අඞ්ගුත්තරනිකායො
පඤ්චක නිපාතය
5. පඤ්චම පණ්ණාසකය
(24) 4. ආවාසික වර්ගය
8. මච්ඡරා වාසික සූත්රය
’’මහණෙනි, කරුණු පසකින් යුක්තවූ ආවාසික භික්ෂු තෙම ගෙනන ලද බරක් බහා තබන ලද්දේ යම්සේද, එමෙන් නරකයෙහි උපදී.
’’කවර පසකින්ද යත්? නොදැන නොසොයා අගුණ කිය යුත්තහුගේ ගුණ කියාද, නොදැන නොසොයා ගුණ කිය යුත්තහුගේ අගුණ කියාද, ආවාසයෙහි මසුරුකම් ඇත්තේ වේද, කුලයන්හි මසුරුකම් ඇත්තේ වේද, ලාභයන්හි මසුරුකම් ඇත්තේ වේද, යන පසිනි.
’’මහණෙනි, කරුණු පසකින් යුක්තවූ ආවාසික භික්ෂු තෙම ගෙනන ලද බරක් බහා තබන ලද්දේ යම්සේද, එමෙන් නරකයෙහි උපදී.
’’මහණෙනි, කරුණු පසකින් යුක්තවූ ආවාසික භික්ෂු තෙම ගෙනන ලද බරක් බහා තබන ලද්දේ යම්සේද, එමෙන් ස්වර්ගයෙහි උපදී.
’’කවර පසකින්ද යත්? දැන නොසොයා අගුණ කිය යුත්තහුගේ අගුණ කියාද, දැන නොසොයා ගුණ කිය යුත්තහුගේ ගුණ කියාද, ආවාසයෙහි මසුරුකම් නැත්තේ වේද, කුලයන්හි මසුරුකම් නැත්තේ වේද, ලාභයන්හි මසුරුකම් නැත්තේ වේද, යන පසිනි.
’’මහණෙනි, කරුණු පසකින් යුක්තවූ ආවාසික භික්ෂු තෙම ගෙනන ලද බරක් බහා තබන ලද්දේ යම්සේද, එමෙන් ස්වර්ගයෙහි උපදී.