“Bahūnaṃ vijjatī bhotī,
tehi me kiṃ bhavissati;
Tasmā etaṃ na socāmi,
piyaṃ sam­mil­lahāsi­niṃ.

Taṃ tañce anusoceyya,
yaṃ yaṃ tassa na vijjati;
Attāna­manu­so­ceyya,
sadā maccuvasaṃ pataṃ.

Na heva ṭhitaṃ nāsīnaṃ,
Na sayānaṃ na paddhaguṃ;
Yāva byāti nimisati,
Tatrāpi rasatī vayo.

Tatthattani vatappaddhe,
vinābhāve asaṃsaye;
Bhūtaṃ sesaṃ dayitabbaṃ,
vītaṃ ananusociyan”ti.

Ananu­soci­ya­jātakaṃ aṭṭhamaṃ.