“Akaramhasa te kiccaṃ,
yaṃ balaṃ ahuvamhase;
Migarāja namo tyatthu,
api kiñci labhāmase”.

“Mama lohita­bhak­khassa,
niccaṃ luddāni kubbato;
Dantantaragato santo,
taṃ bahuṃ yampi jīvasi”.

“Akatañ­ñu­ma­kattā­raṃ,
katassa appaṭikārakaṃ;
Yasmiṃ kataññutā natthi,
niratthā tassa sevanā.

Yassa sam­mukha­ciṇ­ṇena,
Mittadhammo na labbhati;
Anu­sū­yama­nak­kosaṃ,
Saṇikaṃ tamhā apakkame”ti.

Sakuṇajātakaṃ aṭṭhamaṃ.