Preliminary

siddham

niṣkrāntā anupasaṃpannāḥ samagraḥ saṃghaḥ saṃnipatitaḥ kiṃ saṃghasya karaṇīyam anāgatānām āyuṣmantaś chandaṃ pariśuddhiṃ cārocayata ārocite ca pravedayataḥ

nirgatam āyuṣmanto grīṣmād ekarātrono māsaḥ saikarātrās trayo māsā avaśiṣṭāḥ |

ākramate jarāmaraṇaṃ pralujyati śāstuḥ śāsanam vilupyate jīvitendriyaṃ | nirgacchati saddharmaḥ sīdati pratip...ir jāyate śaithilyaṃ | vivṛyante apāyadvārā | pithīyante amṛtadvārā cchidyate dharmasetur bhidyate dharmapotaḥ saṃsīdati dharmaplavo | niśāmyate dharmolkā |

utpāṭyate dharmavṛkṣaḥ prapatati dharmadhvajaḥ ucchrapyate māradhvajaḥ śuṣyate dharmasamudro vikīryate jñānasumerur astaṃgacchaṃti vādiśārdūlā + + karṇādhārāḥ satpathopadeśakāḥ

acirād dhi manuṣyāṇāṃ mṛgasaṃjñā bh. .i + + + ti tasmāt sarvair āyuṣmadbhir udvignaiḥ saṃvegam āpannaiḥ tasyānuttaradaśa­bala­dhara­dharma­rāja­cakra­vartinaḥ paurāṇasucarita­karma­vipākanirjātasya mṛṣāvādapai­śunya­pāruṣyābaddhapralāpavivarjitasya satyānuvartivacana + + + māsāvavādānuśāsanaṃ śrotavyam

apramādenāyuṣmadbhir yogaḥ karaṇīyaḥ apramādādhigatā hi tathāgatānām arhatāṃ samyaksaṃbuddhānāṃ bodhir ye cāpy anye kuśalā dharmā bodhapakṣyāḥ ||

Introductory verses

śāsayatīti hi śāstraṃ proktaṃ samyak ca śāsayaty eṣaḥ
mokṣāya prātimokṣas tasmāc chāstraṃ pravaram etat 1 |

kāryākāryam avācyaṃ vācyaṃ yac caiva bhikṣuṇā yuktam
tad iha nikhilena muninā prakāśitaṃ prātimokṣe ’smiṃ 2 |

duścaritād vārayati trividhāt trividhe śubhe niyojayati |
bṛṃhayati kuśalapakṣaṃ kṣapayati doṣāṃ guṇasapatnāṃ 3 |

mithyājīvam anāryaṃ vināśayati durgatipraṇetāram
svargāpavargamārgaṃ viśodhayati cānupūrveṇa 4 |

yāvat sthāsyaty eṣaḥ prakāśitas tena lokanāthena |
tāvat sthāsyati dharmo loke ’smiṃ śākyasiṃhasya 5 |

tasmād ātmahitārthaṃ sthityarthaṃ śāsanasya caiva ciram |
śṛṇuta muhūrtam avahitā vakṣyāmi prātimokṣam aham 6 | ||

nidānam

śṛṇotu bhadantaḥ saṃghaḥ adya saṃghasya poṣathaḥ pāṃcadaśikaḥ sacet saṃghasya prāptakālaḥ kṣamate ājñā ca saṃghasya yat samagraḥ saṃgho ’dya poṣathaṃ kuryāt prātimokṣasūtram uddiśed eṣā jñaptiḥ poṣathaṃ vayam āyuṣmaṃtaḥ kariṣyāmaḥ prātimokṣasūtram uddekṣyāmas tat sarve saṃtaḥ śṛṇuta sādhu ca suṣṭhu ca manasikuruta yasya vaḥ syāt saty āpattiḥ sāviṣkartavyā asatyām āpattau tūṣṇīṃ bhavitavyaṃ tūṣṇīṃbhāvena vayam āyuṣmantaḥ pariśuddhā iti vedayiṣyāmo yathā ca pratyekapṛṣṭasya bhikṣor vyākaraṇaṃ bhavaty evam evaivaṃrūpāyāṃ bhikṣupariṣadi yāvat trir apy anuśrāvaṇā bhavati | yaḥ punar bhikṣur evaṃrūpāyāṃ bhikṣupariṣadi yāvat trir apy anuśrāvyamāṇe smaraṃ satīm āpattiṃ nāviṣkaroti saṃprajānamṛṣāvādo ’sya bhavati saṃprajānamṛṣāvādas tv āyuṣmanta antarāyiko dharma ity uktaṃ bhagavatā tasmād āpannena bhikṣuṇā viśuddhiprekṣiṇā smaratā satī āpattir āviṣkartavyā | āviṣkṛtvāsya phāṣaṃ bhavati nānāviṣkṛtvā ||

uddiṣṭaṃ mayāyuṣmantaḥ prātimokṣasūtroddeśasya nidānaṃ | tatrāham āyuṣmataḥ pṛcchāmi kaccit sthātra pariśuddhā dvir api trir api pṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam evāhaṃ dhārayāmi ||

4 pārājikā rules

ime punar āyuṣmantaś catvāraḥ pārājikā dharmā anvardhamāsaṃ prātimokṣasūtroddeśam āgacchanti |

pārājika 1

yaḥ punar bhikṣur bhikṣubhiḥ sārdhaṃ śikṣāsāmīcisamāpannaḥ śikṣām apratyākhyāya śikṣādaurbalyaṃ vānāviṣkṛtvā maithunaṃ dharmaṃ pratiṣeveta antatas tīryagyonigatayāpi sārdham ayaṃ bhikṣuḥ pārājiko bhavaty asaṃvāsyaḥ 1

pārājika 2

yaḥ punar bhikṣur adattaṃ steyasaṃkhyātam ādadyād yathārūpeṇādattādānena rājā hy enaṃ gṛhītvā hanyād vā badhnīyād vā pravāsayed vā evaṃ cainaṃ vadec coro ’si bālo ’si mūḍho ’si steyo ’sīty evaṃrūpaṃ bhikṣur adattam ādadānaḥ pārājiko bhavaty asaṃvāsyaḥ 2

pārājika 3

yaḥ punar bhikṣur manuṣyaṃ svahastena saṃcintya jīvitād vyaparopayec chastraṃ vainam ādhārayec chastrādhārakaṃ vāsya paryeṣayed evaṃ vainaṃ vaded dhambhoḥ puruṣa kiṃ tavānena pāpakena durjīvitena mṛtaṃ te jīvitād varam iti cittānumataṃ cittasaṃkalpitam anekaparyāyeṇa maraṇāya samādāpayen maraṇavarṇaṃ vāsyānusaṃvarṇayet sa ca tenopakrameṇa kālaṃ kuryād ayam api bhikṣuḥ pārājiko bhavaty asaṃvāsyaḥ 3

pārājika 4

yaḥ punar bhikṣur anabhijānann aparijānann uttarimanuṣyadharmam alamāryaviśeṣādhigamaṃ jñānaṃ vā darśanaṃ vā pratijānīyāj jānāmīti paśyāmīti so ’pareṇa samayena samanuyujyamāno vā asamanuyujyamāno vā evaṃ vaded ajānamāno ’ham avocaṃ jānāmīty apaśyann avocaṃ paśyāmīti tucchaṃ mṛṣā vilapitam anyatrābhimānād ayam api bhikṣuḥ pārājiko bhavaty asaṃvāsyaḥ 4 ||

uddiṣṭā mayāyuṣmantaś catvāraḥ pārājikā dharmā yeṣāṃ bhikṣur anyatamānyatamaṃ dharmam āpanno na labhate bhikṣubhiḥ sārdhaṃ saṃvāsaṃ vā saṃbhogaṃ vā yathā pūrvaṃ tathā paścāt pārājiko bhavaty asaṃvāsyaḥ tatrāham āyuṣmataḥ pṛcchāmi kaccit sthātra pariśuddhā dvir api trir api pṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam evāhaṃ dhārayāmi ||

2. saṃghāvaśeṣā

ime punar āyuṣmantas trayodaśa saṃghāvaśeṣā dharmā anvardhamāsaṃ prātimokṣasūtroddeśam āgacchanti |

saṃghāvaśeṣa 1

saṃcintya śukravisargo ’nyatra svapnāntarāt saṃghāvaśeṣaḥ 1

saṃghāvaśeṣa 2

yaḥ punar bhikṣur udīrṇavipariṇatena cittena mātṛgrāmeṇa sārdhaṃ kāyasaṃsargaṃ samāpadyeta hastagrahaṇaṃ vā veṇīgrahaṇaṃ vā anyatamānyatamasya vāṅgajātasyāmarśanaṃ parāmarśanaṃ vā saṃghāvaśeṣaḥ 2

saṃghāvaśeṣa 3

yaḥ punar bhikṣur udīrṇavipariṇatena cittena mātṛgrāmaṃ duṣṭhulayā vācā ābhāṣeta pāpikayā asabhyayā maithunopasaṃhitayā yathāpi tad yuvā yuvatīm iti saṃghāvaśeṣaḥ 3

saṃghāvaśeṣa 4

yaḥ punar bhikṣur udīrṇavipariṇatena cittena mātṛgrāmasyāntike ātmanaḥ kāyaparicaryāyā varṇaṃ bhāṣeta eṣāgryā bhagini paricaryāṇāṃ yan mādṛśaṃ bhikṣuṃ śīlavantaṃ kalyāṇadharmāṇaṃ brahmacāriṇam anena dharmeṇa paricared yaduta maithunopasaṃhitena saṃghāvaśeṣaḥ 4

saṃghāvaśeṣa 5

yaḥ punar bhikṣuḥ saṃcāritraṃ samāpadyeta striyā vā puruṣamatena puruṣasya vā strīmatena jāyātvena vā jāritvena vā antatas tatkṣaṇam api saṃghāvaśeṣaḥ 5

saṃghāvaśeṣa 6

svayācitāṃ bhikṣuṇā kuṭiṃ kārayatā asvāmikām ātmoddeśikāṃ prāmāṇikā kuṭiḥ kārayitavyā tatredaṃ kuṭipramāṇaṃ dīrghato dvādaśa vitastayaḥ sugatavitastyā tīryak saptāntaratas tena bhikṣuṇā bhikṣavo ’bhinetavyā vāstu deśayitum abhinītair bhikṣubhir vāstu deśayitavyam anārambhaṃ saparākramaṃ sārambhe ced bhikṣur vāstuny aparākrame svayācitāṃ kuṭiṃ kārayamāṇa asvāmikām ātmoddeśikāṃ bhikṣūn nābhinayed vāstu deśayituṃ pramāṇaṃ vātikramet saṃghāvaśeṣaḥ 6

saṃghāvaśeṣa 7

mahallakaṃ bhikṣuṇā vihāraṃ kārayatā sasvāmikam ātmoddeśikaṃ tena bhikṣuṇā bhikṣavo ’bhinetavyā vāstu deśayitum abhinītair bhikṣubhir vāstu deśayitavyam anāraṃbhaṃ saparākramaṃ sāraṃbhe ced bhikṣur vāstuny aparākrame mahallakaṃ vihāraṃ kārayamāṇaḥ sasvāmikam ātmoddeśikaṃ bhikṣūn nābhinayed vāstudeśanāyai saṃghāvaśeṣaḥ 7

saṃghāvaśeṣa 8

yaḥ punar bhikṣur duṣṭo doṣād apratītaḥ śuddhaṃ bhikṣum anāpannam amūlakena pārājikena dharmeṇānudhvaṃsayed apy evainaṃ brahmacaryāc cyāvayeyam iti tasya sādhu ca suṣṭhu ca samanuyujyamānasya samanugāhyamānasya amūlaṃ caiva tad adhikaraṇaṃ bhaved bhikṣuś cānudhvaṃsayitā doṣe pratitiṣṭhed doṣeṇāvocam iti saṃghāvaśeṣaḥ 8

saṃghāvaśeṣa 9

yaḥ punar bhikṣur duṣṭo doṣād apratītaḥ anyathā­bhāgīyasyādhikaraṇasya kaṃcid eva leśamātraṃ dharmam upādāya apārājikaṃ bhikṣuṃ pārājikena dharmeṇānudhvaṃsayed apy evainaṃ brahmacaryāc cyāvayeyam iti tasya sādhu ca suṣṭhu ca samanuyujyamānasya samanugāhyamānasya anyathābhāgi tad adhikaraṇaṃ bhaved anyathābhāgīnaś cādhikaraṇāt kaścid eva leśamātro dharma upādatto bhaved bhikṣuś cānudhvaṃsayitā doṣe pratitiṣṭhed doṣeṇāvocam iti saṃghavaśeṣaḥ 9

saṃghāvaśeṣa 10

yaḥ punar bhikṣuḥ samagrasya saṃghasya bhedāya parākramed bhedasaṃvartanīyaṃ vādhikaraṇaṃ samādāya vigṛhya tiṣṭhet sa bhikṣur bhikṣubhir evaṃ syād vacanīyo mā tvam āyuṣmaṃ samagrasya saṃghasya bhedāya parākrama mā bhedasaṃvartanīyam adhikaraṇaṃ samādāya vigṛhya sthāḥ sametv āyuṣmaṃ sārdhaṃ saṃghena samagro hi saṃghaḥ sahitaḥ saṃmodamāna avivadamāna ekāgra ekoddeśa ekakṣīrodakībhūtaḥ sukhaṃ phāṣaṃ viharati niḥsṛja tvam āyuṣmaṃ saṃghabhedakaraṃ vastu | evaṃ cet sa bhikṣur bhikṣubhir ucyamānas tad eva vastu samādāya vigṛhya tiṣṭhen na pratiniḥsṛjet sa bhikṣur bhikṣubhir yāvat trir api samanuśāsitavyas tasya vastunaḥ pratiniḥsargāya sa yāvat trir api samanuśiṣyamāṇas tad vastu pratiniḥsṛjed ity evaṃ kuśalaṃ no cet pratiniḥsṛjet saṃghāvaśeṣaḥ 10

saṃghāvaśeṣa 11

tasya ced bhikṣor bhikṣavaḥ syur anuvartino vyagravādina eko vā dvau vā saṃbahulā vā te tāṃ bhikṣūn evaṃ vadeyur mā yūyam āyuṣmaṃta itthaṃnāmānaṃ bhikṣum atra vastuniḥ kiṃcid vadantu tat kasmād dhetor dharmavādī caiṣa bhikṣur vinayavādī ca asmākaṃ caiṣa cchandaṃ ca ruciṃ cādāyānuvyāharati | jānaṃ caiṣa bhikṣur bhāṣate nājānaṃ yac cāsya bhikṣo rocate ca kṣamate ca asmākam api tad rocate ca kṣamate ca | te bhikṣavo bhikṣubhir evaṃ syur vacanīyāḥ naiṣa bhikṣur dharmavādī na vinayavādī adharmaṃ caiṣo ’vinayaṃ cādāya vigṛhyānuvyāharati niḥsṛjaṃtv āyuṣmantaḥ saṃghabhedānuvartitāṃ vyagravāditāṃ samagro hi saṃghaḥ sahitaḥ saṃmodamāna avivadamāna ekāgra ekoddeśa ekakṣīrodakībhūtaḥ sukhaṃ phāṣaṃ viharati evaṃ cet te bhikṣavo bhikṣubhir ucyamānās tad eva vastu samādāya vigṛhya tiṣṭheyur na pratiniḥsṛjeyus te bhikṣavo bhikṣubhir yāvat trir api samanuśāsitavyās tasya vastunaḥ pratiniḥsargāya te yāvat trir api samanuśiṣyamāṇās tad vastu pratiniḥsṛjeyur ity evaṃ kuśalaṃ no cet pratiniḥsṛjeyuḥ saṃghāvaśeṣaḥ 11

saṃghāvaśeṣa 12

bhikṣuḥ punar anyatamaṃ grāmaṃ vā nigamaṃ vopaniḥśritya viharet sa ca syāt kuladūṣakaḥ pāpasamācāraḥ tasya kulāni duṣṭāni dṛśyeran vā śrūyeran vā prajñāyeran vā pāpakāś ca tasya samācārā dṛśyeran vā śrūyeran vā prajñāyeran vā kuladūṣakaś ca syāt pāpasamācāraḥ sa bhikṣur bhikṣubhir evaṃ syād vacanīyaḥ āyuṣmāṃ kuladūṣakaḥ pāpasamācāras tasya te kulāni duṣṭāni dṛśyante ’pi śrūyante ’pi prajñāyante ’pi pāpakāś ca te samācārā dṛśyante ’pi śrūyante ’pi prajñāyante ’pi kuladūṣakaś cāyuṣmāṃ pāpasamācāraḥ prakramatv āyuṣmāṃ asmād āvāsād alaṃ tavehoṣitena evaṃ cet sa bhikṣur bhikṣubhir ucyamānas tān bhikṣūn evaṃ vadec chandagāmina āyuṣmanto bhikṣavo dveṣagāmino bhayagāmino mohagāmino yatra hi nāma tādṛśīm evāpattim āpannān ekatyāṃ bhikṣūṃ pravāsayanty ekatyāṃ bhikṣūn na pravāsayanti sa bhikṣur bhikṣubhir evaṃ syād vacanīyaḥ neme bhikṣavaś chandagāmino na dveṣagāmino na bhayagāmino na mohagāmina api tv āyuṣmān eva kuladūṣakaḥ pāpasamācāraḥ tasya te kulāni duṣṭāni dṛśyante ’pi śrūyante ’pi prajñāyante ’pi pāpakāś ca te samācārā dṛśyante ’pi śrūyante ’pi prajñāyante ’pi kuladūṣakaś cāyuṣmān pāpasamācāraḥ niḥsṛjatv āyuṣmāṃś chandagāmi vacanaṃ dveṣagāmi bhayagāmi mohagāmi vacanaṃ evaṃ cet sa bhikṣur bhikṣubhir ucyamānas tad eva vastu samādāya vigṛhya tiṣṭhen na pratiniḥsṛjet sa bhikṣur bhikṣubhir yāvat trir api samanuśāsitavyas tasya vastunaḥ pratiniḥsargāya sa yāvat trir api samanuśiṣyamāṇas tad vastu pratiniḥsṛjed ity evaṃ kuśalaṃ no cet pratiniḥsṛjet saṃghāvaśeṣaḥ 12

saṃghāvaśeṣa 13

bhikṣuḥ punar ihaikatyo durvacajātīyaḥ syāt sa uddeśaparyāpannaiḥ śikṣāpadair bhikṣubhiḥ saha dharmeṇa saha vinayenocyamāna ātmānam avacanīyaṃ kuryān mā mām āyuṣmantaḥ kiṃcid vadantu kalyāṇaṃ vā pāpakaṃ vā aham apy āyuṣmato na kiṃcid vakṣyāmi kalyāṇaṃ vā pāpakaṃ vā viramantv āyuṣmanto madvacanād alaṃ vo m. + + ktena sa bhikṣur bhikṣubhir evaṃ syād vacanīyo mā tvam āyuṣmann uddeśaparyāpannaiḥ śikṣāpadair bhikṣubhiḥ saha dharmeṇa saha vinayenocyamāna ātmānam avacanīyaṃ kārṣīr vacanīyam evāyuṣmān ātmānaṃ karotu āyuṣmantam api bhikṣavo vakṣyanti saha dharmeṇa saha vinayena āyuṣmān api bhikṣūṃ vadatu saha dharmeṇa saha vinayena evaṃ saṃvṛddhā tasya bhagavataḥ pariṣad yadutānyonyavacanīyād anyonyāvavādād anyonyānuśāsanād anyonyāpattivyutthāpanān niḥsṛjatv āyuṣmān ātmana avacanīyakarmāntatāṃ evaṃ cet sa bhikṣur bhikṣubhir ucyamānas tad eva vastu samādāya vigṛhya tiṣṭhen na pratiniḥsṛjet sa bhikṣur bhikṣubhir yāvat trir api samanuśāsitavyas tasya vastunaḥ pratiniḥsargāya sa yāvat trir api samanuśiṣyamāṇas tad vastu pratiniḥsṛjed ity evaṃ kuśalaṃ no cet pratiniḥsṛjet saṃghāvaśeṣaḥ 13 ||

uddiṣṭā mayāyuṣmantas trayodaśa saṃghāvaśeṣā dharmā nava prathamāpattayaś catvāro yāvattṛtīyakā yeṣāṃ bhikṣur anyatamānyatamaṃ dharmam āpanno yāvatkālaṃ jānaṃ praticchādayati tāvatkālam akāmaṃ parivastavyaṃ bhavati | paryuṣitaparivāsitena bhikṣuṇā uttaraṃ saṃghe ṣaḍrātraṃ mānāpyaṃ cartavyaṃ bhavati cīrṇamānāpyo bhikṣur ābṛhaṇāt pratibaddhaḥ kṛtānudharmo yatra syād viṃśatigaṇo bhikṣusaṃghas tatra sa bhikṣur ābṛhitavya ekenāpy ūno viṃśatigaṇo bhikṣusaṃghas taṃ bhikṣum ābṛhyāt sa ca bhikṣur anābṛhitas te ca bhikṣavo garhyā iyaṃ tatra sāmīciḥ tatrāham āyuṣmataḥ pṛcchāmi kaccit sthātra pariśuddhā dvir api trir api pṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam etad dhārayāmi || ||

2 aniyata rules

imau punar āyuṣmanto dvāv aniyatau dharmāv anvardhamāsaṃ prātimokṣasūtroddeśam āgacchataḥ ||

aniyata 1

yaḥ punar bhikṣur mātṛgrāmeṇa sārdham ekaikena rahasi praticchanne āsane niṣadyāṃ kalpayed alaṃ gamanīyena taṃ ca śrāddheyavacanopāsikā trayāṇāṃ dharmāṇām anyatamānyatamena dharmeṇa vadet pārājikena vā saṃghāvaśeṣeṇa vā pātayantikena vā niṣadyāṃ bhikṣuḥ pratijānamānas trayāṇāṃ dharmāṇām anyatamānyatamena dharmeṇa kārayitavyaḥ pārājikena vā saṃghāvaśeṣeṇa vā pātayantikena vā yena yena dharmeṇa vā śrāddheyavacanopāsikā taṃ bhikṣuṃ vadet tena tena sa bhikṣuḥ kārayitavyaḥ ayaṃ dharmo ’niyataḥ 1

aniyata 2

na ca rahasi praticchanne āsane niṣadyāṃ kalpayen nālaṃ gamanīyena api tu taṃ mātṛgrāmaṃ duṣṭhulayā vācā ābhāṣeta pāpikayā asabhyayā maithunopasaṃhitayā taṃ ca śrāddheyavacanopāsikā dvayor dharmayor anyatamānyatamena dharmeṇa vadet saṃghāvaśeṣeṇa vā pātayantikena vā niṣadyāṃ bhikṣuḥ pratijānamāno dvayor dharmayor anyatamānyatamena dharmeṇa kārayitavyaḥ saṃghāvaśeṣeṇa vā pātayantikena vā yena yena dharmeṇa vā śrāddheyavacanopāsikā taṃ bhikṣuṃ vadet tena tena sa bhikṣuḥ kārayitavyaḥ ayam api dharmo ’niyataḥ 2 |

uddiṣṭau mayāyuṣmanto dvāv aniyatau dharmau tatrāham āyuṣmataḥ pṛcchāmi kaccit sthātra pariśuddhā dvir api trir api pṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam etad dhārayāmi || ||

30 niḥsargikāḥ pātayantikā rules

ime punar āyuṣmantas triṃśan niḥsargikāḥ pātayantikā dharmā anvardhamāsaṃ prātimokṣasūtroddeśam āgacchanti ||

niḥsargikā pātayantikā 1

niṣṭhitacīvareṇa bhikṣuṇā uddhṛte kaṭhine daśāhaparamam atiriktaṃ cīvaraṃ dhārayitavyaṃ tata uttaraṃ dhārayen niḥsargikā pātayantikā 1

niḥsargikā pātayantikā 2

niṣṭhitacīvaro bhikṣur uddhṛte kaṭhine ekarātram api trayāṇāṃ cīvarāṇām anyatamānyatamasmāc cīvarād vipravased anyatra saṃghasaṃmatyā niḥsargikā pātayantikā 2

niḥsargikā pātayantikā 3

niṣṭhitacīvarasya bhikṣor uddhṛte kaṭhine utpadyetākālacīvaram ākāṃ­kṣamāṇena tena bhikṣuṇā pratigṛhītavyaṃ pratigṛhya sacet paripūryeta kṣipram eva kṛtvā dhārayitavyaṃ no cet paripūryeta māsaparamaṃ tena bhikṣuṇā tac cīvaram upanikṣiptav­yaṃ satyāṃ cīvarapratyāśāyām ūnasya vā paripūryārthaṃ tata uttaram upanikṣipen niḥsargikā pātayantikā 3

niḥsargikā pātayantikā 4

yaḥ punar bhikṣur ajñātyā bhikṣuṇyā purāṇacīvaraṃ dhāvayed vā rañjayed vā ākoṭayed vā niḥsargikā pātayantikā 4

niḥsargikā pātayantikā 5

yaḥ punar bhikṣur ajñātyā bhikṣuṇyāḥ santikāc cīvaraṃ pratigṛhṇīyād anyatra parivartakena niḥsargikā pātayantikā 5

niḥsargikā pātayantikā 6

yaḥ punar bhikṣur ajñātiṃ gṛhapatiṃ gṛhapatipatnīṃ vā cīvaraṃ vijñāpayed anyatra samayād abhiniṣpanne cīvare niḥsargikā pātayantikā 6 tatrāyaṃ samaya ācchinnacīvaro bhikṣuḥ syān naṣṭacīvaro vā dagdhacīvaro vā ūḍhacīvaro vā ayaṃ tatra samayaḥ 6

niḥsargikā pātayantikā 7

ācchinnacīvareṇa bhikṣuṇā naṣṭacīvareṇa vā dagdhacīvareṇa vā ūḍhacīvareṇa vā ajñātiṃ gṛhapatiṃ gṛhapatipatnīṃ vā cīvaraṃ vijñā... taṃ ced bhikṣuṃ śrāddho gṛhapatir gṛhapatipatnī vā saṃbahulaiś cīvaraiḥ pravārayed ākāṃkṣamāṇena tena bhikṣuṇā sāntarottaraparamaṃ tataś cīvaraṃ pratigṛhītavyaṃ tata uttaraṃ pratigṛhṇīyān niḥsargikā pātayantikā 7

niḥsargikā pātayantikā 8

bhikṣuṃ punar uddiśya ajñātinā gṛhapatinā gṛhapatipatnyā vā cīvaracetanakāny upaskṛtāni syur ebhir ahaṃ cīvaracetanakair evaṃrūpam evaṃrūpaṃ cīvaraṃ cetayitvā evaṃnāmānaṃ bhikṣum ācchādayiṣyāmīti tatra cet sa bhikṣuḥ pūrvam apravāritaḥ samānaḥ upasaṃkramya ajñātiṃ gṛhapatiṃ gṛhapatipatnīṃ vā kaṃcid eva vikalpam āpadyann evaṃ vaded yāni tāny āyuṣmatā mām uddiśya cīvaracetanakāny upaskṛtāny ebhiś cīvaracetanakair evaṃrūpam evaṃ­rūpaṃ cīvaraṃ cetayitvā evaṃnā­mānaṃ bhikṣum ācchādayiṣyāmīti sādhv āyuṣmaṃs taiś cīvaracetanakair evaṃrūpam evaṃrūpaṃ cīvaraṃ cetayitvā cīvareṇa mām ācchādayeti kalyāṇakāmatām upādāya abhiniṣpanne cīvare niḥsargikā pātayantikā 8

niḥsargikā pātayantikā 9

bhikṣuṃ punar uddiśya dvābhyām ajñātibhyāṃ gṛhapatibhyāṃ gṛhapati patnībhyāṃ vā pratyekacīvaracetanakāny upaskṛtāni syur ebhir āvāṃ cīvaracetanakair evaṃrūpaṃ evaṃrūpaṃ pratyekacīvaraṃ cetayitvā evaṃnāmānaṃ bhikṣum ācchādayiṣyāvaḥ pratyekacīvarābhyām iti | tatra cet sa bhikṣuḥ pūrvam apravāritaḥ samāna upasaṃkramya tau dvāv ajñātī gṛhapatī gṛhapatipatnyau vā kaṃcid eva vikalpam āpadyann evaṃ vaded yāni tāny āyuṣmadbhyāṃ mām uddiśya cīvaracetanakāny upaskṛtāny ebhir āvāṃ cīvaracetanakair evaṃrūpam evaṃrūpaṃ pratyekacīvaraṃ cetayitvā evaṃnāmānaṃ bhikṣum ācchādayiṣyāvaḥ sādhv āyuṣmantau taiś cīvaracetanakair evaṃrūpam evaṃrūpaṃ pratyekacīvaraṃ cetayitvācchāda­yataṃ māṃ cīvareṇa ubhau bhūtvaikeneti kalyāṇakāmatām upādāyābhiniṣpanne cīvare niḥsargikā pātayantikā 9

niḥsargikā pātayantikā 10

bhikṣuṃ punar uddiśya rājñā vā rājamahāmātreṇa vā brāhmaṇena vā gṛhapatinā vā dūtasya haste cīvaracetanakāni preṣitāni syuḥ sa dūtas taṃ bhikṣum upasaṃkramyaivaṃ vaded imāni te āyuṣmaṃ rājñā vā rājamahāmātreṇa vā brāhmaṇena vā gṛhapatinā vā cīvaracetanakāni preṣitāni pratigṛhṇātv āyuṣmāṃ cīvaracetanakāny anukampām upādāya | sa bhikṣus taṃ dūtam evaṃ vaden nāyuṣman dūta kalpante bhikṣūṇāṃ cīvaracetanakāni pratigṛhītuṃ cīvaraṃ tu vayaṃ labdhvā kālena kalpikaṃ svahastaṃ pratigṛhya kṣipram eva kṛtvā dhārayāmaḥ sa dūtas taṃ bhikṣum evaṃ vaded asty āyuṣmatāṃ kaścid vaiyyāpatyakaro yo bhikṣūṇāṃ vaiyyāpatyaṃ karoti | cīvarārthikena bhikṣuṇā vaiyyāpatyakaro vyapadeṣṭavya ārāmiko vā upāsako vā eṣa bhikṣūṇāṃ vaiyyāpatyaṃ karoti | sa dūtas taṃ vaiyyāpatyakaram upasaṃkramyaivaṃ vaded imāny āyuṣmaṃ vaiyyāpatyakara cīvaracetanakāni rājñā vā rājamahāmātreṇa vā brāhmaṇena vā gṛhapatinā vā evaṃnāmānaṃ bhikṣum uddiśya preṣitāni sādhv āyuṣmaṃ vaiyyāpatyakara tvam ebhiś cīvaracetanakair evaṃrūpam evaṃrūpaṃ cīvaraṃ cetayitvā | sa bhikṣus tvām upasaṃkramiṣyati kālena taṃ tvam ācchādaya cīvareṇa kalpikeneti | evaṃ sa dūtas taṃ vaiyyāpatyakaraṃ sādhu ca suṣṭhu ca samanuśiṣya taṃ bhikṣum upasaṃkramyaivaṃ vaded yo sāv āyuṣmatā vaiyyāpatyakaro vyapadiṣṭaḥ samanuśiṣṭaḥ sa mayā | taṃ tvam upasaṃkrama kālena ācchādayiṣyati tvāṃ cīvareṇa kalpikeneti | cīvarārthikena bhikṣuṇā vaiyyāpatyakaram upasaṃkramya dvis triś codayitavyaḥ smārayitavyaḥ artho me vaiyyāpatyakara cīvareṇa dvis triś codayataḥ smārayataḥ saced abhiniṣpadyeta cīvaram ity evaṃ kuśalaṃ no ced abhiniṣpadyeta catuṣpañcaṣaṭkṛtvāparamaṃ tūṣṇīm uddeśe sthātavyaṃ tūṣṇīm uddeśe sthitasya saced abhiniṣpadyeta cīvaram ity evaṃ kuśalaṃ no ced abhiniṣpadyeta tata uttaraṃ vyāyameta cīvarasyābhiniṣpattaye abhiniṣpanne cīvare niḥsargikā pātayantikā | no ced abhiniṣpadyeta tena bhikṣuṇā yatas tāni cīvaracetanakāny ānītāni tatra svayaṃ vā gantavyaṃ dūto vā preṣitavyo yāni tāny āyuṣmatā mām uddiśya cīvaracetanakāni preṣitāni na tāny asmākaṃ kaṃcid arthaṃ prakurvanti prajānātv āyuṣmāṃ svam arthaṃ mā te praṇaśyed iyaṃ tatra sāmīciḥ 10 ||

niḥsargikā pātayantikā 11

yaḥ punar bhikṣur navaṃ kauśeyaṃ saṃstaraṃ kārayen niḥsargikā pātayantikā 11

niḥsargikā pātayantikā 12

yaḥ punar bhikṣuḥ śuddhakāḍānām eḍakalomnāṃ navaṃ saṃstaraṃ kārayen niḥsargikā pātayantikā 12

niḥsargikā pātayantikā 13

navaṃ punar bhikṣuṇā saṃstaraṃ kārayatā dvau bhāgau śuddhakāḍānām eḍakalomnām ādātavyau tṛtīyo ’vadātānāṃ caturtho gocarikānām anādāya ced bhikṣur dvau bhāgau śuddhakāḍānām eḍakalomnām tṛtīyam avadātānāṃ caturthaṃ gocarikānāṃ navaṃ saṃstaraṃ kārayet kalyāṇakāmatām upādāya niḥsargikā pātayantikā 13

niḥsargikā pātayantikā 14

navaṃ punar bhikṣuṇā saṃstaraṃ kārayitvā akāmaṃ ṣaḍ varṣāṇi dhārayitavyaṃ arvāk ced bhikṣuḥ ṣaḍbhyo varṣebhyaḥ purāṇasaṃstaraṃ niḥsṛjya vā aniḥsṛjya vā anyaṃ navaṃ saṃstaraṃ kārayed anyatra saṃghasaṃmatyā kalyāṇakāmatām upādāya niḥsargikā pātayantikā 14

niḥsargikā pātayantikā 15

navaṃ bhikṣuṇā niṣīdanasaṃstaraṃ kārayatā purāṇaniṣīdana­saṃs­tarasāmantakāt sugatavitastir ādātavyā navasya durvarṇīkaraṇāya anādāya ced bhikṣuḥ purāṇaniṣīdana­saṃs­tarasāmantakāt sugatavitastiṃ navasya durvarṇīkaraṇāya navaṃ niṣīdanasaṃstaraṃ kārayet kalyāṇakāmatām upādāya niḥsargikā pātayantikā 15

niḥsargikā pātayantikā 16

bhikṣoś ced adhvānamārgapratipannasyotpadyerann eḍakalomāni ākāṅkṣatā tena bhikṣuṇā pratigṛhītavyāni pratigṛhya yāvat triyojanaparamaṃ svayaṃ hartavyāny asati hartari tata uttaraṃ haren niḥsargikā pātayantikā 16

niḥsargikā pātayantikā 17

yaḥ punar bhikṣur ajñātyā bhikṣuṇyā eḍakalomāni dhāvayed vā rañjayed vā vijaṭayed vā niḥsargikā pātayantikā 17

niḥsargikā pātayantikā 18

yaḥ punar bhikṣuḥ svahastaṃ rūpyam udgṛhṇīyād vā udgrāhayed vā niḥsargikā pātayantikā 18

niḥsargikā pātayantikā 19

yaḥ punar bhikṣur nānāprakāraṃ rūpyavyavahāraṃ samāpadyeta niḥsargikā pātayantikā 19

niḥsargikā pātayantikā 20

yaḥ punar bhikṣur nānāprakāraṃ krayavikrayaṃ samāpadyeta niḥsargikā pātayantikā 20 ||

niḥsargikā pātayantikā 21

daśāhaparamaṃ bhikṣuṇā atiriktaṃ pātraṃ dhārayitavyaṃ tata uttaraṃ dhārayen niḥsargikā pātayantikā 21

niḥsargikā pātayantikā 22

yaḥ punar bhikṣuḥ sati pāribhogīye pātre ūnapañcabandhane anyaṃ navaṃ pātraṃ vijñāpayet kalyāṇakāmatām upādāya niḥsargikā pātayantikā | tena bhikṣuṇā tat pātraṃ bhikṣupariṣadi niḥsṛṣṭavyaṃ yas tasyāṃ bhikṣupariṣadi pātraparyantaḥ sa tasyānupradātavyaḥ idaṃ te bhikṣo pātraṃ na visarjayitavyaṃ na vikalpayitavyaṃ yāvad bhedād dhārayitavyaṃ iyaṃ tatra sāmīciḥ 22

niḥsargikā pātayantikā 23

yaḥ punar bhikṣuḥ svayācitaṃ sūtraṃ vijñapya ajñātinā tantravāyena cīvaraṃ vāyayen niḥsargikā pātayantikā 23

niḥsargikā pātayantikā 24

bhikṣuṃ ced uddiśya ajñātir gṛhapatir gṛhapatipatnī vā tantravāyena cīvaraṃ vāyayet tatra cet sa bhikṣuḥ pūrvam apravāritaḥ samāna upasaṃkramya taṃ tantravāyaṃ kaṃcid eva vikalpam āpadyann evaṃ vaded yad āyuṣmaṃ tantravāya jānāsi idaṃ cīvaraṃ mām uddiśya ūyate sādhv āyuṣmān etac cīvaraṃ sūtaṃ ca karotu sulikhitaṃ ca suvistṛtaṃ ca sutakṣitaṃ ca apy eva vayam āyuṣmataḥ kiṃ­cid eva mātram upasaṃhariṣyāmaḥ piṇḍapātaṃ vā piṇḍapātamātraṃ vā piṇḍapātasaṃvaraṃ vā evaṃ cet sa bhikṣus taṃ tantravāyaṃ saṃjñapya vā saṃjñāpya vā tataḥ paścāt kiṃ­cid eva mātram upasaṃhared piṇḍapātaṃ vā piṇḍapātamātraṃ vā piṇḍapātasaṃvaraṃ vā cīvarasyābhiniṣpattaye abhiniṣpanne cīvare niḥsargikā pātayantikā 24

niḥsargikā pātayantikā 25

yaḥ punar bhikṣur bhikṣoḥ pātraṃ vā cīvaraṃ vā dattvā tataḥ paścād abhiṣaktaḥ kupitaś caṇḍīkṛto ’nāptamanā ācchindyād ācchedayed vā ānaya bhikṣo cīvaraṃ na te bhūyo dadāmīti tena bhikṣuṇā sa vastuśeṣo niḥsṛṣṭavyo bhavati cāsya niḥsargikā pātayantikā 25

niḥsargikā pātayantikā 26

māsaśeṣe grīṣme bhikṣuṇā varṣāśāṭīcīvaraṃ paryeṣitavyaṃ yāvad ardhamāsakṛtāsu varṣāsu dhārayitavyaṃ | arvāk ced bhikṣur māsaśeṣād grīṣmād varṣāśāṭīcīvaraṃ paryeṣeta ūrdhvaṃ cārdhamāsakṛtāsu varṣāsu dhārayen niḥsargikā pātayantikā 26

niḥsargikā pātayantikā 27

daśāhānāgatāyāṃ pravāraṇāyāṃ bhikṣor utpadyetākālacīvaram ākāṃkṣatā tena bhikṣuṇā pratigṛhītavyaṃ pratigṛhya yāvac cīvarakālasamayān nikṣiptavyaṃ tata uttaram upanikṣipen niḥsargikā pātayantikā 27

niḥsargikā pātayantikā 28

trayomāsānāgate kārttike pūrṇamāse ūnavarṣāraṇyako bhikṣur āraṇyakeṣu śayyāsaneṣūpagataḥ syāt sāśaṅkasaṃmateṣu sabhayasaṃmateṣu sapratibhayabhairava­saṃ­mateṣu ākāṃkṣatāraṇyakena bhikṣuṇā trayāṇāṃ cīvarāṇām anyatamānyatamaṃ cīvaram antargṛhe upanikṣiptavyaṃ syād āraṇyakasya bhikṣos tathārūpapratyayo bahiḥsīmaṃ gantuṃ ṣaḍrātraparamam āraṇyakena bhikṣuṇā tataś cīvarād vipravastavyaṃ tata uttaraṃ vipravasen niḥsargikā pātayantikā 28

niḥsargikā pātayantikā 29

yaḥ punar bhikṣur jānaṃ sāṃghikaṃ lābhaṃ pariṇatam ātmanaḥ pariṇāmayen niḥsargikā pātayantikā 29

niḥsargikā pātayantikā 30

yāni tāni bhagavatā glānānāṃ bhikṣūṇāṃ sāṃpreyāṇi pratiṣevanīyāni bhaiṣajyāny anujñātāni tadyathā sarpis tailaṃ madhu phāṇitaṃ saptāhaparamaṃ tāni glānena bhikṣuṇā saṃnidhikāraparibhogena paribhoktavyāni tata uttaraṃ paribhuñjīta niḥsargikā pātayantikā 30 ||

uddiṣṭā mayāyuṣmantas triṃśan niḥsargikāḥ pātayantikā dharmās tatrāham āyuṣmataḥ pṛcchāmi kaccit sthātra pariśuddhā dvir api trir api pṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam etad dhārayāmi || ||

90 pātayantikā rules

ime punar āyuṣmanto navati pātayantikā dharmā anvardhamāsaṃ prātimokṣasūtroddeśam āgacchanti |

pātayantikā 1

saṃprajānamṛṣāvādāt pātayantikā 1

pātayantikā 2

apakarṣavādāt pātayantikā 2

pātayantikā 3

bhikṣupaiśunyāt pātayantikā 3

pātayantikā 4

yaḥ punar bhikṣur jānaṃ saṃghena yathādharmaṃ nikṣiptam adhikaraṇaṃ punaḥ karmaṇy utkoṭayet pātayantikā 4

pātayantikā 5

yaḥ punar bhikṣur mātṛgrāmasyottaraṃ­ṣaṭpañcikayā vācā dharmaṃ deśayed anyatra vijñapuruṣāt pātayantikā 5

pātayantikā 6

yaḥ punar bhikṣur anupasaṃpannena pudgalena sārdhaṃ padaśo dharmaṃ vācayet pātayantikā 6

pātayantikā 7

yaḥ punar bhikṣur anupasaṃpannasya pudgalasyottaraṃ­manuṣya­dharmam ārocayed bhūtaṃ pātayantikā 7

pātayantikā 8

yaḥ punar bhikṣur bhikṣor jānaṃ duṣṭhūlām āpattim anupasaṃpannasya pudgalasyāntike ārocayed anyatra saṃghasaṃmatyā pātayantikā 8

pātayantikā 9

yaḥ punar bhikṣuḥ pūrvaṃ samanujñako bhūtvā tataḥ paścād evaṃ vaded yathā saṃstutānām ime bhikṣavaḥ sāṃghikaṃ lābhaṃ pariṇāmayantīti pātayantikā 9

pātayantikā 10

yaḥ punar bhikṣuḥ prātimokṣasūtroddiśyamāne evaṃ vadet kiṃ punar ebhiḥ kṣudrānukṣudraiḥ śikṣāpadair uddiṣṭair yāni bhikṣūṇāṃ kaukṛtyāya vilekhāya viheṭhāya saṃvartantīti śikṣāvidaṇḍanāt pātayantikā 10 ||

pātayantikā 11

bījagrāma­bhūtag­rāmapātanāt pātayantikā 11

pātayantikā 12

avadhyānakṣipaṇāt pātayantikā 12

pātayantikā 13

anyavādaviheṭhanāt pātayantikā 13

pātayantikā 14

yaḥ punar bhikṣuḥ sāṃghikaṃ śayyāsanaṃ pīṭhaṃ vā mañcaṃ vā brisiṃ vā kurcaṃ vā abhyavakāśe prajñapya tataḥ prakramen noddharen noddhārayed vā pātayantikā 14

pātayantikā 15

yaḥ punar bhikṣuḥ sāṃghike vihāre śayyāṃ saṃstīrya vā saṃstārayed vā tataḥ prakramen noddharen noddhārayed vā pātayantikā 15

pātayantikā 16

yaḥ punar bhikṣur abhiṣaktaḥ kupitaś caṇḍīkṛto ’nāptamanāḥ sāṃghikād vihārād bhikṣuṃ niṣkarṣen niṣkarṣayed vā cara pareṇa mohapuruṣa naśya tvaṃ na tvayeha vastavyam idam eva pratyayaṃ kṛtvā nānyathāt pātayantikā 16

pātayantikā 17

yaḥ punar bhikṣuḥ sāṃghike vihāre jānaṃ pūrvopagatāṃ bhikṣūṃ paścād āgatyānupraskadya śayyāṃ kalpayed yasya saṃbādhaṃ bhaviṣyati sa prakramiṣyatīti idam eva pratyayaṃ kṛtvā nānyathāt pātayantikā 17

pātayantikā 18

yaḥ punar bhikṣuḥ sāṃghike vihāre uparivihāyasikuṭikāyām ahāryapādake pīṭhe vā mañce vā balena niṣīded vā nipadyed vā pātayantikā

pātayantikā 19

yaḥ punar bhikṣuḥ saprāṇakenodakena tṛṇaṃ vā mṛttikaṃ vā siṃcet secayed vā pātayantikā

pātayantikā 20

mahallakaṃ bhikṣuṇā vihāraṃ kārayatā yāvad dvārakośārgaḍasthāpana ālokasaṃdhibhūmi­parikarm|||...|||nā dvau trayo vācchādanapathāḥ saṃcaro|||...|||vyādhiṣṭhātavyā tata uttaram adhitiṣṭhet pātayantikā ||

pātayantikā 21

yaḥ punar bhikṣur asaṃmataḥ saṃghena bhikṣuṇīr avavadet pātayantikā 21

pātayantikā 22

saṃmato ’trāpi bhikṣur yāvat sūryāstaṃ­gamanakālasamayād bhikṣuṇīr avavadet pātayantikā 22

pātayantikā 23

yaḥ punar bhikṣur evaṃ vaded āmiṣahetor bhikṣavo bhikṣuṇīr avavadantīti pātayantikā 23

pātayantikā 24

yaḥ punar bhikṣur bhikṣuṇyā sārdhaṃ saṃvidhāya samānamārgaṃ pratipadyetāntato grāmāntaram api anyatra samayāt pātayantikā tatrāyaṃ samayaḥ sārthagamanīyo mārgo bhavati sāśaṅkasaṃmataḥ sabhayasaṃmataḥ sapratibhayabhairava­saṃ­mato ’yaṃ tatra samayaḥ 24

pātayantikā 25

yaḥ punar bhikṣur bhikṣuṇyā sārdhaṃ saṃvidhāyaikanāvam abhiruhed ūrdhvagāminīṃ vādhogāminīṃ vānyatra tīryakpārasaṃtaraṇāt pātayantikā 25

pātayantikā 26

yaḥ punar bhikṣur ajñātyā bhikṣuṇyāś cīvaraṃ kuryāt pātayantikā 26

pātayantikā 27

yaḥ punar bhikṣur ajñātyā bhikṣuṇyāś cīvaraṃ dadyāt pātayantikā 27

pātayantikā 28

yaḥ punar bhikṣur bhikṣuṇyā sārdham ekākī rahasi praticchanne niṣadyāṃ kalpayet pātayantikā 28

pātayantikā 29

yaḥ punar bhikṣur ekākī mātṛgrāmeṇa sārdham abhyavakāśe niṣadyāṃ kalpayet pātayantikā 29

pātayantikā 30

yaḥ punar bhikṣur bhikṣuṇīparipācitaṃ piṇḍapātaṃ paribhuṃjītānyatra prāggṛhisa­māram­bhāt pātayantikā 30 ||

pātayantikā 31

paraṃparabhojanam anyatra samayāt pātayantikā tatrāyaṃ samayo glānasamayaś cīvaradānakālasamayo ’yaṃ tatra samayaḥ 31

pātayantikā 32

ekāvasathoṣitena bhikṣuṇā aglānenaikaḥ piṇḍapātaḥ paribhoktavyas tata uttaraṃ paribhuṃjīta pātayantikā 32

pātayantikā 33

bhikṣavaḥ punaḥ saṃbahulāḥ kulāny upasaṃkrameyus tāṃś cec chrāddhā brāhmaṇagṛhapatayo yāvadarthaṃ pravārayeyuḥ pūpair vā manthair vā ākāṃkṣamāṇais tair bhikṣubhir dvau trayo vā pātrapūrāḥ pratigṛhītavyās tata uttaraṃ pratigṛhṇīyuḥ pātayantikā | dvau trīṃ vā pātrapūrāṃ pratigṛhya bahir ārāmaṃ niṣkramya santo bhikṣavaḥ saṃvedayitavyā iyaṃ tatra sāmīciḥ 33

pātayantikā 34

yaḥ punar bhikṣur bhuktavāṃ pravāritaḥ akṛtātiriktaṃ khādanīyabhojanīyaṃ khāded vā bhuṃjīta vā pātayantikā 34

pātayantikā 35

yaḥ punar bhikṣur jānaṃ bhikṣuṃ bhuktavantaṃ pravāritam akṛtātiriktena khādanīyabhojanīyena yāvadarthaṃ pravārayed idam āyuṣmaṃ khādeti bhuṃkṣvety āsādanaprekṣī kaccid eṣa bhikṣur muhūrtam apy āsāditaḥ syād idam eva pratyayaṃ kṛtvā nānyathā pātayantikā 35

pātayantikā 36

gaṇabhojanam anyatra samayāt pātayantikā tatrāyaṃ samayo glānasamayaś cīvaradānakālasamayaḥ adhvānamārgasamayaḥ nāvādhirohaṇaṃ mahā­samājaś­rama­ṇabhaktasamayo ’yaṃ tatra samayaḥ 36

pātayantikā 37

yaḥ punar bhikṣur akāle khādanīyabhojanīyaṃ khāded vā bhuṃjīta vā pātayantikā 37

pātayantikā 38

yaḥ punar bhikṣuḥ saṃnihitaṃ khādanīyabhojanīyaṃ khāded vā bhuṃjīta vā pātayantikā 38

pātayantikā 39

yaḥ punar bhikṣur aparigṛhītam āhāraṃ mukhadvāreṇāhared anyatrodakadantakāṣṭhābhyāṃ pātayantikā 39

pātayantikā 40

yāni punas tāni kuleṣu praṇītabhojanāny anujñātāni tadyathā kṣīraṃ dadhi navanītaṃ sarpis tailaṃ matsyo māṃsavallūrā yaḥ punar bhikṣur evaṃrūpāṇi praṇītabhojanāny ātmārtham aglāno vijñapayet pātayantikā 40 ||

pātayantikā 41

yaḥ punar bhikṣur jānaṃ saprāṇakam udakaṃ paribhuṃjīta pātayantikā 41

pātayantikā 42

yaḥ punar bhikṣuḥ sabhojane kule anupraskadya āsane niṣadyāṃ kalpayet pātayantikā 42

pātayantikā 43

yaḥ punar bhikṣuḥ sabhojane kule ekākī ekayā rahasi praticchanne niṣadyāṃ kalpayet pātayantikā 43

pātayantikā 44

yaḥ punar bhikṣur acelakasya parivrājakasya vā parivrājikāyā vā svahastaṃ khādanīyabhojanīyaṃ dadyāt pātayantikā 44

pātayantikā 45

yaḥ punar bhikṣur udyuktāṃ senāṃ darśanāyopasaṃkramed anyatras tathārūpapratyayāt pātayantikā 45

pātayantikā 46

syād bhikṣos tathārūpapratyayo yenodyuktāṃ senāṃ gacched dvirātraparamaṃ tena bhikṣuṇā tatra senāyāṃ vastavyaṃ tata uttaraṃ vaset pātayantikā 46

pātayantikā 47

dvirātraparamaṃ ced bhikṣuḥ senāyāṃ vasaty udyūthikāṃ senāṃ darśanāyopasaṃkramed dhvajāgraṃ vā balāgraṃ vā senāvyūhaṃ vā anīkadarśanaṃ vā pātayantikā 47

pātayantikā 48

yaḥ punar bhikṣur abhiṣaktaḥ kupitaś caṇḍībhūto ’nāptamanā bhikṣoḥ prahāraṃ dadyāt pātayantikā 48

pātayantikā 49

yaḥ punar bhikṣur abhiṣaktaḥ kupitaś caṇḍībhūto ’nāptamanā bhikṣos talaśaktikayā prahāram avaguret pātayantikā 49

pātayantikā 50

yaḥ punar bhikṣur bhikṣor jānaṃ duṣṭhūlāpattiṃ praticchādayed antata ekarātram api pātayantikā 50

pātayantikā 51

yaḥ punar bhikṣur bhikṣum evaṃ vaded ehy āyuṣmaṃ kulāny upasaṃkramiṣyāvas tatra te dāpayiṣyāmi praṇītaṃ khādanīyabhojanīyaṃ sa tasya bhikṣor adāpayitvā tataḥ paścād evaṃ vaded gaccha tvam āyuṣman na me tvayā sārdhaṃ phāṣaṃ kathā vā niṣadyā vā ekākino me phāṣaṃ kathā vā niṣadyā vā udyojanaprekṣī kaccid eṣa bhikṣur muhūrtam apy udyojitaḥ syād etad eva pratyayaṃ kṛtvā nānyathā pātayantikā 51

pātayantikā 52

yaḥ punar bhikṣur aglāno vitapanaprekṣī abhyavakāśe jyotiḥ samindhyāt samedhayed vānyatra pratyayāt pātayantikā 52

pātayantikā 53

yaḥ punar bhikṣur anupasaṃpannena pudgalena sārdham uttaraṃdvirātraṃ sahāgāraśayyāṃ kalpayet pātayantikā 53

pātayantikā 54

yaḥ punar bhikṣur dhārmike saṃghakaraṇīye cchandaṃ dattvā tataḥ paścāt kṣepadharmam āpadyeta pātayantikā 54

pātayantikā 55

yaḥ punar bhikṣur evaṃ vadet tathāhaṃ bhagavato dharmaṃ deśitam ājānāmi ye antarāyikā dharmās tāṃ pratiṣevato nālam antarāyāyeti sa bhikṣur bhikṣubhir evaṃ syād vacanīyo mā tvam āyuṣmann evaṃ vada tathāhaṃ bhagavato dharmaṃ deśitam ājānāmi ye antarāyikā dharmās tāṃ pratiṣevato nālam antarāyāyeti mā bhagavantaṃ vivada mā bhagavantam abhyākhyāhi na sādhu bhagavato ’bhyākhyānaṃ bhavati na ca punar bhagavān evaṃ vaded anekaparyāyeṇa bhagavatā antarāyikā dharmāḥ samānā antarāyikā dharmā ity uktās tāṃś ca pratiṣevato ’lam antarāyāyeti niḥsṛja tvam āyuṣmann idam evaṃrūpaṃ pāpakaṃ dṛṣṭigatam evaṃ cet sa bhikṣur bhikṣubhir ucyamānas tad vastu pratiniḥsṛjed ity evaṃ kuśalaṃ na cet pratiniḥsṛjed dvir api trir api samanuśāsitavyas tasya vastunaḥ pratiniḥsargāya dvir api trir api samanuśiṣyamāṇas tad vastu pratiniḥsṛjed ity evaṃ kuśalaṃ no cet pratiniḥsṛjet pātayantikā 55

pātayantikā 56

yaḥ punar bhikṣur jānaṃs tathāvādinaṃ pudgalam akṛtānudharmāṇam apratiniḥsṛṣṭena pāpakena dṛṣṭigatena saṃbhuṃjīta vā saṃvased vā tena vā sārdhaṃ sahāgāraśayyāṃ kalpayet pātayantikā 56

pātayantikā 57

śramaṇoddeśaś ced evaṃ vadet tathāhaṃ bhagavato dharmaṃ deśitam ājānāmi yat kāmāṃ pratiṣevato nālam antarāyāyeti | sa śramaṇoddeśo bhikṣubhir evaṃ syād vacanīyo mā tvam āyuṣmaṃ śramaṇoddeśa evaṃ vada tathāhaṃ bhagavato dharmaṃ deśitam ājānāmi yat kāmāṃ pratiṣevato nālam antarāyāyeti mā bhagavantaṃ vivada mā bhagavantam abhyākhyāhi na sādhu bhagavato ’bhyākhyānaṃ bhavati na ca punar bhagavān evaṃ vaded anekaparyāyeṇa bhagavatā antarāyikāḥ kāmāḥ samānā antarāyikā ity uktās tāṃś ca pratiṣevato ’lam antarāyāyeti niḥsṛja tvaṃ śramaṇoddeśa idam evaṃrūpaṃ pāpakaṃ dṛṣṭigatam evaṃ cet sa śramaṇoddeśo bhikṣubhir ucyamānas tat pāpakaṃ dṛṣṭigataṃ pratiniḥsṛjed ity evaṃ kuśalaṃ no cet pratiniḥsṛjed dvir api trir api samanuśāsitavyas tasya vastunaḥ pratiniḥsargāya sa yāvad dvir api trir api samanuśiṣyamāṇaḥ sacet pratiniḥsṛjed ity evaṃ kuśalaṃ no cet pratiniḥsṛjet sa śramaṇoddeśo bhikṣubhir evaṃ syād vacanīyaḥ

adyāgreṇa te śramaṇoddeśa na sa bhagavāṃ śāstā vyapadeṣṭavyo nāpy anye bhikṣavaḥ samanubandhitavyā yām apy anye śramaṇoddeśā labhante bhikṣubhiḥ sārdhaṃ dvirātraṃ sahāgāraśayyāṃ sāpi te adyāgreṇa nāsti cara pareṇa mohapuruṣa naśya tvaṃ na tvayeha vastavyam iti |

yaḥ punar bhikṣur jānaṃs tathānāśitaṃ śramaṇoddeśam upasthāpayed vā upalāḍayed vā tena vā sārdhaṃ sahāgāraśayyāṃ kalpayet pātayantikā 57

pātayantikā 58

yaḥ punar bhikṣu ratnaṃ vā ratnasaṃmataṃ vā svahastam udgṛhṇīyād udgrāhayed vā anyatrādhyārāmagatād vā adhyāvāsagatād vā pātayantikā adhyārāmagataṃ adhyāvāsagataṃ ratnaṃ vā ratnasaṃmataṃ vā evaṃcittenodgṛhītavyam udgrāhayitavyaṃ vā yasya bhaviṣyati sa enaṃ hariṣyati iyaṃ tatra sāmīciḥ 58

pātayantikā 59

navacīvarapratilābhād bhikṣuṇā trayāṇāṃ durvarṇīkaraṇānām anyatamānyatamam ādātavyaṃ navasya durvarṇīkaraṇāya nīlaṃ vā kardamo vā kāḍiśāmo vā anādāya ced bhikṣus trayāṇāṃ durvarṇīkaraṇānām anyatamānyatamaṃ durvarṇīkaraṇaṃ navaṃ cīvaraṃ paribhuṃjīta pātayantikā 59

pātayantikā 60

ardhamāsikaṃ snātram anyatra samayāt tadatikrāmataḥ pātayantikā tatrāyaṃ samayaḥ sārdho māsaḥ śeṣo grīṣmasya pūrvo māso varṣāṇām etau sārdhau dvau māsau paridāghasamayaḥ avaśiṣṭaṃ glānasamayaḥ karmasamayo vātasamayo vṛṣṭisamayo ’dhvānamārgasamayo ’yaṃ tatra samayaḥ 60 ||

pātayantikā 61

yaḥ punar bhikṣuḥ saṃcintya tīryagyonigataṃ prāṇinaṃ jīvitād vyaparopayet pātayantikā 61

pātayantikā 62

yaḥ punar bhikṣur bhikṣoḥ saṃcintya kaukṛtyam upasaṃhared viheṭhanāprekṣī kaccid asya bhikṣor muhūrtam api tāvad aphāṣaṃ bhaved idam eva pratyayaṃ kṛtvā nānyathā pātayantikā 62

pātayantikā 63

aṅgulipratodanāt pātayantikā 63

pātayantikā 64

udakaharṣaṇāt pātayantikā 64

pātayantikā 65

yaḥ punar bhikṣur mātṛgrāmeṇa sārdhaṃ sahāgāraśayyāṃ kalpayet pātayantikā 65

pātayantikā 66

yaḥ punar bhikṣur bhikṣuṃ bhīṣayed bhīṣāpayed vā antato hāsyaprekṣyam api pātayantikā 66

pātayantikā 67

yaḥ punar bhikṣur bhikṣoḥ pātraṃ vā cīvaraṃ vā kuñcikaṃ vā upānahaṃ vā sūcīgharakaṃ vā anyatamānyatamaṃ vā śrāmaṇakaṃ pariṣkāram upanidadhyād upanidhāpayed vā antato hāsyaprekṣyam api pātayantikā 67

pātayantikā 68

yaḥ punar bhikṣur bhikṣoḥ pātraṃ vā cīvaram vā dattvā tataḥ paścād apratyuddhārya paribhuṃjīta pātayantikā 68

pātayantikā 69

yaḥ punar bhikṣur bhikṣum amūlakena saṃghāvaśeṣeṇa dharmeṇānudhvaṃsayet pātayantikā 69

pātayantikā 70

yaḥ punar bhikṣur mātṛgrāmeṇa sārdhaṃ saṃvidhāya samānamārgaṃ pratipadyeta antato grāmāntaram api pātayantikā 70 ||

pātayantikā 71

yaḥ punar bhikṣuḥ steyasārthena sārdhaṃ saṃvidhāya samānamārgaṃ pratipadyeta antato grāmāntaram api pātayantikā 71

pātayantikā 72

yaḥ punar bhikṣur ūnaviṃśativarṣaṃ pudgalaṃ bhikṣubhāvenopasaṃpādayet pātayantikā sa ca pudgalo ’nupasaṃpannas te ca bhikṣavo garhyā iyaṃ tatra sāmīciḥ 72

pātayantikā 73

yaḥ punar bhikṣuḥ pṛthivīṃ khanyāt khānayed vā pātayantikā 73

pātayantikā 74

caturmāsikā bhikṣuṇā pravāraṇā sādhayitavyā anyatra nityapravāraṇāyā anyatra punaḥpunaḥpravāraṇāyā anyatra pratyekapravāraṇāyā tata uttaraṃ sādhayet pātayantikā 74

pātayantikā 75

yaḥ punar bhikṣur bhikṣubhir ucyamāna iha te śikṣāyāṃ śikṣitavyam ity evaṃ vaden nāhaṃ yuṣmākaṃ bālānāṃ mūḍhānāṃ duṣprajñānāṃ vacanenātra śikṣāyāṃ śikṣiṣyāmi anyān ahaṃ bhikṣūṃ prakṣyāmi sūtradharān vinayadharān mātṛkādharān iti pātayantikā | ājñātukāmena bhikṣuṇā tatra śikṣāyāṃ śikṣitavyaṃ bhikṣavaś ca praṣṭavyāḥ sūtradharā vinayadharā mātṛkādharāḥ | iyaṃ tatra sāmīciḥ 75

pātayantikā 76

yaḥ punar bhikṣur bhikṣūṇāṃ kalahajātānāṃ bhaṇḍanajātānāṃ vigṛhītānāṃ vivādam āpannānāṃ tūṣṇīm upaśrutikas tiṣṭhed yad ete bhikṣavo vakṣyanti tad ahaṃ śrutvā tathānuvyāhariṣyāmīti pātayantikā 76

pātayantikā 77

yaḥ punar bhikṣuḥ saṃghasya niścitāyāṃ kathāyāṃ vartamānāyāṃ tūṣṇīm utthāya prakramet saṃtaṃ bhikṣum anavalokya pātayantikā 77

pātayantikā 78

anādareyakāt pātayantikā 78

pātayantikā 79

surāmaireyamadyapānāt pātayantikā 79

pātayantikā 80

yaḥ punar bhikṣur akāle grāmaṃ praviśet santaṃ bhikṣum anavalokyānyatra tathārūpapratyayāt pātayantikā 80 ||

pātayantikā 81

yaḥ punar bhikṣuḥ sabhaktaṃ kuleṣūpanimantritaḥ pūrvabhaktaṃ paścādbhaktaṃ kuleṣu cāritram āpadyeta pātayantikā 81

pātayantikā 82

yaḥ punar bhikṣu rājñaḥ kṣatriyasya mūrdhābhiṣiktasya aniṣkrānte rājñi anirgṛhīteṣu ratneṣu indrakīlaṃ vā indrakīlabhūmiṃ vā samatikramed anyatra tathārūpapratyayāt pātayantikā 82

pātayantikā 83

yaḥ punar bhikṣuḥ prātimokṣasūtroddiśyamāne evaṃ vaded idānīm ahaṃ jānāmi yad ayaṃ dharmaḥ sūtragataḥ sūtraparyāpanna iti taṃ ca bhikṣavo jānīyuḥ saṃniṣaṇṇapūrvo ’yam āyuṣmāṃ dvis triḥ prātimokṣasūtroddeśe kaḥ punar vādo bhūya iti tasya punar bhikṣor nāsty ajñānān mokṣo yāṃ cāpattim āpannaḥ syāt tāṃ yathādharmaṃ kārayitavya uttarañ ca saṃvejayitavyas tasya te āyuṣmann alābho na lābhaḥ durlabdho na sulabdhaḥ yo hi nāma tvam anvardhamāsaṃ prātimokṣasūtroddiśyamāne na satkṛtyārthīkṛtvā na gurukṛtvā na manasīkṛtvā naikāgracitto nāvahitaśrotro na sarvacetasā samanvāhṛtya śṛṇoṣi iyaṃ tasya saṃvejanāt pātayantikā 83

pātayantikā 84

yaḥ punar bhikṣur asthimayaṃ dantamayaṃ viṣāṇamayaṃ vā sūcīgharakaṃ kārayet pātayantikā 84

pātayantikā 85

pīṭhaṃ vā bhikṣuṇā mañcaṃ vā kārayatā sugatāṣṭāṅgulipramāṇāḥ pādāḥ kārayitavyā anyatrāraṇyās tata uttaraṃ kārayet pātayantikā 85

pātayantikā 86

yaḥ punar bhikṣus tūlasaṃstṛtāṃ śayyām avanahed avanāhayed vā pātayantikā 86

pātayantikā 87

varṣāśāṭīcīvaraṃ bhikṣuṇā kārayatā prāmāṇikaṃ kārayitavyaṃ tatredaṃ pramāṇaṃ dīrghataḥ ṣaḍ vitastayaḥ sugatavitastyā tīryak sārdhe dve tata uttaraṃ kārayet pātayantikā 87

pātayantikā 88

kaṇḍupraticchādanaṃ bhikṣuṇā kārayatā prāmāṇikaṃ kārayitavyaṃ tatredaṃ pramāṇaṃ dīrghataś catasro vitastayaḥ sugatavitastyā tīryag dve tata uttaraṃ kārayet pātayantikā 88

pātayantikā 89

niṣīdanaṃ bhikṣuṇā kārayatā prāmāṇikaṃ kārayitavyaṃ tatredaṃ pramāṇaṃ dīrghato vitastī dve sugatavitastyā tīryak sārdhavitastir daśānāṃ ca vitastis tata uttaraṃ kārayet pātayantikā 89

pātayantikā 90

yaḥ punar bhikṣuḥ sugatacīvarapramāṇena cīvaraṃ kārayed uttaraṃ vā sugatacīvarāt pātayantikā | tatredaṃ sugatacīvarapramāṇaṃ dīrghato nava vitastayaḥ sugatavitastyā tīryak ṣaḍ idaṃ tatra sugatacīvarapramāṇaṃ 90 ||

uddiṣṭā mayāyuṣmanto navati pātayantikā dharmās tatrāham āyuṣmataḥ pṛcchāmi kaccit sthātra pariśuddhā dvir api trir api pṛcchāmi kaccit sthātra pariśuddhā pariśuddhā atrāyuṣmanto yasmāt tūṣṇīm evam etad dhārayāmi ||

4 pratideśanīyā rules

ime punar āyuṣmantaś catvāraḥ pratideśanīyā dharmā anvardhamāsaṃ prātimokṣasūtroddeśam āgacchanti ||

pratideśanīya 1

yaḥ punar bhikṣur aglāno ’ntargṛhaṃ piṇḍāya carantyā ajñātyā bhikṣuṇyāḥ santikāt svahastaṃ khādanīyabhojanīyaṃ pratigṛhṇīyāt tena bhikṣuṇā bhikṣūṇām antike pratideśayitavyaṃ garhaṇīyam āyuṣmantaḥ sthānam āpanno ’smi asāṃpreyaṃ pratideśanīyaṃ taṃ dharmaṃ pratideśayāmi ayaṃ dharmaḥ pratideśanīyaḥ 1

pratideśanīya 2

bhikṣavaḥ punaḥ saṃbahulāḥ kuleṣūpanimantritā bhuṃjīraṃs tatra ced bhikṣuṇī vyapadiśamānā sthitā syād ihaudanaṃ dehi iha sūpaṃ dehi iha bhūyo dehīti sā bhikṣuṇī bhikṣubhir evaṃ syād vacanīyā āgamaya tāvat tvaṃ bhaginī yāvad ime bhikṣavo bhuṃjantām ity ekabhikṣor api cen na pratibhāyāt tāṃ bhikṣuṇīm evaṃ vaktum āgamaya tāvat tvaṃ bhaginī yāvad ime bhikṣavo bhuṃjantām iti sarvais tair bhikṣubhir bhikṣūṇām antike pratideśayitavyaṃ garhaṇīyam āyuṣmantaḥ sthānam āpannāḥ sma asāṃpreyaṃ pratideśanīyaṃ taṃ dharmaṃ pratideśayāma ayaṃ dharmaḥ pratideśanīyaḥ 2

pratideśanīya 3

yāni punas tāni saṃghasya śaikṣasaṃmatāni kulāni bhavanti śaikṣasaṃvṛtisaṃmatāni yaḥ punar bhikṣus tathārūpebhyaḥ kulebhyaḥ śaikṣa­saṃvṛtisaṃ­matebhyaḥ pūrvam animantritaḥ samānaḥ khādanīyabhojanīyaṃ pratigṛhṇīyāt tena bhikṣuṇā bhikṣūṇām antike pratideśayitavyaṃ garhaṇīyam āyuṣmantaḥ sthānam āpanno ’smi asāṃpreyaṃ pratideśanīyaṃ taṃ dharmaṃ pratideśayāmi ayaṃ dharmaḥ pratideśanīyaḥ 3

pratideśanīya 4

yāni punas tāni saṃghasyāraṇyakāni śayyāsanāni bhavanti sāśaṃkasaṃmatāni sabhayasaṃmatāni sapratibhayabhairava­saṃ­matāni | yaḥ punar bhikṣus tathārūpeṣu saṃghasyāraṇyakeṣu śayyāsaneṣu pūrvapratisaṃvedakaḥ asaṃmataḥ saṃghena bahir ārāmasya svahastaṃ khādanīyabhojanīyaṃ apratigṛhya antar ārāme pratigṛhṇīyāt tena bhikṣuṇā bhikṣūṇām antike pratideśayitavyaṃ garhaṇīyam āyuṣmantaḥ sthānam āpanno ’smi asāṃpreyaṃ pratideśanīyaṃ taṃ dharmaṃ pratideśayāmi ayam api dharmaḥ pratideśanīyaḥ 4 ||

uddiṣṭā mayāyuṣmantaś catvāraḥ pratideśanīyā dharmās tatrāham āyuṣmataḥ pṛcchāmi kaccid sthātra pariśuddhā dvir api trir api pṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam etad dhārayāmi ||

113 śaikṣā rules

ime punar āyuṣmantaḥ saṃbahulāḥ śaikṣā dharmā anvardhamāsaṃ prātimokṣasūtroddeśam āgacchanti ||

Chapter 1

śaikṣa 1

nātyutkṛṣṭaṃ cīvaraṃ nivāsayiṣyāma iti śikṣā karaṇīyā 1.1

śaikṣa 2

nātyavakṛṣṭaṃ cīvaraṃ nivāsayiṣyāma iti śikṣā karaṇīyā 1.2

śaikṣa 3

na vikīrṇaṃ cīvaraṃ nivāsayiṣyāma iti śikṣā karaṇīyā 1.3

śaikṣa 4

na vāsijhaḍakaṃ cīvaraṃ nivāsayiṣyāma iti śikṣā karaṇīyā 1.4

śaikṣa 5

na tālapatraṃ cīvaraṃ nivāsayiṣyāma iti śikṣā karaṇīyā 1.5

śaikṣa 6

na hastiśuṇḍaṃ cīvaraṃ nivāsayiṣyāma iti śikṣā karaṇīyā 1.6

śaikṣa 7

na kunmāṃsapiṇḍaṃ cīvaraṃ nivāsayiṣyāma iti śikṣā karaṇīyā 1.7

śaikṣa 8

na kalāpakaṃ cīvaraṃ nivāsayiṣyāma iti śikṣā karaṇīyā 1.8

śaikṣa 9

na dundumaṃ cīvaraṃ nivāsayiṣyāma iti śikṣā karaṇīyā 1.9

śaikṣa 10

na milimaṃ cīvaraṃ nivasayiṣyāma iti śikṣā karaṇīyā 1.10

śaikṣa 11

na cūrṇasūtraṃ cīvaraṃ nivāsayiṣyāma iti śikṣā karaṇīyā 1.11

śaikṣa 12

parimaṇḍalaṃ cīvaraṃ nivāsayiṣyāma iti śikṣā karaṇīyā 1.12

śaikṣa 13

nātyutkṛṣṭaṃ cīvaraṃ prāvariṣyāma iti śikṣā karaṇīyā 1.13

śaikṣa 14

nātyavakṛṣṭaṃ cīvaraṃ prāvariṣyāma iti śikṣā karaṇīyā 1.14

śaikṣa 15

na vikīrṇaṃ cīvaraṃ prāvariṣyāma iti śikṣā karaṇīyā 1.15

śaikṣa 16

parimaṇḍalaṃ cīvaraṃ prāvariṣyāma iti śikṣā karaṇīyā 1.16 ||

Chapter 2

śaikṣa 17

susaṃvṛtā antargṛhaṃ pravekṣyāma iti śikṣā karaṇīyā 2.1

śaikṣa 18

susaṃ­vṛtā antargṛhe niṣatsyāma iti śikṣā karaṇīyā 2.2

śaikṣa 19

supraticchannā antargṛhaṃ pravekṣyāma iti śikṣā karaṇīyā 2.3

śaikṣa 20

supraticchannā antargṛhe niṣatsyāma iti śikṣā karaṇīyā 2.4

śaikṣa 21

notkṣiptacakṣuṣo ’ntargṛhaṃ pravekṣyāma iti śikṣā karaṇīyā 2.5

śaikṣa 22

notkṣiptacakṣuṣo ’ntargṛhe niṣatsyāma iti śikṣā karaṇīyā 2.6

śaikṣa 23

alpaśabdā antargṛhaṃ pravekṣyāma iti śikṣā karaṇīyā 2.7

śaikṣa 24

alpaśabdā antargṛhe niṣatsyāma iti śikṣā karaṇīyā 2.8

śaikṣa 25

noccagghikayā antargṛhaṃ pravekṣyāma iti śikṣā karaṇīyā 2.9

śaikṣa 26

noccagghikayā antargṛhe niṣatsyāma iti śikṣā karaṇīyā 2.10

śaikṣa 27

notkuṭukā antargṛhaṃ pravekṣyāma iti śikṣā karaṇīyā 2.11

śaikṣa 28

notkuṭukā antargṛhe niṣatsyāma iti śikṣā karaṇīyā 2.12

śaikṣa 29

na veṣṭitaśiraso ’ntargṛhaṃ pravekṣyāma iti śikṣā karaṇīyā 2.13

śaikṣa 30

na veṣṭitaśiraso ’ntargṛhe niṣatsyāma iti śikṣā karaṇīyā 2.14

śaikṣa 31

nāvaguṇḍikākṛtā antargṛhaṃ pravekṣyāma iti śikṣā karaṇīyā 2.15

śaikṣa 32

nāvaguṇḍikākṛtā antargṛhe niṣatsyāma iti śikṣā karaṇīyā 2.16

śaikṣa 33

na kambhākṛtā antargṛhaṃ pravekṣyāma iti śikṣā karaṇīyā 2.17

śaikṣa 34

na kambhākṛtā antargṛhe niṣatsyāma iti śikṣā karaṇīyā 2.18

śaikṣa 35

notkṛṣṭikākṛtā antargṛhaṃ pravekṣyāma iti śikṣā karaṇīyā 2.19

śaikṣa 36

notkṛṣṭikākṛtā antargṛhe niṣatsyāma iti śikṣā karaṇīyā 2.20

śaikṣa 37

nātyastikākṛtā antargṛhaṃ pravekṣyāma iti śikṣā karaṇīyā 2.21

śaikṣa 38

nātyastikākṛtā antargṛhe niṣatsyāma iti śikṣā karaṇīyā 2.22

śaikṣa 39

na vinyastikākṛtā antargṛhaṃ pravekṣyāma iti śikṣā karaṇīyā 2.23

śaikṣa 40

na vinyastikākṛtā antargṛhe niṣatsyāma iti śikṣā karaṇīyā 2.24

śaikṣa 41

na vikṣiptikākṛtā antargṛhaṃ pravekṣyāma iti śikṣā karaṇīyā 2.25

śaikṣa 42

na vikṣiptikākṛtā antargṛhe niṣatsyāma iti śikṣā karaṇīyā 2.26

śaikṣa 43

na pallatthikākṛtā antargṛhaṃ pravekṣyāma iti śikṣā karaṇīyā 2.27

śaikṣa 44

na pallatthikākṛtā antargṛhe niṣatsyāma iti śikṣā karaṇīyā 2.28

śaikṣa 45

na bāhupracālakā antargṛhaṃ pravekṣyāma iti śikṣā karaṇīyā 2.29

śaikṣa 46

na bāhupracālakā antargṛhe niṣatsyāma iti śikṣā karaṇīyā 2.30

śaikṣa 47

na cāṃsapracālakā antargṛhaṃ pravekṣyāma iti śikṣā karaṇīyā 2.31

śaikṣa 48

na cāṃsapracālakā antargṛhe niṣatsyāma iti śikṣā karaṇīyā 2.32

śaikṣa 49

na śīrṣapracālakā antargṛhaṃ pravekṣyāma iti śikṣā karaṇīyā 2.33

śaikṣa 50

na śīrṣapracālakā antargṛhe niṣatsyāma iti śikṣā karaṇīyā 2.34

śaikṣa 51

na kāyapracālakā antargṛhaṃ pravekṣyāma iti śikṣā karaṇīyā 2.35

śaikṣa 52

na kāyapracālakā antargṛhe niṣatsyāma iti śikṣā karaṇīyā 2.36

śaikṣa 53

na hasta­saṃ­lagnikayāntargṛhaṃ pravekṣyāma iti śikṣā karaṇīyā 2.37

śaikṣa 54

na hastasaṃlagnikayāntargṛhe niṣatsyāma iti śikṣā karaṇīyā 2.38

śaikṣa 55

na viḍaṅgikayāntargṛhaṃ pravekṣyāma iti śikṣā karaṇīyā 2.39

śaikṣa 56

na viḍaṅgikayāntargṛhe niṣatsyāma iti śikṣā karaṇīyā 2.40

śaikṣa 57

na pāde pādam ādhāyāntargṛhe niṣatsyāma iti śikṣā karaṇīyā 2.41

śaikṣa 58

na sakthni sakthy āropyāntargṛhe niṣatsyāma iti śikṣā karaṇīyā 2.42

śaikṣa 59

na pāṇau hanum upādāyāntargṛhe niṣatsyāmo gṛhiṇo hāsyaprekṣiṇa iti śikṣā karaṇīyā 2.43 ||

Chapter 3

śaikṣa 60

satkṛtyaudanaṃ pratigṛhīṣyāma iti śikṣā karaṇīyā 3.1

śaikṣa 61

satkṛtya sūpaṃ pratigṛhīṣyāma iti śikṣā karaṇīyā 3.2

śaikṣa 62

na stūpākāraṃ piṇḍapātaṃ paribhokṣyāma iti śikṣā karaṇīyā 3.3

śaikṣa 63

samatittikaṃ piṇḍapātaṃ paribhokṣyāma iti śikṣā karaṇīyā 3.4

śaikṣa 64

samasūpikaṃ piṇḍapātaṃ paribhokṣyāma iti śikṣā karaṇīyā 3.5

śaikṣa 65

na stūpyavaguṇṭhīkṛtaṃ piṇḍapātaṃ paribhokṣyāma iti śikṣā karaṇīyā 3.6

śaikṣa 66

na vyutkaṇṭhaśaḥ piṇḍapātaṃ paribhokṣyāma iti śikṣā karaṇīyā 3.7

śaikṣa 67

nātimahāntam ālopaṃ kariṣyāma iti śikṣā karaṇīyā 3.8

śaikṣa 68

parimaṇḍalam ālopaṃ kariṣyāma iti śikṣā karaṇīyā 3.9

śaikṣa 69

nānāgate ālope mukhadvāraṃ vivariṣyāma iti śikṣā karaṇīyā 3.10

śaikṣa 70

na sālopena mukhadvāreṇa vyāhariṣyāma iti śikṣā karaṇīyā 3.11

śaikṣa 71

na kabaḍacchedakaṃ piṇḍapātaṃ paribhokṣyāma iti śikṣā karaṇīyā 3.12

śaikṣa 72

na śuśukkārakaṃ piṇḍapātaṃ paribhokṣyāma iti śikṣā karaṇīyā 3.13

śaikṣa 73

na cucukkārakaṃ piṇḍapātaṃ paribhokṣyāma iti śikṣā karaṇīyā 3.14

śaikṣa 74

na phuphukkārakaṃ piṇḍapātaṃ paribhokṣyāma iti śikṣā karaṇī yā 3.15

śaikṣa 75

na gṛṣmakārakaṃ piṇḍapātaṃ paribhokṣyāma iti śikṣā karaṇīyā 3.16

śaikṣa 76

nojjighrantaḥ piṇḍapātaṃ paribhokṣyāma iti śikṣā karaṇīyā 3.17

śaikṣa 77

na jihvāniścārakaṃ piṇḍapātaṃ paribhokṣyāma iti śikṣā karaṇīyā 3.18

śaikṣa 78

na hastāvalehakaṃ piṇḍapātaṃ paribhokṣyāma iti śikṣā karaṇīyā 3.19

śaikṣa 79

na pātrāvalehakaṃ piṇḍapātaṃ paribhokṣyāma iti śikṣā karaṇīyā 3.20

śaikṣa 80

na hastāvadhūnakaṃ piṇḍapātaṃ paribhokṣyāma iti śikṣā karaṇīyā 3.21

śaikṣa 81

na śistavikiraṃ piṇḍapātaṃ paribhokṣyāma iti śikṣā karaṇīyā 3.22

śaikṣa 82

na sāmiṣeṇa pāṇinā pānīyasthālakaṃ pratigṛhīṣyāma iti śikṣā karaṇīyā 3.23

śaikṣa 83

nātmārtham aglānā odanaṃ vā sūpaṃ vā vijñāpayiṣyāma iti śikṣā karaṇīyā 3.24

śaikṣa 84

naudanena sūpaṃ praticchādayiṣyāmo bhūyaskāmatām upādāya iti śikṣā karaṇīyā 3.25

śaikṣa 85

nāvadhyānaprekṣiṇa anantarikasya pātraṃ vyavalokayiṣyāma iti śikṣā karaṇīyā 3.26

śaikṣa 86

pātrasaṃjñinaḥ piṇḍapātaṃ paribhokṣyāma iti śikṣā karaṇīyā 3.27

śaikṣa 87

sāvadānaṃ piṇḍapātaṃ paribhokṣyāma iti śikṣā karaṇīyā 3.28

śaikṣa 88

na sāmiṣaṃ pātrodakam antargṛhe chorayiṣyāmo gṛhiṇam anavalokyeti śikṣā karaṇīyā 3.29 ||

Chapter 4

śaikṣa 89

na yānādhirūḍhasyāglānasya dharmaṃ deśayiṣyāma iti śikṣā karaṇīyā 4.1

śaikṣa 90

na purato gacchataḥ pṛṣṭhato ’nugacchanta aglānasya dharmaṃ deśayiṣyāma iti śikṣā karaṇīyā 4.2

śaikṣa 91

na mārgaṃ gacchato hy amārgaṃ gacchanta aglānasya dharmaṃ deśayiṣyāma iti śikṣā karaṇīyā 4.3

śaikṣa 92

na sthitā niṣaṇṇasyāglānasya dharmaṃ deśayiṣyāma iti śikṣā karaṇīyā 4.4

śaikṣa 93

na nīcāsane niṣaṇṇā uccāsane niṣaṇṇasyāglānasya dharmaṃ deśayiṣyāma iti śikṣā karaṇīyā 4.5

śaikṣa 94

na niṣaṇṇā nipannasyāglānasya dharmaṃ deśayiṣyāma iti śikṣā karaṇīyā 4.6

śaikṣa 95

na veṣṭitaśirasa aglānasya dharmaṃ deśayiṣyāma iti śikṣā karaṇīyā 4.7

śaikṣa 96

nāvaguṇḍikākṛtasyāglānasya dharmaṃ deśayiṣyāma iti śikṣā karaṇīyā 4.8

śaikṣa 97

na kaṃbhākṛtasyāglānasya dharmaṃ deśayiṣyāma iti śikṣā karaṇīyā 4.9

śaikṣa 98

notkṛṣṭikākṛtasyāglānasya dharmaṃ deśayiṣyāma iti śikṣa karaṇīyā 4.10

śaikṣa 99

nātyastikākṛtasyāglānasya dharmaṃ deśayiṣyāma iti śikṣā karaṇīyā 4.11

śaikṣa 100

na vinyastikākṛtasyāglānasya dharmaṃ deśayiṣyāma iti śikṣā karaṇīyā 4.12

śaikṣa 101

na vikṣiptikākṛtasyāglānasya dharmaṃ deśayiṣyāma iti śikṣā karaṇīyā 4.13

śaikṣa 102

na pallatthikākṛtasyāglānasya dharmaṃ deśayiṣyāma iti śikṣā karaṇīyā 4.14

śaikṣa 103

na sopānahakasyāglānasya dharmaṃ deśayiṣyāma iti śikṣā karaṇīyā 4.15

śaikṣa 104

na sapādukasyāglānasya dharmaṃ deśayiṣyāma iti śikṣā karaṇīyā 4.16

śaikṣa 105

na daṇḍapāṇer aglānasya dharmaṃ deśayiṣyāma iti śikṣā karaṇīyā 4.17

śaikṣa 106

na cchatrapāṇer aglānasya dharmaṃ deśayiṣyāma iti śikṣā karaṇīyā 4.18

śaikṣa 107

na śastrapāṇeḥ sarvathā dharmaṃ deśayiṣyāma iti śikṣā karaṇīyā 4.19

śaikṣa 108

na khaḍgapāṇeḥ sarvathā dharmaṃ deśayiṣyāma iti śikṣā karaṇīyā 4.20

śaikṣa 109

nāyudhapāṇeḥ sarvathā dharmaṃ deśayiṣyāma iti śikṣā karaṇīyā 4.21

śaikṣa 110

na harita uccāraprasrāvaṃ kheṭaṃ śiṅghāṇakaṃ kariṣyāma iti śikṣā karaṇīyā 4.22

śaikṣa 111

na kalpika udake pāribhogīye uccāraprasrāvaṃ kheṭaṃ śiṅghāṇakaṃ kariṣyāma iti śikṣā karaṇīyā 4.23

śaikṣa 112

na sthitā aglānā uccāraprasrāvaṃ kariṣyāma iti śikṣā karaṇīyā 4.24

śaikṣa 113

na sādhikapauruṣaṃ vṛkṣam ārokṣyāmo ’nyatra pratyayād iti śikṣā karaṇīyā 4.25 | |

uddiṣṭā mayāyuṣmantaḥ saṃbahulāḥ śaikṣā dharmās tatrāham āyuṣmataḥ pṛcchāmi kaccit sthātra pariśuddā dvir api trir api pṛcchāmi kaccit sthātra pariśuddhāḥ pariśuddhā atrāyuṣmanto yasmāt tūṣṇīm evam etad dhārayāmi ||

7 adhikaraṇaśamathā

ime punar āyuṣmantaḥ saptādhikaraṇaśamathā dharmā anvardhamāsaṃ prātimokṣasūtroddeśam āgacchanti |

adhikaraṇaśamatha 1

saṃmukhavinayārhasya saṃmukhavinayaṃ dāsyāmaḥ 1

adhikaraṇaśamatha 2

smṛtivinayārhasya smṛtivinayaṃ dāsyāmaḥ 2

adhikaraṇaśamatha 3

amūḍhavinayārhasya amūḍhavinayaṃ dāsyāmaḥ 3

adhikaraṇaśamatha 4

pratijñāvinayārhasya pratijñāṃ kārayiṣyāmaḥ 4

adhikaraṇaśamatha 5

tatsvabhāvaiṣikārhasya tatsvabhāvaiṣikāṃ dāsyāmaḥ 5

adhikaraṇaśamatha 6

yadbhūyeṣikārhasya yadbhūyeṣikaṃ dāsyāmaḥ 6

adhikaraṇaśamatha 7

utpannotpannāny adhikaraṇāni tṛṇaprastārakena vyupaśamayiṣyāmo dharmeṇa .i... 7 ||

uddiṣṭā mayāyuṣmantaḥ saptādhikaraṇaśamathā dharmās tatrāham āyuṣmataḥ pṛcchāmi kaccit sthātra pariśuddhā dvir api trir api pṛcchāmi kaccit sthātra pari­śuddhāḥ pariśuddhā atrāyuṣmanto yasmāt tūṣṇīm evam evāhaṃ dhārayāmi ||

Conclusion

uddiṣṭaṃ mayāyuṣmantaḥ prātimokṣasūtrasya | | nidānaṃ uddiṣṭāś catvāraḥ pārājikā dharmā uddiṣṭās trayodaśa saṃghāvaśeṣā dharmā uddiṣṭau dvāv aniyatau dharmau uddiṣṭās triṃśan niḥsargikāḥ pātayantikā dharmā uddiṣṭā navati pātayantikā dharmā uddiṣṭāś catvāraḥ pratideśanīyā dharmā uddiṣṭāḥ saṃbahulāḥ śaikṣā dharmā uddiṣṭāḥ saptādhikaraṇaśamathā dharmāḥ |

etāvat tasya bhagavataḥ sūtragataṃ sūtraparyāpannam anvardhamāsaṃ prātimokṣasūtroddeśam āgacchati iti yo vā punar anyo ’py āgacched dharmasyānudharmas tatra vaḥ sahitaiḥ samagraiḥ saṃmodamānair avivadamānair ekāgrair ekoddeśair ekakṣīrodakībhūtaiḥ sukhaṃ phāṣaṃ vihartavyam iti śikṣā karaṇīyā ||

Concluding verses

kṣāntiḥ paramaṃ tapas titīkṣā
nirvāṇaṃ paramaṃ vadanti buddhāḥ
na hi pravrajitaḥ paropatāpī
śramaṇo bhavati parān viheṭhayānaḥ 1

cakṣuṣmān viṣamānīva vidyamāne parākrame
paṇḍito jīvaloke ’smin pāpāni pari­varjayet 2

nopavādī nopaghātī prātimokṣe ca saṃvaraḥ
mātrajñatā ca bhakteṣu prāntaṃ ca śayanāsanam
adhicitte samāyoga etad buddhasya śāsanam 3

yathāpi bhramaraḥ puṣpād varṇagandhāv aheṭhayan
paraiti rasam ādāya tathā grāmāṃ muniś caret 4

na pareṣāṃ vilomāni na pareṣāṃ kṛtākṛtam
ātmanas tu samīkṣeta samāni viṣamāni ca 5

adhicetasi mā pramad­yata pratataṃ maunapadeṣu śikṣata
śokā na bhavanti tāyino hy upaśāntasya sadā smṛtātmanaḥ 6

sarvapāpasyākaraṇaṃ kuśalasyopasaṃpadaḥ
svacittaparyavadanam etad buddhasya śāsanaṃ 7

kāyena saṃvaraḥ sādhu sādhu vācā ca saṃvaraḥ
manasā saṃvaraḥ sādhu sādhu sarvatra saṃvaraḥ
sarvatra saṃvṛto bhikṣuḥ sarvaduḥkhāt pramucyate 8

vācānurakṣī manasā susaṃvṛtaḥ
kāyena caivākuśalaṃ na kuryāt
etāṃ śubhāṃ karmapathāṃ viśodhayann
ārādhayen mārgam ṛṣipraveditam 9

kṣiptaḥ kṣipen naiva hato na hanyād
vairaprasaṃgeṣu bhaved avairaḥ
duṣṭeṣu ca syāt satataṃ prasannaḥ
svayaṃ na kuryāt paragarhitaṃ yat 10

saptabhir lokanāyakair buddhavīrair mahātmabhiḥ
prātimokṣaḥ samuddiṣṭo nirdiṣṭaś ca maharṣiṇā 11

atra sagauravā buddhā buddhānāṃ śrāvakāś ca ye
atra sagauravā bhūtvā tathānyonyasagauravā
hrīravatrāpya­saṃ­pannāḥ prāpnuvanti hy asaṃskṛtam 12

ārabhadhvaṃ niṣkramadhvaṃ yujyadhvaṃ buddhaśāsane |
dhunadhvaṃ mṛtyunaḥ sainyaṃ naḍāgāram iva kuñjaraḥ 13

yo hy asmiṃ dharmavinaye apramatto bhaviṣyati
prahāya jātisaṃsāraṃ duḥkhasyāntaṃ sa yāsyati 14

yasyārthe sūtram uddiṣṭaṃ yasyārthe poṣathaḥ kṛtaḥ
tac chīlam anurakṣadhvaṃ vālāgraṃ camaro yathā 15

uddiṣṭaḥ prātimokṣaḥ kṛtaḥ samagreṇa saṃghena poṣatha iti ||

prātimokṣasūtraṃ samāptam ||