pṛccha bhagini śrutvā te vedayiṣyāmi |

saṃti śramaṇa eke śramaṇa brāhmaṇāḥ ye svayaṃkṛtaṃ sukhaduḥkhaṃ prajñapayaṃti | saṃty eke parakṛtaṃ prajñapayaṃti saṃty eke svayaṃkṛtaṃ ca parakṛtaṃ ca | saṃty eke ’svayaṃkāra?aparakārahetusamutpannaṃ sukhaduḥkhaṃ prajñapayaṃti | yathā kathaṃ samutpannam arhantaḥ sukhaduḥkhaṃ prajñapayaṃti |

anyathāsamutpannam arhantaḥ sukhaduḥkhaṃ prajñapa­yaṃti |

yathā kathaṃ śramaṇa an­yathā­samutpannam arhantaḥ sukhaduḥkhaṃ prajñapayaṃti |

pratītyasamutpannaṃ bhagini arhantaḥ sukhaduḥkhaṃ prajñapayaṃti |

yathā kathaṃ śramaṇa pratītyasamutpannaṃ arhantaḥ sukhaduḥkhaṃ prajñpayaṃti |

tena hi bhagini tvām eva prakṣyāmi yathā te kṣamati tathaitaṃ vyākuru |

kiṃ manyase bhagini | asti cakṣuḥ | asti śramaṇa | asti rūpam | asti śramaṇa |

cakṣuś ced bhagini utpadyeta api nu asti cakṣuḥsaṃsparśapratyayam ādhyātmam utpadyate vedayitaṃ sukhaṃ vā duḥkhaṃ vā aduḥkhāsukhaṃ vā | asti śramaṇa |

asti śrotram asti ghāṇam asti jihvā asti kāyaḥ asti manaḥ |

asti śramaṇa | saṃti dharmāḥ |

asti śrotraṃ ghrāṇaṃ jihvā kāyo manaś ced utpadyeta api nu śrotraghrāṇajihvākāyamanaḥ­saṃs­parśapratyayam ādhyātmam utpadyate vedayitaṃ sukhaṃ vā duḥkhaṃ vā aduḥkhāsukhaṃ vā |

asti śramaṇa |

evaṃ hi bhagini pratīyasamutpannam arhantaḥ sukhaduḥkhaṃ prajñapayaṃti |

evaṃ hi śramaṇa pratītyasamutpannam arhantaḥ sukhaṃ prajñapya yathā kathaṃ śramaṇa arhantaḥ sukhaduḥkhasya nirodhaṃ prajñapayaṃti |

tena hi bhagini tvām eva prakṣyāmi yathā te kṣamati tathaitaṃ vyākuru |

kiṃ manyase bhagini | cakṣuś ced bhagini sarveṇa sarvaṃ sarvathā apariśeṣaṃ nirudhyeta apariśeṣan adhyastaṃ parikṣayam paryādānaṃ gacched api nu cakṣuḥsaṃsparśapratyayam ādhyātmam utpadyate vedayitaṃ sukhaṃ vā duḥkhaṃ vā aduḥkhāsukhaṃ vā |

no śramaṇa |

śrotraṃ ghrāṇaṃ jihvā kāyo manaś ced bhagini sarveṇa sarvaṃ sarvathā apariśeṣaṃ nirudhyeta apariśeṣam adhyastaṃ parikṣayaṃ paryādānaṃ gacchet api nu manaḥsaṃsparśapratyayam ādhyātmam utpadyate vedayitaṃ sukhaṃ vā duḥkhaṃ vā aduḥkhāsukhaṃ vā |

no śramaṇa |

evaṃ hi bhagini ārhantaḥ pratītyasamutpannasya sukhaduḥkhasya nirodhaṃ prajñapayaṃti |

asmiṃ khalu dharmaparyāye bhāṣyamāne veṇukātyāyanasagotryā virajo vigatamalaṃ dharmeṣu dharmacakṣur utpannam …

atha veṇukātyāyanasagotrī dṛṣṭadharmā prāptadharmā viditadharmā paryavagāḍhadharmā tīrṇakāṃkṣā tīrṇavicikitsā aparapratyayā ananyaneyā śāstuḥ śāsane dharmeṣu vaiśaradyaprāptā utthāyāsanād ekāṃsam uttarāsaṃgaṃ kṛtvā yenāyuṣmān udāyī tenāṃjaliṃ praṇamya āyuṣmantam udāyinam idam avocat |

abhikrāntāhaṃ śramaṇa abhikrāntā eṣāhaṃ bhagavantaṃ śaraṇaṃ gacchāmi dharmaṃ ca bhikṣusaṃghaṃ ca | upāsikāṃ ca mān dhāraya śramaṇa adyāgreṇa yāvajjīvaṃ prāṇopetaṃ śaraṇaṃgatām abhiprasannām |

atha udāyī veṇukātyāyanasagotrīṃ brāhmaṇīṃ dhārmyā kathayā­saṃ­darśayitvā samādapayitvā samuttejayitvā saṃpraharṣayitvā utthāyāsanāt prakrāntaḥ |