Origin story

bhagavān śrāvastīyam viharati | thera-bhikṣū paryāyeṇa bhikṣuṇīyo ovadanti | te dāni āyuṣmanto ṣaḍ-vargikāḥ ovādaka-vāraṁ na labhanti | te dān āhaṁsuḥ | na ete yuṣmākaṁ ovādaka-vāraṁ dāsyanti | kasya dāni vayam ovādaka-vāraṁ gacchāmaḥ | te dān āhaṁsuḥ | āyuṣmāṁ cchāriputraḥ sa khilo ca mṛduko ca | vistāreṇa yāvad bhagavatā śikṣāpadaṁ prajñaptaṁ | na kṣamati a-sammatena bhikṣuṇā bhikṣuṇīyo ovadituṁ | eṣa niḥsīmaṁ gatvā parasparaṁ sammanyāmaḥ | te dāni niḥ-sīmaṁ gatvā anyamanyaṁ saṁmanyitvā kalyato yeva nivāsayitvā prāvaritvā ca bhikṣuṇī-upāśrayaṁ gatvā āhaṁsuḥ | sannipatatha bhaginīyo ovādo bhaviṣyati | yāyo ṣaḍ-vargiṇīyo tāyo ’cchanti sannipatitāḥ | yāyo yogācārāyo bhikṣuṇīyo tāyo na sannipatanti | āhaṁsuḥ | kim artham vayam eṣām a-vinītānām avavādaṁ gamiṣyāmaḥ | te dāni tāhi saha muhūrtam antaraṁ kāka-vaṁhā bhañjitvā gatāḥ | āyuṣmān dāni śāriputro kālasyaiva nivāsayitvā pātra-cīvaram ādāya āyuṣmatā ānandena paścāc chramaṇena sārdhaṁ vistareṇa | yāvad āha | sannipatatha bhaginīyo ovādo bhaviṣyati | yāyo bhikṣuṇīyo yogācārāḥ tāyo ’cchanti sannipatitāyo | ṣaḍ-vargiṇīyo bhikṣuṇīyo nāgacchanti | thero pṛcchati | samagro hi bhikṣuṇī-saṁgho | āhaṁsuḥ | nahi ko nāgacchati | āhaṁsuḥ ṣaḍ-vargiṇīyo | tāsān dūtaḥ preṣito | āgacchatha bhaginīyo ovādo bhaviṣyati | tā dān āhaṁsuḥ | na vayam āgamiṣyāmaḥ | ovaditā vayam āryamiśrakehi ṣaḍ-vargikehi anya-vihitakena ovādena | athāyuṣmān śāriputro vyagro bhikṣuṇī-saṁgho ti kṛtvā utthāyāsanāto prakrānto | bhagavān jānanto yeva pṛcchati kin dāni gautamī mātā śīghram āgato si | ovaditā bhikṣuṇīyo | āha | ahaṁ bhagavan kālasyaiva nivāsayitvā yāvad bhikṣuṇī-upāśrayaṁ praviṣṭo ovadituṁ mayoktaṁ sannipatatha bhaginīyo ovādo bhaviṣyati | yāyo yogācārāyo bhikṣuṇīyo tāyo ’cchanti sannipatitāyo | yāyo ṣaḍ-vargiṇīyo bhikṣuṇīyo tā na sannipatanti | ahaṁ jalpāmi samagro bhikṣuṇī-saṁgho | āhaṁsuḥ | nahi | ko nāgacchati | āhaṁsuḥ ṣaḍ-vargiṇīyo | tāsān dūtaḥ preṣitaḥ | āgacchatha bhaginiyo ovādo bhaviṣyati | āhaṁsuḥ | na vayam āgamiṣyāmaḥ ovaditā vayam āryamiśrikehi ṣaḍ-vargikehi anya-vidihitakena ovādena | ahaṁ pi bhagavan vyagro bhikṣuṇī-saṁgho ti kṛtvā utthāyāsanāto sannirgato | bhagavān āha | śabdāpayatha ṣaḍ-vargiṇīyo bhikṣuṇīyo | tā dāni śabdāpitāḥ | tad eva sarvaṁ bhagavān vistareṇa pṛcchati | yāvad āma bhagavan | bhagavān āha | duṣkṛtaṁ vo ṣaḍ-vargiṇīyo yāvat paryavadātāni bhavanti |

Ruling

yā puna bhikṣuṇī anvardha māsaṁ bhikṣu-saṁghe ovādopasaṁ-kramaṇaṁ na satkareya pācattikaṁ |

Definitions

• yā puna bhikṣuṇī ti upasampannā |
• anvardha-māsan ti cāturdaśikena vā cāturdaśikaṁ | pāñcadaśikena vā pāñcadaśikaṁ | bhikṣusaṁghe ovadopasaṁkramaṇaṁ na satkareya

pācattikaṁ yāvat prajñaptiḥ |

Permutations

atha dāni jarā-durbalā vā vyādhi-durbalā vā ghṛta-pītikā vā bhavati vaktavyaṁ | ovādasya chandan demi trikkhatto | sā eṣā bhikṣuṇī a-gilānā ovādopasaṁkramaṇaṁ na gacchati gilānā vā chandan na deti pācattikam āsādayati | yadā poṣadho bhavati tadā cchanda-hārikāhi bhikṣu-vihāraṅ gatvā vaktavyaṁ | samagro bhikṣuṇī-saṁgho samagrasya bhikṣu-saṁghasya pādāṁ cchirasā vandati poṣadhañ ca pratīcchati avavādaṁ ca yācati evaṁ trikkhatto yācitavyaṁ | yadi tāvat kocid bhikṣuṇī-ovādako bhavati vaktavyaṁ | eṣa bhaginīyo ovādako āgamiṣyati | atha na kocid bhavati yo taṁhi aṅgopeto bhavati so saṁmanyitavyo | atha na kocid vaktavyaṁ | nāsti bhaginīyo bhikṣuṇī-ovādako apramādena saṁpādetha āpattiñ ca poṣadhaṁ pratijāgratha sa-gauravā ca bhavatha sthavirehi bhikṣūhi madhyehi navakehīti | tena bhagavān āha |

Restatement of rule

yā puna bhikṣuṇī anvardha-māsaṁ viśuddhi-poṣadhaṁ na satkareya pācattikaṁ ||