Origin story

bhagavān vaiśālīyam viharati | yā dāni sā kālīyan triy’-antarā licchavi-dhītā pravrājitā | sā dāni āgārikehi ca prāvrājakehi ca sārdhaṁ saṁsṛṣṭā viharati | etaṁ prakaraṇaṁ bhikṣuṇīyo mahāprajāpatīye gautamīye ārocayeṁsuḥ | yāvad bhagavān āha | duṣkṛtaṁ te kāli | atha khalu bhagavān mahāprajāpatīṁ gautamīm āmantrayati | sannipātaya gautami bhikṣuṇīyo | peyālaṁ |

Ruling

yā puna bhikṣuṇī ārāmikair vā parivrājikair vā saṁsṛṣṭā vihareya divasaṁ vā muhūrtaṁ vā antamasato ārāmika-śramaṇoddeśehi pācattikam ||

Definitions

• yā puna bhikṣuṇī ti upasampannā | peyālaṁ yāvat |
• āgārikehī ti gṛhībhiḥ |
• parivrājikehī ti gautama-jaṭilaka-paryantehi tīrthikehi |
• saṁsṛṣṭā vihared iti kāyikena saṁsargeṇa vācikena saṁsargeṇa | kāyikavācikena saṁsargeṇa |
• divasam vā muhūrtam vā antamasato tat-kṣaṇan-tal-lavaṁ tan-muhūrtam vā antamasato |

ārāmika-śramaṇoddeśehī ti |

• ārāmikāḥ saṁghopasthāyakāḥ |
• śramaṇ’-uddeśā iti pañca-daśa-varṣān upādāya yāvat saptatikāḥ |

Permutations

sā eṣā bhikṣuṇī ārāmikehi vā parivrājakehi vā saṁsṛṣṭā viharati pācattikaṁ | atha dāni bhikṣuṇīyo anyamanyaṁ saṁsṛṣṭā hiviharanti hiviharanty abhiratā vivecayitavyāḥ | vīcīkārāpayitavyāḥ | trir api bhikṣuṇā sārdhaṁ saṁsṛṣṭoṭā viharati vinayātikramam āsādayati | tena bhagavān āha |

Restatement of rule

yā puna bhikṣuṇī ārāmikair vā parivrājikair vā sārdhaṁ saṁsṛṣṭā viharet divasam vā muhūrtam vā antamasato ārāmika-śramaṇ’-uddeśa-kaiḥ sārdhaṁ pācattikaṁ || 6 ||