“Pharusā vata te vācā,
maṃsaṃ yācanako asi;
Kilomasadisī vācā,
kilomaṃ samma dammi te”.

“Aṅgametaṃ manussānaṃ,
bhātā loke pavuccati;
Aṅgassa sadisī vācā,
aṅgaṃ samma dadāmi te”.

“Tātāti putto vadamāno,
kampeti hadayaṃ pitu;
Hadayassa sadisī vācā,
hadayaṃ samma dammi te”.

“Yassa gāme sakhā natthi,
yathāraññaṃ tatheva taṃ;
Sabbassa sadisī vācā,
sabbaṃ samma dadāmi te”ti.

Sabba­maṃ­salā­bha­jātakaṃ pañcamaṃ.