“Dhuttomhi samma sumukha,
jūte akkhaparājito;
Harehi ambapakkāni,
vīriyaṃ te bhakkhayāmase”.

“Alikaṃ vata maṃ samma,
abhūtena pasaṃsasi;
Ko te suto vā diṭṭho vā,
sumukho nāma makkaṭo.

Ajjāpi me taṃ manasi,
yaṃ maṃ tvaṃ ahituṇḍika;
Dhaññāpaṇaṃ pavisitvā,
matto chātaṃ hanāsi maṃ.

Tāhaṃ saraṃ dukkhaseyyaṃ,
api rajjampi kāraye;
Nevāhaṃ yācito dajjaṃ,
tathā hi bhayatajjito.

Yañca jaññā kule jātaṃ,
Gabbhe tittaṃ amacchariṃ;
Tena sakhiñca mittañca,
Dhīro san­dhātuma­rahatī”ti.

Ahi­tuṇ­ḍika­jātakaṃ pañcamaṃ.