dakṣiṇasyāḥ paścimasyāḥ uttarasyān diśaḥ tṛṇolkāṃ upasaṃhareta na labheta agnir avatāraṃ na labheta ālambanam | .. .. .. yāvaṃ manaso ’pi dharmeṣu māra upasaṃkrāmati avatāraprekṣī avarāragaveṣī na labhate māra avatāraṃ pūrvavat |

evaṃ vihārī bhikṣu rūpam abhibhūr bhavati no tu rūpair abhibhūyate | ṣabdāṃ gandhāṃ rasāṃ spraṣṭavyāṃ dharmāṃ abhibhūr bhavati no tu dharmair abhibhūyate | rūpābhibhūḥ śabdābhibhūḥ gandhābhibhūḥ rasābhibhūḥ spraṣṭavyābhibhūḥ dharmābhibhūḥ | abhibhūr anabhibhūr bhavati pāpakair akuśalair dharmaiḥ sāṃkleśikaiḥ paunarbhavikaiḥ sajvarair duḥkhavipākyair āyatyām jātijarāmaraṇīyaiḥ |

saṃmukhaṃ me āyuṣmantaḥ bhagavato ’ntikāc chrutaḥ saṃmukham udgṛhītaḥ yo ’yam avasrutānavasruto dharmaparyāyaḥ avasrutānavasrutaṃ vo dharmaparyāyaṃ deśayiṣye iti . .. .. ..

atha bhagavāṃ āyusmato mahā­maudgalyāyanasya kathāparyavasānaṃ viditvā utthāya niṣīdati paryaṃkam ābhujya ṛjuṃ kāyaṃ praṇidhāya pratimukhaṃ smṛtim upasthāpya nivasya bhagavān āyuṣmantaṃ mahāmaudgalyāyanam āmantrayati | sādhu sādhu maudgalyāyana | sādhu khalu tvaṃ maudgalyāyana bhikṣūṇāṃ avasrutānavasrutaṃ dharmaparyāyaṃ deśayasi | punar api tvam abhīkṣṇam api bhikṣūṇām avasrutānavasrutaṃ dharmaparyāyaṃ deśaya | tad bhaviṣyati dīrgharātraṃ devamanuṣyāṇām arthāya hitāya sukhaya |

tatra bhagavāṃ bhikṣūn āmaṃtrayati | udgṛhīdhvaṃ bhikṣavaḥ avasrutānavasrutaṃ dharmaparyāyaṃ dhārayata grāhayata vācayata avasrutānavasrutaṃ dharmaparyāyam | tat kasmād dhetoḥ | ayaṃ dharmaparyāyaḥ hitopasaṃhitaḥ arthopasaṃhitaḥ śīlopasaṃhitaḥ brahmacaryopsaṃhitaḥ abhijñāyai saṃbodhaye nirvāṇāya saṃvartate yāvac ca satpuruṣeṇa pravrajitena śraddhayā avasrutānavasruto dharmaparyāya udgṛhya paryavāpya tathā tathā dhārayitavyo grāhayitavyo vācayitavyaḥ |

atha bhikṣavo bhagavato bhāṣitam abhinandyānumodya bhagavato ’ntikāt prakrāntāḥ |