“Pabbate himavantamhi,
mahāsindhu sudassanā;
Tatthaddasaṃ vītarāgaṃ,
suppabhāsaṃ sudassanaṃ.

Paramopasame yuttaṃ,
disvā vimhitamānaso;
Āluvaṃ tassa pādāsiṃ,
pasanno sehi pāṇibhi.

Ekattiṃse ito kappe,
yaṃ phalamadadiṃ tadā;
Duggatiṃ nābhijānāmi,
āluvassa idaṃ phalaṃ.

Paṭisambhidā catasso,
… pe …
kataṃ buddhassa sāsanaṃ”.

Itthaṃ sudaṃ āyasmā āluvadāyako thero imā gāthāyo abhāsitthāti.

Āluva­dāyakat­theras­sāpadā­naṃ aṭṭhamaṃ.