“Phusso nāmāsi sambuddho,
sabbadhammāna pāragū;
Vivekakāmo sabbaññū,
āgañchi mama santike.

Tasmiṃ cittaṃ pasādetvā,
mahākāruṇike jine;
Bhisamuḷālaṃ paggayha,
buddha­seṭṭhas­sadāsa­haṃ.

Dvenavute ito kappe,
yaṃ bhisamadadiṃ tadā;
Duggatiṃ nābhijānāmi,
bhi­sadānas­sidaṃ phalaṃ.

Paṭisambhidā catasso,
… pe …
kataṃ buddhassa sāsanaṃ”.

Itthaṃ sudaṃ āyasmā bhisa­muḷāla­dāyako thero imā gāthāyo abhāsitthāti.

Bhisa­muḷāla­dāyakat­theras­sāpadā­naṃ tatiyaṃ.