Tatra katamāni Tathāgatasya dvā-triṁśan-mahā-puruṣa-lakṣaṇāni?

Yad-uta:

1. Supratiṣṭhita-pādatā |
2. adhastāt-pāda-talayoś-cakrāṅkita-pāda-talatā |
3. āyata-pārṣṇy-utsaṅga-pādatā |
4. dīrghāṅgulitā |
5. jāla-hasta-pādatā |
6. mṛdu-taruṇa-hasta-pādatā |
7. saptotsada-śarīratā |
8. eṇeyya-jaṅghatā |
9. kośa-gata-vasti-guhyatā |
10. siṁha-pūrvārdha-kāyatā |
11. citāntarāṁsatā |
12. sama-vṛtta-skandhatā |
13. anavanata-pralamba-bāhutā |
14. viśuddha-gātratā |
15. kambu-grīvatā |
16. siṁha-hanutā |
17. sama-catvāriṁśad-dantatā |
18. samāvirala-dantatā |
19. suśukla-dantatā |
20. prabhūta-jihvatā |
21. rasa-rasāgratā |
22. brahma-svara-kalaviṅka-ruta-svaratā |
23. abhinīla-netratā |
24. go-pakṣma-netratā |
25. sūkṣmac-chavitā |
26. suvarṇac-chavitā |
27. ekaika-romakūpatā |
28. ūrdhvāgra-pradakṣiṇāvarta-romatā |
29. indra-nīla-keśatā |
30. suśukla-bhrūmukhāntarorṇālalāṭatā |
31. uṣṇīṣa-śiras-katā |
32. nyagrodha-parimaṇḍalatā ||

Imāni dvā-triṁśan-mahā-puruṣa-lakṣaṇāni ||

1. Supratiṣṭhita-pādatā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrvaṁ dṛḍha-samādānatayā nirvṛttam ||

2. Adhastāt-pāda-talayoś-cakrāṅkita-pāda-talatā:

   Tathāgatasyedaṁ mahā-puruṣasya mahā-puruṣa-lakṣaṇaṁ tatra pūrve vicitra-dānopacayena nirvṛttam ||

3. Āyata-pārṣṇy-utsaṅga-pādatā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrve para-sattvājihma-karaṇatayā nirvṛttam ||

4. Dīrghāṅgulitā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrve sattvānāṁ Dharma-rakṣāvaraṇa-gupti-karaṇatayā nirvṛttam ||

5. Jāla-hasta-pādatā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrve paraparivārābhedanatayā nirvṛttam ||

6. Mṛdu-taruṇa-hasta-pādatā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrve vividha-prāvaraṇānupradānatayā nirvṛttam ||

7. Saptotsada-śarīratā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrve vipulānnapānānupradānatayā nirvṛttam ||

8. Eṇeyya-jaṅghatā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrve Buddha-dharma-parigrahaṇatayā nirvṛttam ||

9. Kośa-gata-vasti-guhyatā:

   Tathāgatasyedaṁ mahā-puruṣasya mahā-puruṣa-lakṣaṇaṁ pūrve guhya-mantra-rakṣaṇatayā | maithuna-dharma-prativisarjanatayā ca nirvṛttam ||

10. Siṁha-pūrvārdha-kāyatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve subha-karmānupūrvācaraṇatayā nirvṛttam ||

11. Citāntarāṁsatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve kuśala-dharma-samācaraṇatayā nirvṛttam ||

12. Sama-vṛtta-skandhatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve pareṣām-abhayāśvāsadānatayā nirvṛttam ||

13. Anavanata-pralamba-bāhutā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve parakiṅkaraṇīyotsukatayā nirvṛttam ||

14. Viśuddha-gātratā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve daśa-kuśala-karma-pathātapta-samādānatayā nirvṛttam ||

15. Kambu-grīvatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve glāneṣu vividha-bhaiṣajyānupradānatayā nirvṛttam ||

16. Siṁha-hanutā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve kuśala-mūla-prayoga-paripūryā nirvṛttam ||

17. Sama-catvāriṁśad-dantatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve sarva-sattvāśvāsa-prayogatayā nirvṛttam ||

18. Samāvirala-dantatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve bhinna-sattva-sandhānatayā nirvṛttam ||

19. Suśukla-dantatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve svārakṣita-kāya-vāṅ-manas-karmatayā nirvṛttam ||

20. Prabhūta-jihvatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve satya-vacana-saṁrakṣaṇatayā nirvṛttam ||

21. Rasa-rasāgratā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve ’pramāṇa-puṇya-skandho(pasevitā)tmatayā parānupradānatayā nirvṛttam ||

22. Brahma-svara-kalaviṅka-ruta-svaratā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve snigdha-vacana-satya-pālanatayā ānanda-vacana-śrāvaṇatayā ca nirvṛttam ||

23. Abhinīla-netratā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve maitravat sattva-saṁrakṣaṇatayā nirvṛttam ||

24. Go-pakṣma-netratā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve ’kṛtrim-āśayatayā nirvṛttam ||

25. Sūkṣma-chavitā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve Dharma-saṁgīti-citta-karmaṇyatayā nirvṛttam ||

26. Suvarṇa-chavitā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve śayyāsana-staraṇa-manāpa-vastrānupradānatayā nirvṛttam ||

27. Ekaika-romakūpatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve saṁgaṇikā-parivarjanatayā nirvṛttam ||

28. Ūrdhvāgra-pradakṣiṇāvarta-romatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve ācāryopādhyāya-kalyāṇa-mitrānuśāsani-pradakṣiṇa-grāhitayā nirvṛttam ||

29. Indra-nīla-keśatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve sarva-prāṇānukampanatayā nihita-loṣṭa-daṇḍa-śastratayā ca nirvṛttam ||

30. Suśukla-bhrūmukhāntarorṇalālaṭatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve varṇārhānāṁ varṇa-bhāṣaṇatayā nirvṛttam ||

31. Uṣṇīṣa-śiras-katā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve guru-gaurava-praṇāmatayā nirvṛttam ||

32. Nyagrodha-parimaṇḍalatā:

    Tathāgatasyedaṁ mahā-puruṣasya mahā-puruṣa-lakṣaṇaṁ pūrve ātmanaḥ para-sattvānāṁ ca samādhau niyojanatayā nirvṛttam ||

Apramāṇaiḥ kuśala-mūlaireśu dharmeṣu vaśavartitvāt Tathāgatasya dvā-triṁśan-mahā-puruṣa-lakṣaṇāni kāye nirvṛttāni ||