pācattika-dharma 131
viśuddhi-saṁvāsena
Origin story
bhagavān śrāvastīyam viharati | bhikṣuṇīyo dāni sannipatitāḥ poṣadha- karmāya | jetā nāma bhikṣuṇī | sā nāgacchati | tāye dūto ’nupreṣito | ārye āgacchāhi bhikṣuṇīyo sannipatitāḥ poṣadhakarmāya | sā dān āha | bhagavatā viśuddhasya viśuddhi-poṣadhaḥ prajñaptaḥ | yāvatikā kā viśuddhā ahan tāsām anyatamāsāṁ tatra nāgacchaticchāmi | etaṁ prakaraṇaṁ bhikṣuṇīyo mahāprajāpatīye gautamīye ārocayeṁsuḥ | pe | yāvad āma bhagavan | bhagavān āha | duṣkṛtaṁ te jete | tvañ ca nāma poṣadhan na satkaroṣi | kā anyā satkariṣyati ko ca poṣadhasya satkāro | a-gilānāya upasaṁkramitavyaṁ | gilānāya chando dātavyo | atha khalu bhagavān yāvat paryavadātāni bhaviṣyanti |
Ruling
yā puna bhikṣuṇī anvardha-māsaṁ a-gilānā viśuddhi-saṁvāsaṁ na satkareya pācattikaṁ |
Definitions
- yā puna bhikṣuṇī ti upasampannā |
- anvardha-māsaṁ viśuddhisaṁvāsaṁ ti cāturdaśikena vā cāturdaśikaṁ yāvapāñca-daśikena vā yāvapāñca-daśikaṁ |
- a-gilānā poṣadhan na satkāroti | kin dāni atra gailānyam abhipretaṁ | eṣā bhavati jarā-durbalā vā vyādhi-durbalā vā śirā-viddhikā vā bhavati a-sukhā bhaiṣajyaṁ vā pītam bhavati | ghṛtaṁ vā pītam bhavati |
Permutations
chando dātavyo | sā eṣā bhikṣuṇī a-gilānā poṣadhan na gacchati | gilānā vā chandan na deti pācattikaṁ |
bhikṣur api a-gilāno naiva poṣadhaṁ gacchati na cchandan deti vinayātikramam āsādayati | tena bhagavān āha |
Restatement of rule
yā puna bhikṣuṇī anvardhamāsaṁ a-gilānā viśuddhisaṁvāsan na satkareya pācattikaṁ |
uddānaṁ |
upasaṁkramati
123 | kalaho
124 | viśoko
125 | udvartanaṁ
126 | bhikṣuṇī
127 | śrāmaṇerī
128 | śikṣamāṇā
129 | gṛhiṇīya
130 | viśuddhi-saṁvāsena
131 ||
pūryate trayo-daśamo vargaḥ ||