Origin story

bhagavān śrāvastyām viharati | sthūlanandā nāma bhikṣuṇī saṁghasya bhaktakāni samādāyeti | sā chandakam aṇvantī āha | prajāpati detha chandakaṁ | āryamiśrikāṇāṁ bhaktaṁ kariṣyāmīti | tā dāni striyo chandakaṁ prajantīntīyo jalpanti | ārye yasmin divasaṁse pariveṣaṇaṁ bhavati | vayaṁ pi pariveṣikā gamiṣyāmo ti | atha sā khādati ca pibati ca pātraṁ ca jānāpeti | tāya khāditāvaśeṣeṇa yādṛśaṁ vā bhaktaṁ kṛtaṁ | tā dāni striyo pariveśikāṣikā āgataḥ | āhaṁsuḥ | ārye asmābhir bahuko chandako dinno | iman dāni bhaktaṁ lūha-vilūhaṁ | bhikṣuṇīyo āhaṁsuḥ | kim eṣā bhadrāyaṇī taṁ kariṣyati | khādati caiṣā pibati ca | pātraṁ cīvaraṁ caiṣā jānāpeti | svake caiṣā mallake varṣati | etaṁ prakaraṇaṁ bhikṣuṇīyo mahāprajāpatīye gautamīye ārocayeṁsuḥ | mahāprajāpatī gautamī bhagavato ārocayati | bhagavān āha | śabdāpayatha nandāṁ | sā dāni śabdāpitā | satyaṁ nande evan-nāma tvam anyeṣām arthāya yācitvā anyaṁ cetāpayasi | ām bhagavan | bhagavān āha | duṣkṛtaṁ te nande | atha khalu bhagavān mahāprajapatīṁ gautamīm āmantrayati | sannipātaya gautami bhikṣuṇīyo yāvat paryavadātāni bhaviṣyanti |

Ruling

yā puna bhikṣuṇī anyeṣām arthāya yācayitvā ātmano pātram vā cīvaram vā bhakṣyam vā bhojyam vā glāna-pratyaya-bhaiṣajya-pariṣkārān vā cetāpayati | niḥsargika-pācattikaṁ |

Definitions

• yā puna bhikṣuṇī ti upasampannā |
• anyeṣām arthāya yācayitvā saṁghasya bhaktasya vā tarpaṇasya vā yvāgū-pānasya vā yācitvā ātmano pātram vā cīvaram vā bhaktam vā bhojyam vā glānapratyaya-bhaiṣajya-pariṣkārān vā cetāpayen nissargika-pācattikaṁ |

Permutations

atha khalu yasyārthāya yācati tam eva jānāpayitavyaṁ | atha dāni vastraṁ vipraṇāmeti bhaktasya vā tarpaṇasya vā yvāgū-pānasya vā arthāya yācayitvā vaibhaṅgikaṁ dadāti | śayyāsanam vā upasthāpeti vārṣikam vā hemantikam vā deti | vinayātikramam āsādayati | sā eṣā bhikṣuṇī saṁghasya bhaktaṁ dāpeti | tyakta-muktam anavagṛhītaṁ dātavyaṁ | yadi tahiṁ kiñcic cheṣaṁ bhavati odanam vā sūpam vā yāvad bhakṣyam vā bhojyam vā upadarśayitavyaṁ | yady ādāya gacchati adhyupekṣitavyaṁ | atha dān āha | āryāya demīti | vaktavyaṁ | na hi | saṁghasya dehi | athāha dinnaṁ mayā saṁghasya | āryāya demītī | pratīcchati | an-āpattiḥ | bhikṣor api evam eva āpattis tu vinyātikramaḥ | tena bhagavān āha |

Restatement of rule

yā puna bhikṣuṇī anyeṣām arthāya yācayitvā ātmano pātram vā cīvaram vā bhakṣyam vā bhojyam vā glāna- pratyaya-bhaiṣajya pariṣkārān vā cetāpayen niḥsargika-pācattikaṁ |