“මහණෙනි, තොපට ශ්‍රමණ භාවයද, ශ්‍රමණ භාවයේ ඵලයන්ද දෙශනා කරන්නෙමි. එය අසව්. මහණෙනි, ශ්‍රමණභාවය නම් කුමක්ද? ඒ මේ ආර්ය අෂ්ටාඩ්ගික මාර්ගයයි. ඒ මෙසේයි. සම්‍යක් දෘෂ්ටිය, සම්‍යක් සංකල්පය, සම්‍යක් වචනය, සම්‍යක් කර්මාන්තය, සම්‍යක් ආජීවය, සම්‍යක් ව්‍යායාමය, සම්‍යක් සතිය සහ සම්‍යක් සමාධියයි. මහණෙනි, මෙය ශ්‍රමණ භාවයයි කියනු ලැබේ. මහණෙනි, ශ්‍රමණ භාවයේ ඵලයෝ නම් කවරහුද? සෝවාන් ඵලය, සකෘදාගාමි ඵලය, අනාගාමි ඵලය, අර්හත් ඵලය යන මොහුයි.

මහණෙනි, මොව්හු ශ්‍රමණභාවයේ ඵලයෝයයි කියනු ලැබෙත් යයි” වදාලසේක.