Evaṃ me sutaṃ—​   ekaṃ samayaṃ bhagavā kosalesu cārikaṃ carati mahatā ­bhik­khu­saṃ­ghena saddhiṃ. Tena kho pana samayena sambahulā māṇavakā bhagavato avidūre sadhāyamā­na­rūpā atikkamanti. Addasā kho bhagavā sambahule māṇavake avidūre sadhāyamā­na­rūpe atikkante.

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi: 

“Parimuṭṭhā paṇḍitābhāsā,
vācā­gocara­bhāṇino;
Yāvicchanti mukhāyāmaṃ,
yena nītā na taṃ vidū”ti.

Navamaṃ.