Origin story

bhagavān śrāvastīyam viharati | bhikṣuṇīyo dāni eka-varṣā dvi-varṣā yāvat ṣaṭ-varṣā upasthāpenti | te naiva ovadanti nānuśāsanti | tā indra-gavā iva vardhanti śiva-sthacchagalā viya vardhanti | anākalpa-sampannā anīrya-patha-sampannonnā na jānanti katham upādhyāyinīye pratipattavyaṁ | katham ācāryāye pratipattavyaṁ | kathaṁ vṛddhātarakāṇāṁ bhikṣuṇīnāṁ pratipattavyaṁ | kathaṁ grāme | katham araṇye | kathaṁ saṁgha-madhye | kathaṁ saṁghāṭīpātra-cīvara-dhāraṇe pratipattavyaṁ | etaṁ prakaraṇaṁ bhikṣuṇīyo mahāprajāpatīye gautamīye ārocayeṁsuḥ | pe | yāvad bhagavān āha | śabdāpayatha tāyo bhikṣuṇīyo | tā dāni śabdāpitāḥ | etad eva sarvaṁ bhagavān vistareṇa pṛcchati | yāvad āma bhagavan | bhagavān āha | tena hi na kṣamati ūna-dvādaśodaka-varṣā ya upasthāpayituṁ | atha khalu bhagavān mahāprajāpatīṁ gautamīm āmantrayati | sannipātaya gautami bhikṣuṇīyo yāvat paryavadātāni bhaviṣyanti |

Ruling

yā puna bhikṣuṇī ūna-dvādaśa-varṣā upasthāpayet pācattikaṁ ||

Definitions

• yā puna bhikṣuṇī ti upasampannā |
• ūna-dvādaśa-varṣā ti ūna-dvādaśa-varṣā nāma ūna-dvādaśodaka-varṣo ūna-dvādaśo samvatsaro ūna-dvādaśa-varṣā bhikṣuṇī |
  ūna-dvādaśodaka-varṣo pūra-dvādaśo samvatsaro ūna-dvādaśa-varṣā bhikṣuṇī |
  ūna-dvādaśodaka-varṣo atireko dvādaśo samvatsaro ūna-dvādaśa-varṣā bhikṣuṇī |
  hemante upasampannā tena dvādaśamena upaśamsam-pāditi | akṣakṛtāyāṁ pravāraṇāyāṁ ūna-dvādaśa-varṣā bhikṣuṇī | evaṁ grīṣme varṣāsu upasampannā |
  evaṁ purimikāyāṁ varṣopanāyikāyāṁ upasampannā | akṛtāyāṁ pravāraṇāyāṁ upaśamsampādeti | paścimikāyāṁ varṣopanāyikāyāṁ upasampannā | akṛtāhi dvihi pravāraṇāhi upasampādeti ūna-dvādaśa-varṣā bhikṣuṇī |
  pūra-dvādaśodaka-varṣo ūnadvādaśo samvatsaro pūra-dvādaśa-varṣā bhikṣuṇī |
  pūra-dvādaśodaka-varṣo pūra-dvādaśo samvatsaro pūra-dvādaśa-varṣā bhikṣuṇī |
  pūra-dvādaśodaka-varṣo atireka-dvādaśo samvatsaro pūra-dvādaśa-varṣā bhikṣuṇī |
  hemante upasampannā tena dvādaśamena upasampādeti kṛtāyāṁ pravāraṇāyāṁ pūra-dvādaśa-varṣā bhikṣuṇī |
  etaṁevaṁ grīṣme varṣāsu upasampannā |
  evaṁ purimikāyāṁ varṣopanāyikāyāṁ upasampannā kṛtāyāṁ pravāraṇāyām upasampādeti pūra-dvādaśa-varṣā bhikṣuṇī | paścimikāyāṁ varṣopanāyikāyāṁ upasampannā tena dvādaśamena upasampādeti kṛtāhi dvihi pravāraṇāhi pūra-dvādaśa-varṣā bhikṣuṇī |

ūna-dvādaśa-varṣā upasampādayet pācattikaṁ |

Permutations

sā eṣā bhikṣuṇī ūna-dvādaśa-varṣā upasthāpayati pācattikaṁ pravrājayati vinayāti-kramam āsādayati | bhikṣur api ūna-dvādaśa-varṣo upasampādayati vinayātikramam āsādayati | tena bhagavān āha |

Restatement of rule

yā puna bhikṣuṇī ūna-dvādaśa-varṣā upasthāpayet pācattikaṁ ||