“Hima­van­tassā­vidūre,
bhūtagaṇo nāma pabbato;
Tatthaddasaṃ paṃsukūlaṃ,
dumaggamhi vilaggitaṃ.

Tīṇi kiṅ­ka­ṇi­pupphāni,
ocinitvānahaṃ tadā;
Haṭṭho haṭṭhena cittena,
paṃsukūlaṃ apūjayiṃ.

Ekattiṃse ito kappe,
yaṃ kammamakariṃ tadā;
Duggatiṃ nābhijānāmi,
tiṇṇaṃ pupphānidaṃ phalaṃ.

Paṭisambhidā catasso,
… pe …
kataṃ buddhassa sāsanaṃ”.

Itthaṃ sudaṃ āyasmā tikiṅ­ka­ṇi­pūjako thero imā gāthāyo abhāsitthāti.

Tikiṅ­ka­ṇi­pūja­kat­theras­sāpadā­naṃ catutthaṃ.