrayate ||

āgama­yānanda yena kuśinagarī ||

evaṃ bhadantety āyuṣmān ānando bhagavataḥ pratyaśrauṣīt ||

atha bhagavān malleṣu janapadeṣu caryāṃ caraṅ kuśinagarīm anuprāptaḥ || kuśinagaryāṃ viharati mallānām upavartane yamakaśālavane ||

atha bhagavāṃs tadaiva pari­nirvāṇakālasamaya āyuṣmantam ānandam āmantrayate sma ||

prajñāpa­yānanda tathāgatasyāntareṇa yamakaśālayor uttarāśīrṣaṃ mañcam adya tathāgatasya rātryā madhyame yāme ’nupadhiśeṣe nirvāṇadhātau parinirvāṇaṃ bhaviṣyati ||

evaṃ bhadantety āyuṣmān ānando bhagavataḥ pratiśrutyāntareṇa yamakaśālayor uttarāśīrṣaṃ mañcaṃ prajñapya yena bhagavāṃs tenopajagāma ||

upetya bhagavatpādau śirasā vanditvaikānte ’sthāt ||

ekāntasthita āyuṣmān ānando bhagavantam idam avocat || prajñapto bhadanta tathāgatasyāntareṇa yamakaśālayor uttarāśīrṣo mañcaḥ ||

atha bhagavān yena mañcas tenopajagāma || upetya dakṣiṇena pārśvena śayyāṃ kalpayati pādaṃ pādenopadhāyālokasaṃjñī pratismṛtaḥ saṃprajāno nirvāṇasaṃjñām eva manasi kurvāṇaḥ ||

athāyuṣmān ānando bhagavataḥ pṛṣṭhataḥ sthito mañcam avalaṃbya prārodīd aśrūṇi vartayamāna evam āha ||

atikṣipraṃ bhagavān parinirvāty atikṣipraṃ sugataḥ parinirvāty atikṣipraṃ cakṣur lokasyāntardhīyate ||

pūrve ca bhikṣavas tābhyas tābhyo digbhyas tebhyas tebhyo janapadebhya āgacchanti bhagavato ’ntikeno­pada­rśanāya bhagavantaṃ paryupāsanāyai || teṣām upasaṃkrāntānāṃ bhagavān dharmaṃ deśayaty ādau kalyāṇaṃ madhye kalyāṇaṃ paryavasāne kalyāṇaṃ svarthaṃ suvyañjanaṃ kevalaṃ paripūrṇaṃ pariśuddhaṃ paryavadātaṃ brahmacaryaṃ prakāśayati ||

yato ’nukālaṃ gaṃbhīragaṃbhīrāṃ dharmakathāṃ ye śrotum āgatās te bhagavān parinirvṛta iti śrutvā nāgamiṣyanti || mahato dharmasaṃbhogasyaiva loke ’ntardhānaṃ bhaviṣyati ||

atha bhagavān bhikṣūn āmantrayate ||

kva ca nu sthita ānando bhikṣuḥ ||

eṣa bhadantāyuṣmān ānando bhagavataḥ pṛṣṭhataḥ sthito mañcam avalaṃbya prārodīd aśrūṇi pravartayamānaḥ

pūrvāvad

yāvad antardhānaṃ bhaviṣyati ||

tatra bhagavān āyuṣmantam ānandam āmantrayate ||

mā tvam ānanda śoca mā klāma || tat kasmād dhetoḥ ||

tathāgata upasthitas ta ānanda maitreṇa kāyakarmaṇā hitena sukhenādvayenāpramāṇena || maitreṇa vākkarmaṇā maitreṇa manaskarmaṇā hitena sukenādvayenāpramāṇena ||

ye te ’tīte ’dhvani tathāgatā arhantaḥ samyaksaṃbuddhās teṣāṃ buddhānāṃ bhagavatāṃ sadṛśam upasthānaṃ kariṣyate tadyathā tvayā mahyam etarhi ||

ye ’pi te bhaviṣyanty anāgate ’dhvani tathāgatā arhantaḥ samyaksaṃbuddhās teṣām api buddhānāṃ bhagavatāṃ sadṛśam upasthānaṃ kariṣyate tadyathā tvayā mahyam etarhi ||

mā tasmāt tvam ānanda śoca mā klāma || kasmād eva tat || kuta etal labhyaṃ yat taj jātaṃ bhūtaṃ kṛtaṃ saṃskṛtaṃ pūrvavad

yāvad visaṃyogaḥ ||

atha bhagavān āyuṣmantam ānandaṃ saṃharṣayituṃ bhikṣūn āmantrayate ||

catvāro bhikṣava āścaryā adbhutā dharmā rājñaś cakravartinaḥ || katame catvāraḥ ||

sacet kṣatriyapariṣad rājānaṃ cakravartinaṃ darśanāyopasaṃk­rāmaty āptamanaskā bhavati darśanena || saced upasaṃkrāntāyāṃ dharmaṃ deśayaty āptamanaskā bhavati dharmaśravaṇena ||

saced brāhmaṇa­pari­ṣad

gṛhapati­pari­ṣac

ch­rama­ṇa­pariṣad rājānaṃ cakravartinaṃ darśanāyopa­saṃk­rāmaty āptamanaskā bhavati darśanena || saced upasaṃkrāntāyāṃ dharmaṃ deśayaty āptamanaskā bhavati dharmaśravaṇena ||

evam eva bhikṣavaś catvāra āścaryā adbhutā dharmā ānandasya bhikṣoḥ || katame catvāraḥ ||

saced bhikṣupariṣad ānandaṃ darśanāyopa­saṃk­rāmaty āptamanaskā bhavati darśanena || saced upasaṃkrāntāyāṃ dharmaṃ deśayaty āptamanaskā bhavati dharmaśravaṇena ||

saced bhikṣuṇī­pari­ṣad

upā­saka­pari­ṣad

upāsikā­pariṣad ānandaṃ darśanāyopasaṃkrāmaty āptamanaskā bhavati darśanena || saced upasaṃkrāntāyāṃ dharmaṃ deśayaty āptamanaskā bhavati dharmaśravaṇena ||

apare ’pi catvāro bhikṣava āścaryā adbhutā dharmā ānandasya bhikṣoḥ || katame catvāraḥ ||

saced ānanda bhikṣur bhikṣupariṣade dharmaṃ deśayati satkṛtya deśayati nāsatkṛtya deśayati tato bhikṣusaṃghasyaivaṃ bhavati || aho batāyuṣmān ānando dharmam eva bhāṣeta na tūṣṇīṃ syāt || atṛptaiva bhavati bhikṣupariṣad ānandasya bhikṣor dharmaśravaṇena || punar ānando bhikṣus tūṣṇīṃ bhavati ||

saced bhikṣuṇīpariṣada

upāsakapariṣada

upāsikāpariṣade dharmaṃ deśayati satkṛtya deśayati nāsatkṛtya deśayati tata upāsakasaṃghāder evaṃ bhavati || aho batāyuṣmān ānando dharmam eva bhāṣeta na tūṣṇīṃ syāt || atṛptaiva bhavaty upāsikāpariṣad ānandasya bhikṣor dharmaśravaṇena || punar ānando bhikṣus tūṣṇīṃ bhavati ||

---

athāyuṣmān ānando bhagavatā saṃharṣito bhagavantam idam avocat ||

saṃvidyante bhadantemāny evaṃrūpāṇi mahānagarāṇi tadyathā śrāvastī sāketaṃ caṇpā bārāṇasī vaiśālī rājagṛham || kasmād bhagavān evaṃrūpāṇi mahānagarāṇy utsṛjyāsmiṃ kunagarake kuṃjakalake koṭṭe śākhānagarake nagarasthāṇuke parinirvātavyaṃ manyate ||

mā tvam ānanda kuśinagarīṃ kunagarakaṃ manyasva kuṃjakalakaṃ vā koṭṭaṃ śākhānagarakaṃ vā nagarasthāṇukaṃ vā || tat kasmād dhetoḥ ||

bhūtapūrvam ānanda kuśinagarī kuśāvatī nāma rājadhānī babhūva || ṛddhā ca sphītā ca kṣemā ca subhikṣā cākīrṇabahujanamanuṣyā ca dvādaśa yojanāny āyāmena saptayojanāni vistāreṇa ||

kuśāvaty ānanda rājadhānī saptabhiḥ prākāraiḥ parikṣiptā babhūva caturvidhaiḥ prākāraiḥ sauvarṇai rājatair vaiḍūryamayaiḥ sphaṭikamayaiḥ ||

kuśāvatyāṃ rājadhānyāṃ caturvidhāni dvārāṇi māpitāny abhūvan sauvarṇāni rājatāni vaiḍūryamayāṇi sphaṭikamayāni ||

teṣu khalu dvāreṣu caturvidhā iṣṭikā māpitā abhūvan sauvarṇā rājatā vaiḍūryamayāḥ sphaṭikamayāḥ saptapauruṣā ardhacaturthapauruṣāś ca nikhātā dṛḍhāḥ sthirāḥ sāravatyo ’calā asaṃpravedhinyaḥ ||

kuśāvatī rājadhānī saptabhiḥ parikhābhiḥ parikṣiptā babhūva || tāḥ khalu parikhāś caturvidhābhir iṣṭikābhiś citā abhūvan sauvarṇībhī rājatībhir vaiḍūryamayībhiḥ sphaṭikamayībhiḥ ||

kuśāvatī rājadhānī saptabhis tālapaṅktibhiḥ parikṣiptā babhūva caturvidhais tālaiḥ sauvarṇai rājatair vaiḍūryamayaiḥ sphaṭikamayaiḥ ||

sauvarṇasya tālasya rājataṃ patraṃ puṣpaṃ phalaṃ māpitam abhūt || rājatasya sauvarṇaṃ vaiḍūryamayasya sphaṭikamayaṃ sphaṭikamayasya vaiḍūryamayaṃ patraṃ puṣpaṃ phalaṃ māpitam abhūt ||

teṣāṃ khalu tālānāṃ vāyunā preritānām ayam evaṃrūpo manojñaḥ śabdo niścarati yathā pañcāṅgikasya tūryasya kuśalena puruṣeṇa samyaksupravāditasya ||

tāsu khalu tālāntarikāsu puṣkariṇyo māpitā abhūvan tāḥ khalu puṣkariṇyaś caturvidhābhir iṣṭikābhiś citā abhūvan sauvarṇībhī rājatībhir vaiḍūryamayībhiḥ sphaṭikamayībhiḥ ||

tāsu khalu puṣkariṇīṣu caturvidhāni sopānāni māpitāny abhūvan sauvarṇāni rājatāni vaiḍūryamayāṇi sphaṭikamayāni ||

tāḥ khalu puṣkariṇyaś caturvidhābhir vedikābhiḥ parikṣiptā abhūvan sauvarṇībhī rājatībhir vaiḍūryamayībhiḥ sphaṭikamayībhiḥ || sauvarṇyā vedikāyā rājataṃ sūcyālaṃbanam adhiṣṭhānaṃ māpitam abhūt || rājatyāḥ sauvarṇaṃ sphaṭikamayyā vaiḍūryamayaṃ vaiḍūryamayyāḥ sphaṭikamayaṃ sūcyālaṃbanam adhiṣṭhānaṃ māpitam abhūt ||

tāsu khalu puṣkariṇīṣu vividhāni jalajāni mālyāni ropitāny abhūvan tadyathotpalaṃ padmaṃ kumudaṃ puṇḍarīkaṃ saugandhikaṃ madhugandhikaṃ sarvartukaṃ sarvakālikam anāvṛtaṃ sarvajanasya ||

tāsāṃ khalu puṣkariṇīnāṃ tīreṣu vividhāni sthalajāni mālyāni ropitāny abhūvan tadyathātimuktakaś campakaḥ pāṭalā vārṣikā mālikā navamālikā sumanā yūthikā dhānuṣkārī sarvartukaṃ sarvakālikam anāvṛtaṃ sarvajanasya ||

tāsāṃ khalu puṣkariṇīnāṃ tīreṣu rājñā mahāsudarśanena kanyāḥ sthāpitā a­bhūva­n yā annam annārthibhyaḥ prayacchanti pānaṃ pānārthibhyo vastraṃ vastrārthibhyaḥ || mālāgandhavilepanāni mālāgandhavilepanārthibhyaḥ prayacchanti ||

ye khalu kuśāvatyāṃ rājadhānyāṃ dhūrtā vā mattā vā śauṇḍā vā krīḍitukāmā ramitukāmāḥ paricārayitukāmā bhavanti te tāsu tālāntarikāsu krīḍanti ramanti paricārayanti ||

tenaiva tālavṛntaśabdena kuśāvaty ānanda rājadhānī dvādaśena vināditā babhūva tadyathā hastiśabdenāśvaśabdena rathaśabdena pattiśabdena śaṃkhaśabdena paṭahaśabdena bherīśabdena mṛdaṅgaśabdena vādyaśabdena gītaśabdena vaṃśaśabdena || dānāni dadata || puṇyāni kuruta || upavāsam upavasata || śīlaṃ samādāya vartadhvaṃ śabdena ||

kuśāvatyām ānanda rājadhānyāṃ rājā mahāsudarśano nāma babhūva saptabhī ratnaiḥ samanvāgataś catasṛbhiś ca mānuṣikābhir ṛddhibhiḥ ||

katamaiḥ saptabhiḥ || tadyathā cakraratnena hastiratnenāśvaratnena maṇiratnena strīratnena gṛhapatiratnena pariṇāyakaratnena saptamena ||

katamābhiś catasṛbhir mānuṣikābhir ṛddhibhiḥ || rājā mahāsudarśano dīrghāyuṣko ’bhūc cirasthitikaḥ || sa caturaśītivarṣasahasrāṇi kumārakrīḍāyāṃ krīḍitavān || caturaśītivarṣasahasrāṇi yauvarājyaṃ kāritavān || caturaśītivarṣasahasrāṇi mahārājyaṃ kāritavān || caturaśītivarṣasahasrāṇi rājarṣir brahmacaryam acārṣīt ||

yad ānanda rājā mahāsudarśano dīrghāyuṣko ’bhūc cirasthitikaś caturaśītivarṣa­sahas­rāṇi kumārakakrīḍāyāṃ krīḍitavān pūrvavat || iyaṃ rājño mahāsudarśanasyarddhir ity ucyate ||

punar aparaṃ rājā mahāsudarśano ’bhirūpo ’bhūd darśanīyaḥ prāsādiko ’tikrāntaś ca mānuṣyakaṃ varṇam asaṃprāptaś ca divyaṃ varṇam ||

yad ānanda rājā mahāsudarśano ’bhirūpo ’bhūd darśanīyaḥ pūrvavat || iyaṃ rājño mahāsudarśanasyarddhir ity ucyate ||

punar aparaṃ rājā mahāsudarśano ’lpābādho ’bhūd arogajātīyaḥ samavipacanayā grahaṇyā samanvāgato nātyuṣṇayā nātiśītayāvyābādhayartusukhayā yayāsyāśitapītakhāditās­vāditaṃ samyak sukhena paripākaṃ gatam abhūt ||

yad ānanda rājā mahāsudarśano ’lpābādho ’bhūd arogajātīyaḥ pūrvavat || iyaṃ rājño mahāsudarśanasyarddhir ity ucyate ||

punar aparaṃ rājā mahāsudarśanaḥ sarvajānapadānāṃ priyaś cābhūn manāpaś ca tadyathā putrāṇāṃ pitā || rājño ’pi mahāsudarśanasya naigamajānapadāḥ priyāś cābhūvan manāpāś ca tadyathā pituḥ putrāḥ ||

eko ’yaṃ samayo rājā mahāsudarśana udyānabhūmiṃ niryān sārathim āmantrayate || mandaṃ mandaṃ tāvat sārathe rathaṃ vartaya yathāhaṃ naigamajānapadāṃś ciraṃ paśyeyaṃ || naigamajānapadā api tatra sārathim āmantrayante || mandaṃ mandaṃ tāvat sārathe rathaṃ vartaya yathā vayaṃ devaṃ ciraṃ paśyema ||

yad ānanda rājā mahāsudarśanaḥ sarvajānapadānāṃ priyaś cābhūn manāpaś ca pūrvavat || iyaṃ rājño mahāsudarśanasyarddhir ity ucyate ||

atha naigamajānapadāḥ prabhūtaṃ suvarṇam ādāya maṇiratnaṃ ca kaṃbalaratnaṃ ca yena rājā mahāsudarśanas tenopajagmuḥ || upetya rājānaṃ mahāsudarśanam idam avocan ||

idaṃ devāya prabhūtaṃ suvarṇam ānītaṃ maṇiratnaṃ ca kaṃbalaratnaṃ ca || tad devaḥ pratigṛhṇātv anukampām upādāya ||

madrājye ’pi yad evaṃ dhanajātam ity uktvā niravekṣāsyotpannā pratigrahītuṃ nādhivāsayati ||

naigamajānapadā rājānaṃ mahāsudarśanam idam avocan ||

idaṃ devāya prabhūtaṃ suvarṇam ānītaṃ maṇiratnaṃ ca kaṃbalaratnaṃ ca || tad devaḥ pratigṛhṇātv anukampām upādāya ||

dvir api trir api rājā mahāsudarśano naigamajānapadān āmantrayate ||

madrājye ’pi yad evaṃ dhanajātam ity uktvā niravekṣāsyotpannā pratigrahītuṃ nādhivāsayati ||

atha naigamajānapadānām etad abhavat ||

nāsmākaṃ pratirūpaṃ syād yad idaṃ devāya prabhūtaṃ suvarṇam ānīya maṇiratnaṃ ca kaṃbalaratnaṃ ca tad vayam ādāya svakasvakaniveśanaṃ gamiṣyāmaḥ || yannu vayaṃ rājño mahāsudarśanasya purato mahāntaṃ suvarṇasya ca rājatasya ca rāśim ākīrya maṇiratnaṃ kaṃbalaratnaṃ caikānta upanikṣipyaitad devasya dhanajātam ity upekṣya prakrāmema ||

iti viditvā rājño mahāsudarśanasya purato mahāntaṃ suvarṇasya ca rājatasya ca rāśim ākīrya maṇiratnaṃ kaṃbalaratnaṃ caikānta upanikṣipyaitad devasya dhanajātam ity upekṣya prakrāntāḥ ||

atha rājño mahāsudarśanasyaitad abhavat ||

saṃpannaṃ me dhanajātaṃ dharmeṇa nādharmeṇa || yannv ahaṃ dhārmaṃ prāsādaṃ māpayeyam ||

aśrauṣuś caturaśītikoṭṭa­rājasahas­rāṇi rājā mahāsudarśano dhārmaṃ prāsādaṃ māpayitukāmaḥ ||

śrutvā ca yena rājā mahāsudarśanas tenopajagmuḥ || upetya rājānaṃ mahāsudarśanam idam avocan ||

alpotsuko devo bhavatu dhārmāt prāsādāt || vayaṃ dhārmaṃ prāsādaṃ māpayiṣyāmaḥ ||

grāmaṇyo madrājye ’py evaṃrūpāṇi dhanajātāny ity uktvā nādhivāsayati ||

dvir api trir api caturaśītikoṭṭa­rāja­sahas­rāṇi rājānaṃ mahāsudarśanam idam avocan ||

alpotsuko devo bhavatu dhārmāt prāsādāt || vayaṃ dhārmaṃ prāsādaṃ māpayiṣyāmaḥ ||

dvir api trir api rājā mahāsudarśanaś caturaśītiṃ koṭṭarājasahasrāṇy āmantrayate ||

grāmaṇyo madrājye ’py evaṃrūpāṇi dhanajātāny ity uktvā nādhivāsayati ||

atha caturaśītiḥ koṭṭarājasahasrāṇi rājño mahā­sudarśanasya pādayor vai śirasāsādya || ekatyā bāhūn pragṛhya || ekatyāś cīvarakarṇakaṃ pragṛhya || ekatyā yena rājā mahāsudarśanas tenāñjaliṃ praṇamya rājānaṃ mahāsudarśanam idam avocan ||

alpotsuko devo bhavatu dhārmāt prāsādāt || vayaṃ dhārmaṃ prāsādaṃ māpayiṣyāmaḥ ||

adhivāsayati rājā mahāsudarśanaś caturaśītikoṭṭa­rāja­sahasrāṇāṃ tūṣṇīmbhāvena ||

atha caturaśītikoṭṭa­rāja­sahasrāṇi rājño mahāsudarśanasya tūṣṇīm­bhāvenā­dhivāsanaṃ viditvā svakasvakaniveśanam āgatya

prabhūtaṃ suvarṇahiraṇyam ekaikaṃ ca ratnastambham ādāya yena rājā mahāsudarśanas tenopasaṃkrāntāḥ || āgatya rājānaṃ mahāsudarśanam idam avocan ||

kutra vayaṃ deva dhārmaṃ prāsādaṃ māpayema kīvan vā ||

tena hi yūyaṃ grāmaṇyaḥ pūrveṇa kuśāvatyā rājadhānyā asya dhārmaṃ prāsādaṃ māpayatha yojanam āyāmena yojanaṃ vistāreṇa ||

evaṃ deveti caturaśītikoṭṭa­rāja­sahasrāṇi rājño mahāsudarśanasya pratiśrutya pūrveṇa kuśāvatyā dhārmaṃ prāsādaṃ māpayanti taṃ ca yojanam āyāmena yojanaṃ vistāreṇa ||

dhārma ānanda prāsāde caturvidhāni prācīnāni māpitāny abhūvan sauvarṇāni rājatāni vaiḍūryamayāṇi sphaṭikamayāni || caturvidhāny āsanāni māpitāny abhūvan sauvarṇāni rājatāni vaiḍūryamayāṇi sphaṭi­kama­yāni ||

dhārme prāsāde caturvidhāḥ staṃbhā ucchritā abhūvan sauvarṇā rājatā vaiḍūryamayāḥ sphaṭikamayāḥ ||

sauvarṇasya staṃbhasya rājataḥ kuṃbhakaḥ kṛpaṭakaśīrṣakaṃ gosārako māpito babhūva || rājatasya sauvarṇaḥ vaiḍūryamayasya sphaṭi­kamayaḥ sphaṭi­kama­yasya staṃbhasya vaiḍūryamayaḥ kuṃbhakaḥ kṛpaṭakaśīrṣakaṃ gosārako māpito babhūva ||

dhārme prāsāde caturvidhā gopānasyo māpitā abhūvan sauvarṇā rājatā vaiḍūryamayāḥ sphaṭikamayāḥ ||

dhārme prāsāde caturvidhā baladharaṇīyā māpitā abhūvan sauvarṇā rājatā vaiḍūryamayāḥ sphaṭikamayāḥ ||

dhārme prāsāde caturvidhā avaṣaṅgā māpitā abhūvan sauvarṇā rājatā vaiḍūryamayāḥ sphaṭi­kamayāḥ ||

dhārme prāsāde caturvidhā aṭṭālā māpitā abhūvan sauvarṇā rājatā vaiḍūryamayāḥ sphaṭikamayāḥ ||

dhārmaḥ prāsādaś caturvidhaiḥ phalakaiś channo ’bhūt sauvarṇai rājatair vaiḍūryamayaiḥ sphaṭikamayaiḥ ||

dhārme prāsāde caturvidhāni sopānāni māpitāny abhūvan sauvarṇāni rājatāni vaiḍūryamayāṇi sphaṭikama­yāni ||

dhārmaḥ prāsādaś caturvidhābhir vedikābhiḥ parikṣipto ’bhūt sauvarṇībhī rājatībhir vaiḍūryamayībhiḥ sphaṭikamayībhiḥ ||

sauvarṇyā vedikāyā rājataṃ sūcyālaṃbanam adhiṣṭhānaṃ māpitam abhūt || rājatyāḥ sauvarṇaṃ vaiḍūryamayyāḥ sphaṭikamayaṃ sphaṭikamayyā vaiḍūryamayaṃ sūcyālaṃbanam adhiṣṭhānaṃ māpitam abhūt ||

dhārma ānanda prāsāde caturaśīti­kūṭā­gāra­sahas­rāṇi māpitāny abhūvan ekaikaṃ caturṇāṃ varṇānāṃ tadyathā sauvarṇānāṃ rājatānāṃ vaiḍūryamayāṇāṃ sphaṭikamayānām ||

sauvarṇe kūṭāgāre rājataḥ paryaṅkaḥ sthāpito ’bhūt paṭikāstṛto goṇikāstṛtas tūlikāstṛtaś citrikāstṛtaḥ paṭalikāstṛtaḥ kāliṅgaprāvārapratyāstaraṇaḥ sottaracchadapaṭa ubhayāntalohitopadhānaḥ ||

rājate sauvarṇo vaiḍūryamaye sphaṭikamayaḥ sphaṭikamaye vaiḍūryamayaḥ paryaṅkaḥ sthāpito ’bhūt paṭikāstṛto goṇikāstṛtas tūlikāstṛtaś citrikāstṛtaḥ paṭalikāstṛtaḥ kāliṅgaprāvārapratyāstaraṇaḥ sottaracchadapaṭa ubhayāntalohitopadhānaḥ ||

sauvarṇasya kūṭāgārasya purastād rājatas tālo māpito ’bhūt sauvarṇena patreṇa puṣpeṇa phalena || rājatasya sauvarṇo vaiḍūryamayasya sphaṭikamayaḥ || sphaṭikamayasya vaiḍūryamayaḥ sphaṭikamayena patreṇa puṣpeṇa phalena ||

teṣāṃ khalu tālānāṃ vāyunā preritānām ayam evaṃrūpo manojñaḥ śabdo niścarati yathā pañcāṅgikasya tūryasya kuśalena puruṣeṇa samyaksupravā­ditasya ||

dhārmaḥ prāsādaḥ kanakavālikāstṛto ’bhūc candanavāripariṣikto hemajālāvatatas suvarṇakaṅkaṇikāvṛtaḥ ||

---

Hier im Tib. Uddāna

---

atha caturaśītikoṭṭa­rāja­sahas­rāṇi sarvajātakṛtaniṣṭhitaṃ dhārmaṃ prāsādaṃ viditvā dhārmasya prāsādasya purastād dhārmīṃ puṣkariṇīṃ māpayanti yojanam āyāmena yojanaṃ vistāreṇa ||

dhārmī puṣkariṇī caturvidhābhir iṣṭikābhiś citā babhūva sauvarṇībhī rājatībhir vaiḍūryamayībhiḥ sphaṭikamayībhiḥ ||

tasyāṃ khalu puṣkariṇyāṃ caturvidhāni sopānāni māpitāny abhūvan sauvarṇāni rājatāni vaiḍūryamayāṇi sphaṭikamayāni ||

sā khalu puṣkariṇī caturvidhābhiḥ vedikābhiḥ parikṣiptā babhūva sauvarṇībhī rājatībhir vaiḍūryamayībhiḥ sphaṭi­kama­yībhiḥ || sauvarṇyā vedikāyā rājataṃ sūcyālaṃbanam adhiṣṭhānaṃ māpitam abhūt || rājatyāḥ sauvarṇaṃ vaiḍūryamayyāḥ sphaṭikamayaṃ sphaṭikamayyā vaiḍūryamayaṃ sūcyālaṃbanam adhiṣṭhānaṃ māpitam abhūt ||

tasyāṃ khalu puṣkariṇyāṃ vividhāni jalajāni mālyāni ropitāny abhūvan tadyathotpalaṃ padmaṃ kumudaṃ puṇḍarīkaṃ saugandhikaṃ madhugandhikaṃ sarvartukaṃ sarvakālikam anāvṛtaṃ sarvajanasya ||

tasyāḥ khalu puṣkariṇyās tīre vividhāni sthalajāni mālyāni ropitāny abhūvan tadyathātimuktakaś caṃpakaḥ pāṭalā vārṣikā mālikā navamālikā sumanā yūthikā dhānuṣkārī sarvartukaṃ sarvakālikam anāvṛtaṃ sarvajanasya ||

dhārmī puṣkariṇī kanakavālikāstṛtābhūc canda­navāri­pari­ṣiktā hemajālāvatatā suvarṇakaṅkaṇikāvṛtā ||

atha caturaśītikoṭṭa­rāja­sahas­rāṇi sarvajātakṛtaniṣṭhitaṃ dhārmaṃ prāsādaṃ dhārmīñ ca puṣkariṇīṃ viditvā dhārmyāḥ puṣkariṇyāḥ purastād dhārmaṃ tālavanaṃ māpayanti yojanam āyāmena yojanaṃ vistāreṇa ||

dhārme tālavane caturvidhās tālā māpitā abhūvan sauvarṇā rājatā vaiḍūryamayāḥ sphaṭikama­yāḥ || sauvarṇasya tālasya rājataṃ patraṃ puṣpaṃ phalaṃ māpitam abhūt || rājatasya sauvarṇam || vaiḍūryamayasya sphaṭikamayam || sphaṭikamayasya vaiḍūryamayaṃ patraṃ puṣpaṃ phalaṃ māpitam abhūt ||

teṣāṃ khalu tālānāṃ vāyunā preritānām ayam evaṃrūpo manojñaḥ śabdo niścarati tadyathā pañcāṅgikasya tūryasya kuśalena puruṣeṇa samyaksupravāditasya ||

dhārmaṃ tālavanaṃ caturvidhābhir vedikābhiḥ parikṣiptam abhūt sauvarṇībhī rājatībhir vaiḍūryamayībhiḥ sphaṭikamayībhiḥ ||

sauvarṇyā vedikāyā rājataṃ sūcyālaṃbanam adhiṣṭhānaṃ māpitam abhūt || rājatyāḥ sauvarṇaṃ vaiḍūryamayyāḥ sphaṭikamayaṃ sphaṭikamayyā vaiḍūryamayaṃ sūcyālaṃbanam adhiṣṭhānaṃ māpitam abhūt ||

dhārmaṃ tālavanaṃ kanakavālikāstṛtam abhūc candanavāripariṣiktaṃ hemajālāvatataṃ suvarṇakaṅkaṇikāvṛtam ||

atha caturaśītikoṭṭa­rāja­sahas­rāṇi sarvajātakṛtaniṣṭhitaṃ dhārmaṃ prāsādaṃ dhārmīṃ puṣkariṇīṃ dhārmaṃ ca tālavanaṃ viditvā yena rājā mahāsudarśanas tenopajagmur upetya rājānaṃ mahāsudarśanam idam avocan ||

sarvajātakṛtaniṣṭhito devasya dhārmaḥ prāsādo dhārmī puṣkariṇī dhārmaṃ ca tālavanam || yasyedānīṃ devaḥ kālaṃ manyate ||

atha rājño mahāsudarśanasyaitad abhavat ||

na mama pratirūpaṃ syād yad aham evam eva dhārme prāsāde adhyāvaseyam || yannv ahaṃ ye madvijite sādhurūpa­saṃ­matāḥ śramaṇabrāhmaṇāḥ prativasanti tān prathamataraṃ dhārme prāsāde bhojayitvā pratyekapratyekaṃ duṣyayugenācchādayeyam ||

atha rājā mahāsudarśano ye s­vavijite sādhurūpasaṃmatāḥ śramaṇabrāhmaṇāḥ prativasanti tān prathamataraṃ dhārme prāsāde bhojayitvā pratyekapratyekaṃ duṣyayugenācchādayati ||

atha rājño mahāsudarśanasyaitad abhavat ||

na mama pratirūpaṃ syād yad ahaṃ dhārme prāsāde pañcakāma­guṇair samarpitaḥ samanvaṅgībhūtaḥ krīḍeyaṃ rameyaṃ paricārayeyaṃ || yannv ahaṃ dhārme prāsāda ekena puruṣeṇopasthāyakena rājarṣir brahmacaryaṃ careyam ||

atha rājā mahāsudarśana ekena puruṣenopasthāyakena dhārme prāsāde rājarṣir brahmacaryam acārṣīt ||

atha rājā mahāsudarśano dhārme prāsāde praviśya sauvarṇaṃ kūṭāgāram adhiruhya rājate paryaṅke niṣadya viviktaṃ kāmaiḥ pūrvavad yāvat prathamaṃ dhyānam upasaṃpadya vyahārṣīt ||

sauvarṇāt kūṭāgārān niṣkramya rājataṃ kūṭā­gāram adhiruhya sauvarṇe paryaṅke niṣadya viviktaṃ kāmaiḥ pūrvavad yāvat prathamaṃ dhyānam upasaṃpadya vyahārṣīt ||

rājatāt kūṭāgārān niṣkramya vaiḍūryamayaṃ kūṭāgāram adhiruhya sphaṭikamaye paryaṅke niṣadya viviktaṃ kāmaiḥ pūrvavad yāvat prathamaṃ dhyānam upasaṃpadya vyahārṣīt ||

vaiḍūryamayāt kūṭāgārān niṣkramya sphaṭikamayaṃ kūṭāgāram adhiruhya vaiḍūryamaye paryaṅke niṣadya viviktaṃ kāmaiḥ pūrvavad yāvat prathamaṃ dhyānam upasaṃpadya vyahārṣīt ||

atha caturaśītistrīsahasrāṇi yena strīratnaṃ tenopajagmuḥ || upetya strīratnam idam avocan ||

devi prativedayasva || ciram asmābhir adṛṣṭo rājā yena vayaṃ rājānaṃ darśanāyātyutsukyāḥ || rājānaṃ vayaṃ draṣṭukāmāḥ ||

āgamayadhvaṃ tāvad bhaginyo yāvad ahaṃ pariṇāyakaratnaṃ prakṣyāmi ||

atha strīratnaṃ pariṇāyakaratnaṃ dūtenāhūyaivam āmantrayate || senāpate jānīhi || ciram asmābhir adṛṣṭo rājā yena vayaṃ rājānaṃ darśanāyātyutsukyāḥ || rājānaṃ vayaṃ draṣṭukāmāḥ ||

–106 tena hi yūyaṃ bhaginyaḥ sarvāḥ pītālaṅkāraṃ pītavastramālyābharaṇāni pītānulepanaṃ pītaparivāraṃ saṃpādayatha || yāvad ahaṃ caturaśītikoṭṭa­rāja­sahas­rāṇi caturaśītināgasahasrāṇy upoṣathanāga­rājapramukhāni caturaśītyaśva­rāja­sahas­rāṇi vālāhāśvapramukhāni caturaśītirathasahasrāṇi nandighoṣarathapramukhāni saṅgrahiṣyāmi ||

atha sarvās tāḥ striyaḥ pītālaṅkāraṃ pītavastramālyābharaṇāni pītānulepanaṃ pītaparivāraṃ samapādayan ||

–111 pari­ṇāyakaratnaṃ ca caturaśītikoṭṭa­rāja­sahas­rāṇi caturaśītināgasahasrāṇy upoṣathanāga­rājapramukhāni caturaśītyaśva­rāja­sahas­rāni vālāhāśvapramukhāni caturaśītirathasahasrāṇi nandighoṣarathapramukhāni samagrahīt ||

saṅgṛhya strīratnaṃ nandighoṣarathe nyaṣīdat || anyā avaśeṣastriyaḥ svakasvakarathaṃ niṣadya yena dhārmaḥ prāsādas tenopajagmuḥ ||

tena khalu samayena dhārmasya prāsādasyādhastād mahā­janakāyasyoccaśabda­mahā­śabdo nāditaḥ ||

aśrauṣīd rājā mahāsudarśano dhārmasya prāsādasyādhastād mahā­janakāyasyoccaśabda­mahā­śabdam || śrutvā cānyatamam antevāsinaṃ puruṣam evam āmantrayate ||

kim etad bhoḥ puruṣa dhārmasya prāsādasyādhastād mahā­janakāyasyoccaśabda­mahā­śabdaḥ ||

–120 imāni deva caturaśītistrīsahasrāṇi strīratnapramukhāni caturaśītikoṭṭa­rāja­sahasrāṇi pariṇāyakaratnapramukhāni caturaśītināga­sahas­rāṇy upoṣathanāga­rājapramukhāni pūrvavat ||

tena bhoḥ puruṣa dhārmasya prāsādasyādhastād sauvarṇaṃ bhadrāsanaṃ prajñāpaya yatrāhaṃ niṣadya mahājanakāyaṃ nirīkṣeya ||

evaṃ deveti sa puruṣo rājño mahāsudarśanasya pratiśrutya dhārmasya prāsādasyādhastāt sauvarṇaṃ bhadrāsanaṃ prajñapya yena rājā mahāsudarśanas tenopajagāma || upetya rājānaṃ mahāsudarśanam idam avocat ||

prajñaptaṃ deva dhārmasya prāsādasyādhastāt sauvarṇaṃ bhadrāsanam || yasyedānīṃ devaḥ kālaṃ manyate ||

adrākṣīd rājā mahāsudarśano dhārmaprāsādādhastāt sarvās tāḥ striyaḥ pītavastramālyābhāraṇāḥ pītānulepanāḥ ||

dṛṣṭvā ca punar asyaitad abhavat || atirañjanīyo bata mātṛgrāma iti viditvendriyāṇy utkṣipati ||

adrākṣīt strīratnaṃ rājānaṃ mahāsudarśanam indriyāṇy utkṣipantam || dṛṣṭvā ca punar asyā etad abhavat ||

yathā khalu devo ’smān dṛṣṭvendriyāṇy utkṣipati mā haiva devo ’smābhiḥ saṅgamyāpakāraṃ kariṣyati ||

atha rājā mahāsudarśano dhārmāt prāsādād avatīrya sauvarṇe prajñap­tabhadrāsane nyaṣīdat ||

atha strīratnaṃ yena rājā mahāsudarśanas tenopajagāma || upetya rājānaṃ mahāsudarśanam idam avocat ||

imāni devasya caturaśītistrīsahas­rāṇi || atra devaś chandaṃ janayatv avekṣāṃ devaḥ karotu jīvite ||

caturaśītikoṭṭa­rāja­sahas­rāṇi pariṇāyakaratnapramukhāni || atra devaś chandaṃ janayatv avekṣāṃ devaḥ karotu jīvite ||

caturaśītināga­sahas­rāṇy upoṣathanāga­rājapramukhāni || atra devaś chandaṃ janayatv avekṣāṃ devaḥ karotu jīvite ||

caturaśītyaśva­sahas­rāṇi vālāhāśvarājapramukhāni || atra devaś chandaṃ janayatv avekṣāṃ devaḥ karotu jīvite ||

caturaśīti­ratha­sahas­rāṇi nandighoṣarathapramukhāni || atra devaś chandaṃ janayatv avekṣāṃ devaḥ karotu jīvite ||

caturaśītinagarasahasrāṇi kuśāvatī­rāja­dhānīpramukhāni || atra devaś chandaṃ janayatv avekṣāṃ devaḥ karotu jīvite ||

pūrve ca tvaṃ bhagini māṃ mitravat samudācarasi sā tvaṃ tarhi sapatnavat ||

atha strīratnaṃ bhaginīvādena rājñā mahāsudarśanena samudācīrṇaṃ prārodīd aśrūṇi vartaya­mānam ||

atha strīratnaṃ cīvarakarṇakenāśrūṇy utstīrya rājānaṃ mahāsudarśanam idam avocat ||

kathaṃ tarhi vayaṃ devaṃ mitravat samudācarāmo na sapatnavat ||

ehi tvaṃ bhagini || evaṃ vada ||

alpaṃ jīvitaṃ manuṣyāṇām || gamanīyaḥ sāṃparāyaḥ || kartavyaṃ kuśalam || caritavyaṃ brahmacaryam || na prāptajātasyā­maraṇam || so ’pi deva kṣaṇo lavo muhūrto na prajñāyate yatrāsya kāyasya sarveṇa sarvaṃ nikṣepo bhaviṣyati ||

yad devasya caturaśītiṣu st­rīsahasreṣu strīratnapramukheṣu cchando vā janito rāgo vā janita iṣṭakāntamanāpatvaṃ vā janitaṃ tad devaḥ prajahātu niravekṣo devo bhavatu jīvite ||

yad devasya caturaśītiṣu koṭṭarājasahasreṣu pariṇāyakaratnapramukheṣu cchando vā pūrvavad yāvan niravekṣo devo bhavatu jīvite ||

yad devasya caturaśītiṣu nāgasahasreṣv upoṣathanāga­rājapramukheṣu cchando vā pūrvavad yāvan niravekṣo devo bhavatu jīvite ||

yad devasya caturaśītiṣv aśvasahasreṣu vālāhāśvarājapramukheṣu cchando vā pūrvavad yāvan niravekṣo devo bhavatu jīvite ||

yad devasya caturaśītiṣu rathasahasreṣu nandighoṣarathapramukheṣu cchando vā pūrvavad yāvan niravekṣo devo bhavatu jīvite ||

yad devasya caturaśītiṣu nagarasahasreṣu kuśāvatī­rājadhānīpramukheṣu cchando vā pūrvavad yāvan niravekṣo devo bhavatu jīvite ||

tā idam avocan || tathā hi vayaṃ samudācarāmo devaṃ mitravat ||

alpaṃ deva jīvitaṃ manuṣyāṇāṃ gamanīyaḥ sāṃparāyaḥ kartavyaṃ kuśalaṃ caritavyaṃ brahmacaryam || na prāptajātasyāmaraṇam || so ’pi deva kṣaṇo lavo muhūrto na prajñāyate yatrāsya kāyasya sarveṇa sarvaṃ nikṣepo bhaviṣyati ||

yad devasya caturaśītiṣu strīsahasreṣu strīratnapramukheṣu cchando vā janito rāgo vā janita iṣṭakāntamanāpatvaṃ vā janitaṃ tad devaḥ prajahātu niravekṣo devo bhavatu jīvite ||

yad devasya caturaśītiṣu koṭṭarājasahasreṣu pariṇāyakaratnapramukheṣu cchando vā pūrvavad yāvan niravekṣo devo bhavatu jīvite ||

yad devasya caturaśītiṣu nāgasahasreṣv upoṣathanāga­rājapramukheṣu cchando vā pūrvavat ||

yad devasya caturaśītiṣv aśva­sahas­reṣu cchando vā pūrvavat ||

yad devasya caturaśītiṣu ratha­sahas­reṣu cchando vā pūrvavat ||

yad devasya caturaśītiṣu na­gara­sahasreṣu cchando vā pūrvavad yāvan niravekṣo devo bhavatu jīvite ||

atha rājā mahāsudarśanaḥ strīratnam anenāvavādenānuśāsya dhārmaṃ prāsādam adhiruhya sauvarṇaṃ kūṭāgāraṃ praviśya rājate paryaṅke niṣadya maitrāsahagatena cittenāvaireṇāsapatnenāvyāvadhyena vipulena mahadgatenāpramāṇenādvayena subhāvitenaikāṃ diśam adhimucya spharitvopasaṃpadya vyahārṣīt ||

tathā dvitīyāṃ tathā tṛtīyāṃ tathā caturthīm ity ūrdhvam adhas tiryak sarvaśaḥ sarvāvantam imaṃ lokaṃ maitrāsahagatena cittenāvaireṇāsapatnenāvyāvadhyena vipulena mahadgatenāpramāṇenādvayena subhāvitenaikāṃ diśam adhimucya spharitvopa­saṃpadya vyahārṣīt ||

sauvarṇāt kūṭāgārān niṣkramya rājataṃ kūṭāgāraṃ praviśya sauvarṇaparyaṅke niṣadya karuṇāsahagatena cittenāvaireṇa pūrvavat ||

Im Tib. Wiederholung von 157

atha rājatāt kūṭāgārān niṣkramya vaiḍūryamayaṃ kūṭāgāraṃ praviśya sphaṭikamayaparyaṅke niṣadya muditāsahagatena cittenāvaireṇa pūrvavat ||

Im Tib. Wiederholung von 157

atha vaiḍūryamayāt kūṭāgārān niṣkramya sphaṭikamayaṃ kūṭāgāraṃ praviśya vaiḍūryamaye paryaṅke niṣadyopekṣā­saha­gatena cittenāvaireṇa pūrvavat ||

Im Tib. Wiederholung von 157

atha rājā mahāsudarśanaś caturo brahmavihārān bhāvayitvā kāmeṣu kāmacchandaṃ prahāya tadbahulavihārī brahmalokasya svabhāvatāyām upagataḥ ||

rajña ānanda mahāsudarśanasya paścimā māraṇāntikā vedanā babhūva tadyathā balavataḥ puruṣasya subhojanaṃ bhuktavato muhūrte syād bhaktaklamaḥ ||

syāt khalu te ānandānyaḥ sa tena kālena tena samayena rājābhūn mahāsudarśano nāma || na khalv evaṃ draṣṭavyam || tat kasmād dhetoḥ || aham eva sa tena kālena tena samayena rājā mahā­sudarśano ’bhūvam ||

ṣaṭkṛtvaḥ khalv ānanda kuśinagarī yāvan nadī hiraṇyavatī yāvad yamakaśālavanaṃ yāvan mallānāṃ makuṭabandhanaṃ caityam atrāntarā dvādaśa yojanāni sāmantakena bhūyo ’pi tathāgatasya śarīranikṣepo babhūva tac ca rājñaḥ kṣatriyasya mūrdhābhiṣiktasya || idaṃ saptamaṃ vāram ||

tac cānandārhataḥ samyaksaṃbuddhasya nāhaṃ taṃ loke pṛthivīpradeśaṃ samanupaśyāmi naiva pūrvasyān diśi dakṣiṇasyāṃ paścimasyām uttarasyāṃ diśi yatra tathāgatasyāṣṭamaḥ śarīranikṣepaḥ ||

tat kasmād dhetoḥ ||
+ + + + + + + +
samucchinnā bhavanetrī ||
vikṣīṇo jāti­saṃsāro
nāstīdānīṃ punarbhavaḥ |

tena khalu samayenāyuṣmān upamāno bhagavataḥ purastāt sthito ’bhūd bhagavantaṃ vījayan ||

atha bhagavān āyuṣmantam upamānam āmantrayate || bhikṣo mā me purastāt tiṣṭha ||

athāyuṣmān ānando bhagavantam idam avocat ||

viṃśatiṃ varṣāṇi samadhikāni bhadanta mayā bhagavān upasthitaḥ || nāśrauṣaṃ pūrve evaṃvidhāṃ paruṣāṃ vācaṃ yathāyuṣmata upamānasyāvasāde ||

tathā hy anekakalpaśatāyuṣo devatā avadhyāyanti kṣipanti vivācayanti ||

kadācit karhicit tathāgatā arhantaḥ samyaksaṃbuddhā loka utpadyante tadyathoduṃbare puṣpam ||

tasya cādya bhagavato rātryā madhyame yāme ’nupadhiśeṣe nirvāṇadhātau parnirvāṇaṃ bhaviṣyati || ayaṃ ca mahāśakyamahāśakyo bhikṣur bhagavataḥ purastāt sthito ’smābhiḥ pṛṣṭhena dṛṣṭaḥ || tena na śaknumo bhagavato darśanāya pūjādhikārikāyai samupakramitum ||

kiyata bhadanta bhagavān devatāḥ sañjānāti ||

yāvad ānanda kuśinagarī yāvan nadī hiraṇyavatī yāvad yamakaśālavanaṃ yāvan mallānāṃ makuṭabandhanaṃ caityam atrāntarā dvādaśa yojanāni sāmantakena nāsti kiñcin mahāśakyamahāśakyābhir devatābhir asphuṭaṃ spharaṇīyam antato daṇḍakoṭiviṣṭaṃ­bhanamātram api ||

---

athāyuṣmān ānando bhagavantam idam avocat ||

kathaṃ vayaṃ bhadanta parinirvṛte bhagavati bhagavataḥ śarīrapūjāyām autsukyam āpadyemahi ||

alpotsukas tvam ānanda bhava śarīrapūjāyāḥ || prasannā brāhmaṇagṛhapataya etad āpādayiṣyanti ||

kathaṃ bhadanta brāhmaṇagṛhapataya etad āpādayiṣyanti ||

tadyāth­ānanda rājñaś cakravartino yathā ||

kathaṃ bhadanta rājñaś cakravartinaḥ ||

rājñaś cakravartinaḥ kāyo vihataiḥ karpāsair veṣṭyate || vihataiḥ karpāsair veṣṭayitvā pañcabhir yugaśatair veṣṭyate || pañcabhir yugaśatair veṣṭayitvā tailapūrṇāyām ayodroṇyāṃ prakṣipyānyayāyodroṇyā pracchādya gandhakāṣṭhaiś citāṃ citvā dhyāpyate govatā kṣīreṇa nirvāpyate || tāny asthīni sauvarṇe kumbhe prakṣipya sauvarṇyāṃ śivikāyām āropya caturmahāpathe śarīrastūpaḥ pratiṣṭhāpyate cchatradhvajapatākā āropyante mahaś ca prasthāpyate gandhair mālyaiḥ puṣpair dhūpair vādyaiḥ satkriyate gurukriyate mānyate pūjyate ||

evam evānanda rājñaś cakravartinaḥ || ata uttare tathāgatasyārhataḥ samyaksaṃbuddhasya ||

---

ST.III, Hs.101.5–104.5 S 360, Bl.225–226

/// + gavāṃ kuśinagaryāṃ viha

/// + + + parinirvṛtasya me

/// + + + + + .y.+ + śvaryā

/// + + n. kṣetrakuśalā sa pra

/// + rabahulā bhaviṣyaṃti pra

/// kāś ca pariṣatsu lābhasatkā

/// asuragaruḍakinna­ramahoragā

/// + ṣyaṃti satkṛtvā gurukṛtvā

+ + + + + + + + + + + + + + riṣyaṃti śrāvakāś ca lābhasatkārabahulā bhaviṣyaṃti || ṣaṣṭhamavarṣa­śata­pari­nirvṛtasya me ānanda + + sārakaṃ śāsanaṃ

+ + + + + + + + + kalahajātā bhaṇḍanajātā vigṛhītā vivādam āpannā bhaviṣyaṃti || saptamavarṣa­śata­pari­nirvṛtasya me ānanda pratipattisārakaṃ śāsanaṃ bhaviṣyati

+ + + + + + + + + + paṇḍitā bhaviṣyaṃti te ca abhidharma avalokayiṣyaṃti anyatīrthikānāṃ nigrahāya || aṣṭamavarṣa­śata­pari­nirvṛta

sya me ānanda + + + + sārakaṃ śāsanaṃ bhaviṣyati śrāvakāś cānyonyāghātacittā bhaviṣyaṃti sakhilacittā aprasannacittā muṣṭasmṛtaya amaitrī

+ + + + + + + + + + + viṣyaṃti || navamavarṣa­śata­pari­nirvṛtasya me ānanda kṛṣisārakaṃ śāsanaṃ bhaviṣyati śrāvakāś ca kṛṣikarmāntāni kariṣyaṃti nā

+ + + + + + + + + + + + .y. + tena ca jīvikāṃ kalpayiṣyaṃti kṣipratarāś ca bhaviṣyaṃti yad uta āmiṣapratisaṃyuktāḥ daśamavarṣa­śata­pari­nirvṛta

+ + + + + + + + + + + + + ṣyati ya ime sūtrāntā gaṃbhīrā gaṃbhīrārthā lokottarā buddhabhāṣitāḥ śunyatāśunyatāprati­saṃ­yuktā tadyathā sūtraṃ geyaṃ

+ + + + + + + + + + + + itivṛttakajātakavaipulyādbhuta­dharma­padeśāḥ riñcitvānyakathārāmānuyogam anuyuktā vihariṣyaṃti tadyathā rājaka

+ + + + + + yuddhakathāyām annakathāyāṃ pānakathāyāṃ vastrakathāyāṃ vīthīkathāyāṃ vaiśyakathāyāṃ lokākhyānakathāyāṃ kurmākhyānakathā

+ + + + + + + + + janapada­mahā­mātrākh­yāna­kathāyām ity evaṃrūpāsu kathāsu rātrindivaṃś cittam abhiramisyaṃti riñciṣyaṃti pratisaṃlayanaṃ

+ + + + + + + + + + + anuyogam anuyuktaṃ tasmāt tarhy ānanda evaṃ śikṣitavyam |

---

gacchānanda kauśināgarāṇāṃ mallānām ārocaya ||

adya vo vāsiṣṭhāḥ śāstū rātryā madhyame yāme ’nupadhiśeṣe nirvāṇadhātau parinirvāṇaṃ bhaviṣyati ||

yad vaḥ kṛtyaṃ vā karaṇīyaṃ vā tat kurudhvaṃ mā vaḥ paścād vipratisāro bhaviṣyati katham idānīm asmākaṃ grāmakṣetre śāstā parinirvṛto yasya vayaṃ darśanāya pūjādhikārikāyai nopasaṃkrāntāḥ ||

evaṃ bhadantety āyuṣmān ānando bhagavato pratiśrutya saṃghāṭim ādāyānyatamena bhikṣuṇā paścācchramaṇena yena kauśināgarāṇāṃ mallānāṃ saṃsthāgāras tenopajagāma ||

tena khalu samayena kauśināgarā mallāḥ saṃsthāgāre sanniṣaṇṇāḥ sannipatitā yadbhūyasā tenaiva karaṇīyena ||

athāyuṣmān ānandaḥ kauśināgarān mallān idam avocat ||

śṛṇvantu bhavantaḥ kauśināgarā mallāḥ saṃghā vā gaṇā vā pūgā va pariṣado vā || adya vo vāsiṣṭhāḥ śāstū rātryā madhyame yāme ’nupadhiśeṣe nirvāṇadhātau parinirvāṇaṃ bhaviṣyati ||

yad vaḥ kṛtyaṃ vā karaṇīyaṃ vā tat kurudhvaṃ mā vaḥ paścād vipratisāro bhaviṣyati katham idānīm asmākaṃ grāmakṣetre śāstā parinirvṛto yasya vayaṃ darśanāya pūjādhikārikāyai na samupakrāntāḥ ||

---

evam iti kauśināgarā mallā āyuṣmantam ānandaṃ pratiśrutya saputradārāḥ sadāsīdā­sakar­makarapauruṣeyāḥ samitrāmātyajñātisālohitāḥ kuśinagaryā niṣkramya yena yamakaśālavanaṃ tenopajagmuḥ || upetya bhagavatpādau śirasā vanditvaikānte nyaṣīdan ||

e­kānta­niṣaṇṇān kauśināgarān mallān bhagavān dhārmyā kathayā sandarśayati samādapayati samuttejayati saṃpraharṣayati ||

atha kauśināgarā mallā utthāyāsanād ekāṃsam uttarāsaṅgaṃ kṛtvā yena bhagavāṃs tenāñjaliṃ praṇamya bhagavantam idam avocan ||

ete vayaṃ bhadanta kauśināgarā mallā buddhaṃ śaraṇaṃ gacchāmo dharmaṃ ca bhikṣusaṃghaṃ ca || adyāgreṇa yāvajjīvaṃ śikṣāpadāni pratigrahīṣyāmaḥ ||

athāyuṣmata ānandasyaitad abhavat ||

saced ahaṃ kauśināgarān mallān ekaikaṃ bhagavato ’ntike upāsakaśikṣāpadāni pratigrāhayiṣyāmy ardharātry agṛhītaśikṣāpadā prasariṣyati || yannv ahaṃ kauśināgarān mallān bhagavato ’ntika upāsakaśikṣāpadāni yugapat pratigrāhayeyam || evaṃnāmā kauśināgaro mallaḥ saputradāraḥ sadāsīdā­sakar­makarapauruṣeyaḥ samitrāmātyajñātisālohito buddhaṃ śaraṇaṃ gacchati dharmaṃ saṃghañ ca ||

athāyuṣmān ānando bhagavantam idam avocat ||

evaṃnāmā bhadanta kauśināgaro mallaḥ saputradāraḥ sadāsīdā­sakar­makarapauruṣeyaḥ samitrāmātyajñātisālohito buddhaṃ śaraṇaṃ gacchati dharmaṃ ca saṃghaṃ ca || śikṣāpadāni pratigrahītum icchati || evam eva rātryāḥ prathamo yāmaḥ ||
atha ca punar āyuṣmān ānando ’natikrānte madhyame yāme tāṃs tāṅ kauśināgarān mallān bhagavato ’ntike śikṣāpadāni pratyajigrahat ||

atha kauśināgarā mallā bhagavato bhāṣitam abhinandyānumodya bhagavatpādau śirasā vanditvā bhagavato ’ntikāt prakrāntāḥ ||

---

Tibetisch­chinesischer Sondertext

---

tena khalu samayena kuśinagaryāṃ subhadraḥ parivrājakaḥ prativasati jīrṇo vṛddho mahallakaḥ ||

sa viṃ­śati­śata­vayaskaḥ kauśināgarāṇāṃ mallānāṃ satkṛto gurukṛto mānitaḥ pūjito ’rhan saṃmataḥ ||

aśrauṣīt subhadraḥ parivrājakaḥ || adya śramaṇasya gautamasya rātryā madhyame yāme ’nupadhiśeṣe nirvāṇadhātau parinirvāṇaṃ bhaviṣyati ||

asti ca me dharmeṣu kāṅkṣitatvam āśā ca me santiṣṭhate pratibalaś ca me sa bhavāṅ gautamas tat kāṅkṣitatvaṃ prativinodayitum ||

saced yena bhagavāṅ gautamas tenopasaṅkrameyam upasaṅkramya pṛccheyaṃ kañcid eva pradeśam || saced avakāśaṃ kuryāt praśnasya vyākaraṇāya ||

śrutvā ca punaḥ kuśinagaryā niṣkramya yena yamakaśālavanaṃ tenopasaṅkrāntaḥ ||

tena khalu samayenāyuṣmān ānanda ārāmadvāre ’bhyavakāśe caṅkrame caṅkramyate ||

adrākṣīt subhadraḥ parivrājaka āyuṣmantam ānandaṃ dūrād eva || dṛṣṭvā ca punar yenāyuṣmān ānandas tenopajagāma || upetyāyuṣmantam ānandam idam avocat ||

śrutaṃ me bho ānandādya śramaṇasya gautamasya rātryā madhyame yāme ’nupadhiśeṣe nirvāṇadhātau parinirvāṇaṃ bhaviṣyati ||

asti ca me dharmeṣu kāṅkṣitatvam āśā ca me santiṣṭhate pratibalaś ca me sa bhavāṅ gautamas tat kāṅkṣitatvaṃ prativinodayitum ||

saced yena bhagavāṅ gautamas tenopasaṅkrameyam upasaṅkramya pṛccheyaṃ kañcid eva pradeśaṃ saced avakāśaṃ kuryāt praśnasya vyākaraṇāya ||

ānandāha || alaṃ subhadra mā bhagavantaṃ viheṭhaya śrāntakāyo bhagavāṅ klāntakāyaḥ sugataḥ ||

dvir api trir api subhadraḥ parivrājaka āyuṣmantam ānandam idam avocat ||

śrutaṃ bho ānanda purāṇānāṃ parivrājakānām antikāj jīrṇānāṃ vṛddhānāṃ mahatāṃ caraṇācāryāṇāṃ kadācit karhicit tathāgatā arhantaḥ samyaksaṃbuddhā loka utpadyante tadyathodumbaraṃ puṣpaṃ ||

tasya cādya bhagavato gautamasya rātryā madhyame yāme ’nupadhiśeṣe nirvāṇadhātau parinirvāṇaṃ bhaviṣyati ||

asti ca me dharmeṣu kāṅkṣitatvam āśā ca me santiṣṭhate pratibalaś ca me sa bhavāṅ gautamas tat kāṅkṣitatvaṃ prativinodayitum ||

saced yena bhagavāṅ gautamas tenopasaṅkrameyam upasaṅkramya pṛccheyaṃ kañcid eva pradeśam || saced avakāśaṃ kuryāt praśnasya vyākaraṇāya ||

punar apy āyuṣmān ānandaḥ subhadraṃ parivrājakam idam avocat ||

alaṃ subhadra mā tathāgataṃ viheṭhaya śrāntakāyo bhagavāṅ klāntakāyaḥ sugataḥ ||

imaṃ ca punar āyuṣmata ānandasya subhadreṇa parivrājakena sārdham antarākathāṃ viprakṛtām aśrauṣīd bhagavān divyena śrotreṇa viśuddhenātikrāntamānuṣeṇa || śrutvā ca punar āyuṣmantam ānandam āmantrayate ||

alam ānanda mā subhadraṃ parivrājakaṃ vāraya praviśatu pṛcchatu yad yad evākāṅkṣate || tat kasmād dhetoḥ || ayaṃ me paścimo ’nyatīrthikapariv­rāja­kaiḥ sārdham antarākathāsamudāhāraḥ || ayaṃ ca me paścimo bhaviṣyati sākṣācchrāvakāṇām ehibhikṣukapravrajitānāṃ yad uta subhadraḥ parivrājakaḥ ||

atha subhadraḥ parivrājako bhagavatā kṛtāvakāśo hṛṣṭatuṣṭapramudita udagraḥ prītisaumanasyajāto yena bhagavāṃs tenopasaṃk­rāntaḥ ||

upa­saṃk­ramya bhagavatā sārdhaṃ saṃmukhaṃ saṃmodanīṃ saṃrañjanīṃ kathāṃ vividhām upasaṃhṛtyaikānte nyaṣīdat ||

ekāntaniṣaṇṇaḥ subhadraḥ parivrājako bhagavantam idam avocat ||

pṛccheyam ahaṃ bho gautama kañcid eva pradeśam || saced avakāśaṃ kuryāt praśnasya vyākaraṇāya ||

Nur Tib. und Chin.

yānīmāni bho gautama pṛthag loke tīrthyāyatanāni tadyathā pūraṇaḥ kāśyapo maskarī gośālīputraḥ saṃjayī vairuṭīputro ’jitaḥ keśakambalaḥ kakudaḥ kātyāyano nirgrantho jñātiputraḥ pratyajñāsiṣur ime svāṃ svāṃ pratijñām ||

atha bhagavāṃs tasyāṃ velāyāṃ gāthe babhāṣe ||

ekonatriṃ­śo vayasā subhadra
yat prāvrajaṃ kiṃ kuśalaṃ gaveṣī ||
pañcāśad varṣāṇi samādhikāni
yataś cāhaṃ pravrajitaḥ subhadra |

śīlaṃ samādhiś caraṇaṃ ca vidyā
caikāgratā cetaso bhāvitā me ||
āryasya dharmasya pradeśavaktā
ito bahirdhā śramaṇo hi nāsti |

yasmin subhadra dharmavinaya āryāṣṭāṅgo mārgo nopalabhyate prathamaḥ śramaṇas tatra nopalabhyate dvitīyas tṛtīyaś caturthaḥ śramaṇas tatra nopalabhyate ||

yasmiṃs tu subhadra dharmavinaya āryāṣṭāṅgo mārga upalabhyate prathamaḥ śramaṇas tatropalabhyate dvitīyas tṛtīyaś caturthaḥ śramaṇas tatropalabhyate ||

asmin subhadrārye dharmavinaye āryāṣṭāṅgo mārga upalabhyate tadyathā samyagdṛṣṭiḥ samyaksaṅkalpaḥ samyagvāk samyakkarmāntaḥ samyagājīvaḥ samyagvyāyāmaḥ samyaksmṛtiḥ samyaksamādhiḥ || iha prathamaḥ śramaṇa upalabhyata iha dvitīya iha tṛtīya iha caturtho na santīto bahiḥ śramaṇā vā brāhmaṇā vā ||

śūnyāḥ parapravacanāḥ śramaṇair vā brāhmaṇair vā || evam atra parṣadi samyaksiṃhanādaṃ nadāmi ||

asmin khalu dharmaparyāye bhāṣyamāṇe subhadrasya parivrājakasya virajo vigatamalaṃ dharmeṣu dharmacakṣur utpannam ||

atha subhadraḥ parivrājako dṛṣṭadharmā prāptadharmā paryavagāḍha­dharmā tīrṇakāṅkṣas tīrṇavicikitso ’parapratyayo ’nanyaneyaḥ śāstuḥ śāsane dharmeṣu vaiśāradyaprāpta utthāyāsanād ekāṃsam uttarāsaṅgaṃ kṛtvā yenāyuṣmān ānandas tenāñjaliṃ praṇamyāyuṣmantam ānandam idam avocat ||

lābhā bhadantānandena sulabdhā yad bhagavatānando mahācāryeṇa mahācāryāntevāsyabhiṣekeṇābhiṣiktaḥ || asmākam api syur lābhāḥ sulabdhā yad vayaṃ labhemahi svākhyāte dharmavinaye pravrajyām upasaṃpadaṃ bhikṣubhāvam ||

athāyuṣmān ānando bhagavantam idam avocat ||

ayaṃ bhadanta subhadraḥ parivrājaka ākāṅkṣate svākhyāte dharmavinaye pravrajyām upasaṃpadaṃ bhikṣubhāvam ||

tatra bhagavān subhadraṃ parivrājakam āmantrayate ||

ehi bhikṣo cara brahmacaryam ||

saiva tasyāyuṣmataḥ pravrajyābhūt saivopasaṃpat sa eva bhikṣu­bhāvaḥ ||

evaṃ pravrajitaḥ sa āyuṣmān eko vyapakṛṣṭo ’pramatta ātāpī prahitātmā vyahārṣīt || eko vyapakṛṣṭo ’pramatta ātāpī prahitātmā viharan

yasyārthaṃ kulaputrāḥ keśaśmaśrūṇy avatārya kāṣāyāṇi vastrāṇy ācchādya samyag eva śraddhayāgārād anagārikāṃ pravrajanti tad anuttaraṃ brahmacaryaparyavasānaṃ dṛṣṭa eva dharme svayam abhijñāya sākṣāt­kṛtyopa­saṃ­padya pravedayati ||

kṣīṇā me jātir uṣitaṃ brahmacaryaṃ kṛtaṃ karaṇīyaṃ nāparam asmād bhavaṃ prajānāmi ||

ājñātavān sa āyuṣmān arhan babhūva suvimuktaḥ ||

punar athāyuṣmataḥ subhadrasyaitad abhavat ||

na mama pratirūpaṃ syād yad ahaṃ śāstāraṃ parinirvāyantaṃ paśyeyaṃ yannv ahaṃ prathamataraṃ parinirvāyeyam iti ||

tatrāyuṣmān subhadraḥ prathamataraḥ parinirvṛtaḥ ||

tatra bhagavān bhikṣūn āmantrayate ||

tasmāt tarhi bhikṣavo ’dyāgreṇānyatīrthikā na pravrājayitavyā nopasaṃpādayitavyāḥ sthāpayitvā jñātiśākyaṃ vāgneyaṃ vā jaṭilam ||

jñātiśākya āgacchet tīrthikadhvajena yady ākāṅkṣeta dharmavinaye pravrajyām upasaṃpadaṃ bhikṣubhāvaṃ tam evākāṅkṣamāṇaṃ bhikṣavaḥ pravrājayeyur upasaṃpādayeyuḥ ||

tat kasmād dhetoḥ || dadāmy ahaṃ jñātīnāṃ jñātyabhyanuj­ñānam ||

anyatīrthikaparivrājakā āgaccheyur yady ākāṅkṣeyuḥ svākhyāte dharmavinaye pravrajyām upasaṃpadaṃ bhikṣubhāvaṃ tata enāṃ bhikṣavaś caturo māsān upādh­yāyenākālakaiś cīvaraiḥ parivāsayitavyaṃ manyeyuḥ ||

caturṇāṃ māsānām atyayāt parivāsinaḥ paryupāsya bhikṣu­saṃ­ghasyārādhitacittās tata enān ākāṅkṣamāṇān pravrājayeyur upasaṃpādayeyuḥ ||

pravrājayata bhikṣava āgneyāñ jaṭilān || upasaṃpādayata bhikṣava āgneyāñ jaṭilān || tat kasmād dhetoḥ ||

karmavādino hi bhikṣava āgneyā jaṭilāḥ kriyāvādino hetuvādino vīryavādinaḥ ||

tasmāt tarhi bhikṣava evaṃ śikṣitavyam ||

yat karmavādinaś ca bhaviṣyāmaḥ kriyāvādinaś ca hetuvādinaś ca vīryavādinaś ca || evaṃ vo bhikṣavaḥ śikṣitavyam ||

tasmāt tarhi bhikṣavo ye te dharmā dṛṣṭadharmahitāya saṃvartante dṛṣṭadharmasukhāya sāṃparāyahitāya sāṃparāyasukhāya te bhikṣubhir udgṛhya paryavāpya tathā tathā dhārayitavyā grāhayitavyā vācayitavyā yathedaṃ brahmacaryaṃ cirasthitikaṃ bhaviṣyati bahujanahitāya bahujanasukhāya lokānukaṃ­pāyārthāya hitāya sukhāya devamanuṣyāṇām ||

katame te dharmā dṛṣṭadharmahitāya saṃvartante pūrvavad yāvad devamanuṣyāṇām ||

tadyathā sūtraṃ geyaṃ vyākaraṇaṃ gāthodānanidānāvadānetivṛttakajātakavaipulyādbhutadharmopadeśāḥ || ime te dharmā dṛṣṭadharmahitāya saṃvartante pūrvavad yāvad devamanuṣyāṇām ||

---

syāt khalu yuṣmākaṃ bhikṣavo mamātyayāt || parinirvṛto ’smākaṃ śāstā || nāsty etarhy asmākaṃ śāstā niḥsaraṇaṃ vā ||

na khalv evaṃ draṣṭavyam || yo vo mayānvardhamāsaṃ prātimokṣa uddeśitaḥ sa vo ’dyāgreṇa śāstā sa ca vo niḥsaraṇam ||

yāni bhikṣavaḥ kṣudrānukṣudrāṇi śikṣāpadāni tāni kālena saṃghaḥ samagrībhūtaḥ samuddharatu tat sukhasparśavihārāya saṃvartate ||

tasmāt tarhi cādyāgreṇa navatarakeṇa bhikṣuṇā vṛddhatarako bhikṣur na nāmavādena na gotravādena samudācaritavyo ’nyatra bhadanteti vāyuṣmad vā ||

tena ca vṛddhatarakeṇa bhikṣuṇā navatarako bhikṣur upasthāpayitavya upalāḍayitavyaḥ pātreṇa cīvareṇa śikyena sarakeṇa kāyabandhanena prakaraṇikayā paripṛcchanikayoddeśena yogena manasikāreṇa ||

catvāra ime bhikṣavaḥ pṛthivīpradeśāḥ śrāddhasya kulaputrasya kuladuhitur vā yāvajjīvam anusmaraṇīyā bhavanti ||

katame catvāraḥ || iha bhagavāñ jātaḥ || iha bhagavān anuttarāṃ samyaksaṃbodhim abhisaṃbuddhaḥ || iha bhagavatā triparivartaṃ dvādaśākāraṃ dhārmyaṃ dharmacakraṃ pravartitam || iha bhagavān anupadhiśeṣe nirvāṇadhātau parinirvṛtaḥ ||

āgamiṣyanti bhikṣavo mamātyayāc caityaparicārakāś caityavandakās ta evaṃ vakṣyanti ||

iha bhagavāñ jātaḥ || iha bhagavān anuttarāṃ samyaksaṃbodhim abhisaṃbuddhaḥ || iha bhagavatā triparivartaṃ dvādaśākāraṃ dhārmyaṃ dharmacakraṃ pravartitam || iha bhagavān anupadhiśeṣe nirvāṇadhātau parinirvṛtaḥ ||

atrāntarā ye kecit prasannacittā mamāntike kālaṃ kariṣyanti te sarve svargopagā ye kecit sopadhiśeṣāḥ ||

aparaṃ catvāraḥ pṛthivīpradeśāḥ śrāddhasya kulaputrasya kuladuhitur vā yāvajjīvam abhigamanīyā bhavanti ||

katame catvāraḥ || iha bhagavāñ jātaḥ || iha bhagavān anuttarāṃ samyaksaṃbodhim abhisaṃbuddhaḥ || iha bhagavatā triparivartaṃ dvādaśākāraṃ dhārmyaṃ dharmacakraṃ pravartitam || iha bhagavān anupadhiśeṣe nirvāṇadhātau parinirvṛtaḥ ||

āgamiṣyanti bhikṣavo mamātyayāc caityaparicārakāś caityavandakās ta evaṃ vakṣyanti ||

iha bhagavāñ jātaḥ || iha bhagavān anuttarāṃ samyaksaṃbodhim abhisaṃbuddhaḥ || iha bhagavatā triparivartaṃ dvādaśākāraṃ dhārmyaṃ dharmacakraṃ pravartitam || iha bhagavān anupadhiśeṣe nirvāṇadhātau parinirvṛtaḥ ||

atrāntarā ye kecit prasannacittā mamāntike kālaṃ kariṣyanti sarve te svargopagā ye kecit sopadhiśeṣāḥ ||

---

tatra bhagavān bhikṣūn āmantrayate ||

pṛcchata bhikṣavo mā vidhārayata || yasya syāt kāṅkṣā vā vimatir vā buddhe vā dharme vā saṅghe vā duḥkhe vā samudaye vā nirodhe vā mārge vā sa praśnenāhaṃ vyākaraṇena ||

syāt khalu yuṣmākam evam || kathaṃ vayaṃ śāstāram āsādyāsādya pratimantrayiṣyāmaḥ || na khalv evaṃ draṣṭavyam || bhikṣur bhikṣor ārocayatāṃ sahāyakaḥ sahāyakasya sa praśnenāhaṃ vyākaraṇena ||

athāyuṣmān ānando bhagavantam idam avocat ||

yathā khalv ahaṃ bhadanta bhagavato bhāṣitasyārtham ājānāmi nāsti kaścid asyāṃ pariṣady ekabhikṣur api yasya syāt kāṅkṣā vā vimatir vā pūrvavad yāvan mārge vā ||

sādhu sādhv ānanda prasādena tvam evaṃ vadasi || tathāgatasya tv anuttare jñānadarśanaṃ pravartate ||

yāvantaḥ khalu bhikṣavo ’syāṃ pariṣadi sanniṣaṇṇāḥ sannipatitā nāsti kaścid atra ekabhikṣur api yasya syāt kāṅkṣā vā vimatir vā pūrvavad yāvan mārge vā ||

api tu karaṇīyam etat tathāgatena yathāpi tat paścimāṃ janatām anukaṃpamānaḥ ||

atha bhagavān svakāyād uttarāsaṅgam ekānte vivṛtya bhikṣūn āmantrayate ||

avalokayata bhikṣavas tathāgatasya kāyam || vyavalokayata bhikṣavas tathāgatasya kāyam || tat kasmād dhetoḥ || durlabhadarśanā yasmāt tathāgatā arhantaḥ samyaksaṃbuddhās tadyathoduṃbare puṣpam ||

aṅga bhikṣavas tūṣṇīṃ bhavata vyayadharmāḥ sarvasaṃskārāḥ ||

iyaṃ tatra tathāgatasya paścimā vācā ||

tad uktvā bhagavān prathamaṃ dhyānaṃ samāpannaḥ || prathamād dhyānād vyutthāya dvitīyaṃ dhyānaṃ samāpannaḥ || dvitīyād dhyānād vyutthāya tṛtīyaṃ dhyānaṃ samāpannaḥ || tṛtīyād dhyānād vyutthāya caturthaṃ dhyānaṃ samāpannaḥ || caturthād dhyānād vyutthāyākāśānantyā­yatanaṃ samāpannaḥ || ākāśānantyā­yatanād vyutthāya vijñānānantyāyatanaṃ samāpannaḥ || vijñānānantyāyatanād vyutthāyākiñcanyā­yata­naṃ samāpannaḥ || ākiñcanyā­yata­nād vyutthāya naivasañjñānāsañjñāyatanaṃ samāpannaḥ || naivasañjñānāsañjñā­yatanād vyutthāya sañjñāvedayitanirodhaṃ samāpannaḥ ||

athāyuṣmān ānanda āyuṣmantam aniruddham idam avocat ||

pari­nirvṛta āyuṣmann aniruddha bhagavān ||

naivam āyuṣmann ānanda || sañjñāvedayitanirodhaṃ samāpanno buddho bhagavān ||

saṃ­mukhaṃ ma āyuṣmann aniruddha bhagavato ’ntikāc chrutaṃ saṃmukham udgṛhītam || caturthaṃ dhyānaṃ samāpya cakṣuṣmanta āniñjyaṃ śāntiṃ samāpannā buddhā bhagavantaḥ parinirvānti ||

atha bhagavān sañjñāvedayitanirodhād vyutthāya naivasañjñānāsañjñā­yatanaṃ samāpannaḥ || naivasañjñānasañjñāyatanād vyutthāyākiñcanyāyatanaṃ samāpannaḥ || ākiñcanyāyatanāḍ vyutthāya vijñānānantyāyatanaṃ samāpannaḥ || vijñānānantyā­yatanād vyutthāyākāśānantyā­yatanaṃ samāpannaḥ || ākāśānantyāyatanād vyutthāya caturthaṃ dhyānaṃ samāpannaḥ || caturthād dhyānād vyutthāya tṛtīyaṃ dhyānaṃ samāpannaḥ || tṛtīyād dhyānād vyutthāya dvitīyaṃ dhyānaṃ samāpannaḥ || dvitīyād dhyānād vyutthāya prathamaṃ dhyānaṃ samāpannaḥ || prathamād dhyānād vyutthāya dvitīyaṃ dhyānaṃ samāpannaḥ || dvitīyād dhyānād vyutthāya tṛtīyaṃ dhyānaṃ samāpannaḥ || tṛtīyād dhyānād vyutthāya caturthaṃ dhyānaṃ samāpannaḥ || caturthaṃ dhyānaṃ samāpya cakṣuṣmān āniñjyaṃ śāntiṃ samāpanno buddho bhagavān parinirvṛtaḥ ||

samanantara­pari­nirvṛte buddhe bhagavaty atyarthaṃ tasmin samaye mahāpṛthivīcālo ’bhūd ulkāpātā diśodāhā antarīkṣe devadundubhayo nadanti ||

---

Vorg. 43 ist ein in der Sanskritversion nicht üeberlieferter tibetisch-chinesischer Sondertext Nr. VI, in dem berichtet wird, wie König Ajātaśatru von Magadha mit Hilfe eines Gemäldes vom Tode des Buddha in Kenntnis gesetzt wird. Siehe unten S. 490–494.