၁၈၂။ သာဝတ္ထိနိဒါန်း။ တစ်ခုသော နေရာ၌ ထိုင်နေပြီးသော အသျှင်ရာဓသည် မြတ်စွာဘုရားအား”အသျှင်ဘုရား တောင်းပန်ပါ၏၊ မြတ်စွာဘုရားသည် တပည့်တော်အား အကျဉ်းအားဖြင့် တရားဟောတော်မူပါလော့၊ တပည့်တော်သည် မြတ်စွာဘုရား၏ ယင်းတရားကို ကြားနာပြီးလျှင် တစ်ယောက်တည်းကိန်းအောင်းလျက် မမေ့မလျော့ လုံ့လပြုကာ နိဗ္ဗာန်သို့ စေလွှတ်အပ်သော စိတ်ရှိသည် ဖြစ်၍ နေလိုပါ၏ “ဟု ( ဤစကားကို လျှောက်၏)။

ရာဓ သေခြင်း၌ လိုချင်မှု ‘ဆန္ဒ’ကို သင် ပယ်ရမည်၊ စွဲမက်မှု ‘ရာဂ’ကို ပယ်ရမည်၊ လိုချင်စွဲမက်မှု’ဆန္ဒရာဂ’ကို ပယ်ရမည်။ ရာဓ အဘယ်သည် သေခြင်းနည်း။ ရုပ်သည် သေခြင်းတည်း၊ ထိုသေခြင်း၌ လိုချင်မှု ‘ဆန္ဒ’ကို သင် ပယ်ရမည်၊ စွဲမက်မှု ‘ရာဂ’ကို ပယ်ရမည်၊ လိုချင်စွဲမက်မှု ‘ဆန္ဒရာဂ’ကို ပယ်ရမည်။ ဝေဒနာသည် သေခြင်းတည်း၊ ထိုသေခြင်း၌ လိုချင်မှု ‘ဆန္ဒ’ကို သင် ပယ်ရမည်။ပ။ သညာသည် သေခြင်းတည်း၊ ထိုသေခြင်း၌ လိုချင်မှု ‘ဆန္ဒ’ကို သင် ပယ်ရမည်။ပ။ သင်္ခါရတို့သည် သေခြင်းတည်း၊ ထိုသေခြင်း၌ လိုချင်မှု ‘ဆန္ဒ’ကို သင် ပယ်ရမည်။ပ။ ဝိညာဏ်သည် သေခြင်းတည်း၊ ထိုသေခြင်း၌ လိုချင်မှု’ဆန္ဒ’ကို သင် ပယ်ရမည်။ပ။ ရာဓ သေခြင်း၌ လိုချင်မှု ‘ဆန္ဒ’ကို စွဲမက်မှု ‘ရာဂ’ကိုလိုချင်စွဲမက်မှု ‘ဆန္ဒရာဂ’ကို သင် ပယ်ရမည်။

၁၈၃။ ရာဓ သေခြင်းသဘောရှိသော တရား၌ လိုချင်မှု ‘ဆန္ဒ’ကို စွဲမက်မှု’ရာဂ’ကို လိုချင်စွဲမက်မှု’ဆန္ဒရာဂ’ကို သင် ပယ်ရမည်။

၁၈၄။ ရာဓ မမြဲသော တရား၌ ။ပ။

၁၈၅။ ရာဓ မမြဲသော သဘောတရား၌ ။ပ။

၁၈၆။ ရာဓ ဆင်းရဲသော တရား၌ ။ပ။

၁၈၇။ ရာဓ ဆင်းရဲသော သဘောတရား၌ ။ပ။

၁၈၈။ ရာဓကိုယ် ‘အတ္တ’ မဟုတ်သော တရား၌ ။ပ။

၁၈၉။ ရာဓကိုယ် ‘အတ္တ’ မဟုတ်သော သဘောတရား၌ ။ပ။

၁၉ဝ။ ရာဓ ကုန်ခြင်းသဘော၌ ။ပ။

၁၉၁။ ရာဓ ပျက်ခြင်းသဘောတရား၌ ။ပ။

၁၉၂။ ရာဓ ဖြစ်ပေါ်ခြင်း သဘောတရား၌ လိုချင်မှု ‘ဆန္ဒ’ကို စွဲမက်မှု’ရာဂ’ကို လိုချင်စွဲမက်မှု’ဆန္ဒရာဂ’ကို သင် ပယ်ရမည်။ပ။