“Abhikkantena vaṇṇena,
yā tvaṃ tiṭṭhasi devate;
Obhāsentī disā sabbā,
osadhī viya tārakā.

Kena tetādiso vaṇṇo,
… pe …
Vaṇṇo ca te sabbadisā pabhāsatī”ti.

Sā devatā attamanā,
… pe …
yassa kammassidaṃ phalaṃ.

“Ahaṃ manussesu manussabhūtā,
Disvāna samaṇe sīlavante;
Pādāni vanditvā manaṃ pasādayiṃ,
Vittā cahaṃ añjalikaṃ akāsiṃ.

Tena metādiso vaṇṇo,
… pe …
Vaṇṇo ca me sabbadisā pabhāsatī”ti.

Vandanavimānaṃ ekādasamaṃ.