“Diṭṭhā tayā nirayā tiracchānayoni,
Petā asurā athavāpi mānusā devā;
Sayamaddasa kamma­vipāka­mattano,
Nessāmi taṃ pāṭali­putta­mak­kha­taṃ;
Tattha gantvā kusalaṃ karohi kammaṃ”.

“Atthakāmosi me yakkha,
hitakāmosi devate;
Karomi tuyhaṃ vacanaṃ,
tvaṃsi ācariyo mama.

Diṭṭhā mayā nirayā tiracchānayoni,
Petā asurā athavāpi mānusā devā;
Sayamaddasaṃ kamma­vipāka­mattano,
Kāhāmi puññāni anappakānī”ti.

Pāṭali­putta­peta­vatthu ekādasamaṃ.