၉၉။ ရဟန်းတို့ စိတ်တည်ကြည်မှု ‘သမာဓိ’ကို ပွါးများကြကုန်လော့၊ ရဟန်းတို့ စိတ်တည်ကြည် သောရဟန်းသည်ဟုတ်တိုင်းမှန်စွာ သိနိုင်၏။

အဘယ်သို့လျှင်ဟုတ်တိုင်းမှန်စွာ သိနိုင်သနည်း။ “မျက်စိသည် မမြဲ”ဟုဟုတ်တိုင်းမှန်စွာ သိနိုင်၏၊ “အဆင်းတို့သည် မမြဲကုန်”ဟုဟုတ်တိုင်းမှန်စွာ သိနိုင်၏၊ “စက္ခုဝိညာဏ်သည် မမြဲ”ဟုဟုတ်တိုင်းမှန်စွာ သိနိုင်၏၊ “စက္ခုသမ္ဖဿသည် မမြဲ”ဟုဟုတ်တိုင်းမှန်စွာ သိနိုင်၏၊ စက္ခုသမ္ဖဿဟူသောအကြောင်းကြောင့် ဖြစ်ပေါ်လာသည့် “ခံစားမှု သုခ ဒုက္ခ ဥပေက္ခာဝေဒနာသည် မမြဲ”ဟုဟုတ်တိုင်း့မှန်စွာ သိနိုင်၏။ပ။ “စိတ်သည် မမြဲ”ဟုဟုတ်တိုင်းမှန်စွာ သိနိုင်၏၊ သဘောတရားတို့သည်။ မနောဝိညာဏ်သည်။ မနောသမ္ဖဿသည်။ မနောသမ္ဖဿဟူသော အကြောင်းကြောင့် ဖြစ်ပေါ်လာသည့်ခံစားမှု သုခ ဒုက္ခ ဥပေက္ခာဝေဒနာသည် မမြဲဟုဟုတ်တိုင်းမှန်စွာ သိနိုင်၏။

ရဟန်းတို့ စိတ်တည်ကြည်မှု ‘သမာဓိ’ကို ပွါးများကြကုန်လော့၊ ရဟန်းတို့ စိတ်တည်ကြည်သောရဟန်းသည်ဟုတ်တိုင်းမှန်စွာ သိနိုင်၏ဟု (မိန့်တော်မူ၏)။

ဆဋ္ဌသုတ်။