“Mataṃ mataṃ evaṃ rodatha,
Na hi taṃ rodatha yo marissati;
Sabbepi sarīradhārino,
Anupubbena jahanti jīvitaṃ.

Devamanussā catuppadā,
Pakkhigaṇā uragā ca bhogino;
Samhi sarīre anissarā,
Ramamānāva jahanti jīvitaṃ.

Evaṃ calitaṃ asaṇṭhitaṃ,
Sukhadukkhaṃ ­manu­jes­va­pekkhiya;
Kanditaruditaṃ niratthakaṃ,
Kiṃ vo sokaga­ṇābhi­kīrare.

Dhuttā ca soṇḍā akatā,
bālā sūrā ayogino;
Dhīraṃ maññanti bāloti,
ye dhammassa akovidā”ti.

Mata­rodana­jātakaṃ sattamaṃ.