“Vipassino bhagavato,
caṅkamantassa sammukhā;
Pasannacitto sumano,
setuṃ kārāpayiṃ ahaṃ.

Ekanavutito kappe,
yaṃ setuṃ kārayiṃ ahaṃ;
Duggatiṃ nābhijānāmi,
setudānassidaṃ phalaṃ.

Kilesā jhāpitā mayhaṃ,
… pe …
viharāmi anāsavo.

Svāgataṃ vata me āsi,
… pe …
kataṃ buddhassa sāsanaṃ.

Paṭisambhidā catasso,
… pe …
kataṃ buddhassa sāsanaṃ”.

Itthaṃ sudaṃ āyasmā setudāyako thero imā gāthāyo abhāsitthāti.

Setu­dāyakat­theras­sāpadā­naṃ catutthaṃ.