“Putto buddhassa dāyādo,
kassapo susamāhito;
Pubbenivāsaṃ yovedi,
saggāpāyañca passati.

Atho jātikkhayaṃ patto,
abhiññāvosito muni;
Etāhi tīhi vijjāhi,
tevijjo hoti brāhmaṇo.

Tatheva bhaddā kāpilānī,
tevijjā maccuhāyinī;
Dhāreti antimaṃ dehaṃ,
jetvā māraṃ savāhiniṃ.

Disvā ādīnavaṃ loke,
ubho pabbajitā mayaṃ;
Tyamha khīṇāsavā dantā,
sītibhūtamha nibbutā”ti.

… Bhaddā kāpilānī therī ….

Catukkanipāto niṭṭhito.