“Sabbo jano hiṃsito piṅgalena,
Tasmiṃ mate paccayā vedayanti;
Piyo nu te āsi akaṇhanetto,
Kasmā nu tvaṃ rodasi dvārapāla”.

“Na me piyo āsi akaṇhanetto,
Bhāyāmi paccāgamanāya tassa;
Ito gato hiṃseyya maccurājaṃ,
So hiṃsito āneyya puna idha”.

“Daḍḍho vāhasahassehi,
sitto ghaṭasatehi so;
Parikkhatā ca sā bhūmi,
mā bhāyi nāgamissatī”ti.

Mahā­piṅ­gala­jātakaṃ dasamaṃ.
Upāhanavaggo navamo.

Tassuddānaṃ

Varupāhana khujja vikaṇṇakako,
Asitābhuya pañca­ma­vaccha­na­kho;
Dija pema­va­ruttama­e­kapadaṃ,
Kumināmukha piṅgalakena dasāti.