bhavati sa samayo yad ayaṃ lokaḥ saṃvartate | saṃvartamāne loke yadbhūyasā satvā ābhāsvare devanikāye upapadyante | te tatra bhavanti rūpiṇo manomayā avikalā ahīnendriyāḥ sarvāṅgapratyaṃ gopetāḥ śubhā varṇasthāyinaḥ svayaṃprabhā vaihāyasagāminaḥ prītibhakṣāḥ prītyāhārā dīrghāyuṣo dīrgham adhvānaṃ tiṣṭhanti |

tena khalu samayena mahāpṛthivī ekodikā bhavati ekārṇavā | tasyāṃ ekodikāyāṃ mahāpṛthivyāṃ ekārṇavāyāṃ vāyunā śaraḥ saṃmūrcchitaḥ saṃtanoti tadyathā pakvasya kṣīrasya śaraḥ saṃmūrcchitaḥ saṃtanoty evam eva tasyāṃ ekodikāyāṃ mahāpṛthivyāṃ ekārṇavāyāṃ vayunā śaraḥ saṃmūrcchitaḥ saṃtanoti | sa bhavati pṛthivīraso varṇasaṃpanno gandhasaṃpanno rasa­saṃ­pannaḥ | tadyathā navanītam evaṃvarṇaḥ | tadyathā kṣaudraṃ madhv aneḍakam evamāsvādaḥ |

bhavati sa samayo yad ayaṃ loko vivartate | vivartamāne loke satvā āyuḥkṣayāt karmakṣayāt puṇyakṣayād ābhāsvarād devanikāyāc cavitvā ihatye manuṣyasabhāgatām āgaccanti | te ’pi rūpiṇo pūrvavad yāvad dīrgham adhvānam tiṣṭhanti |

tena khalu samayena na sūryacandramasau prajñāyete na rātridivasaṃ na māsaṃ ardhamāsaṃ na ṛtuṃ na kṣaṇalavamuhūrtaṃ prajñāyante … na strī na pumān | satvaḥ satva ity ekasaṃkhyāṃ gacchati |

athānyatamo lolupajātīyaḥ satvaḥ aṃgulyagreṇa pṛthivīrasam āsvādayati | yathā yathāsvādayati tathā tathā pratikāṃkṣati | yathā yathā pratikāṃkṣati tathā tathā kabaḍiṃkāropakrameṇa praparibhuktaḥ |

adrākṣur anyatame satvās taṃ satvaṃ kabaḍiṅkāropakrameṇa pṛthivīrasaṃ paribhuñjānam | dṛṣṭvā ca te ’pi satvā aṃgulyāgreṇa pṛthivīrasam āsvādayanti | yathā yathāsvādayanti pūrvavad yāvad kabaḍiṅkāropakrameṇa praparibhuktāḥ | yataś ca te satvā taṃ pṛthivīrasaṃ kabaḍiṅkāropakrameṇa praparibhuktās teṣāṃ kāye dṛḍhatvaṃ gurutvaṃ prajñāyete śubhavarṇo ’ntarhitaḥ | andhakāro loke prādurbhūtaḥ |

dharmatā khalu vāsiṣṭha andhakārasya loke prādurbhāvāt sūryacand­ramasau prajñāyete etc. as in 4.