“Catūhi, bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Pāṇātipātī hoti, adinnādāyī hoti, kāmesu­micchā­cārī hoti, musāvādī hoti—imehi kho, bhikkhave, catūhi dhammehi samannāgato yathābhataṃ nikkhitto evaṃ nirayeti.

Pāṇātipāto adinnādānaṃ,
Musāvādo ca vuccati;
Paradā­ra­gamanañ­cāpi,
Nappasaṃsanti paṇḍitā”ti.

Catutthaṃ.