Origin story

bhagavān vaiśālīyam viharati | yā sā kālīya triy-antarā lecchavi-dhītā upasthāpitā | sā dāni āgārikehi ca sārdhaṁ saṁsṛṣṭā viharati | sā bhikṣuṇīhi vuccati | ārye kāli yā dāni upasthāpitā tvaṁ jānāsi āgārikehi ca parivrājakehi ca saṁṣṛṣṭāṁ | kim arthaṁ na vyapakarṣasi na vyapakarṣāpayasi | etaṁ prakaraṇaṁ bhikṣuṇīyo mahāprajāpatīye gautamīye ārocayeṁsuḥ | yāvad bhagavān āha | duṣkṛtaṁ te kāli yāvat paryavadātāni bhaviṣyanti

Ruling

yā puna bhikṣuṇī upasthāyikā upasthāpitāṁ tathā-rūpāsu aāpadāsu na vyapakarṣen na vyapakarṣāpayed antaśaḥ ṣaṭ-pañca yojanā ti pācattikaṁ |

Definitions

• yā puna bhikṣuṇī ti upasampannā |
• upasthāyikā ti upādhyāyinī |
• upasthāpitā ti sārdhe-vihāriṇī |
• tathā-rūpāsu āpadāsū ti svayam vā pratyodhāvitu-kāmomā jñātikā vā pratyodhāvayitu-kāmā anyehi vā saṁsṛṣṭā bhavati |
• na vyupakarṣatī ti svayaṁ na vyupakarṣāpayatīti parehi |
• antamasato ṣaṭ-pañca yojanā ti na dāni ṣaṭ-pañca ca paramaṁ | ṣaḍ eva

pācattikaṁ | yāvat prajñaptiḥ |

Permutations

eṣā dāni bhikṣuṇīye sārdham vihāriṇī vā antevāsinī vā saṁsṛṣṭā bhavati vyapakarṣitavyā vā vyapakarṣāpayitavyā vā cārikāya varṇo bhāṣitavyaḥ | atha dāni jarā-durbalāvā vyādhi-durbalā vā bhoti anyāhi bhikṣuṇīhi vyakpakarṣayitavyā | vaktavyā | cetīya-vandanā bhaviṣyati | bhikṣu-darśanam bhaviṣyati | yadā vayaṁ taruṇīyo āsi evam asmābhir aṭitaṁ |

bhikṣur api sārdhaṁ vihāriṁ utkaṇṭhitan na vyapakarṣayati na vyapakarṣāpayati vinayātikramam āsādayati | tena bhagavān āha |

Restatement of rule

yā puna bhikṣuṇī upasthāyikā upasthāpitāṁ tathā-rūpāsv āpadāsu na vyapakarṣayet na vyapakarṣāpayet antamasato ṣaṭ-pañca yojanā ti pācattikaṁ || 8 ||