Origin story

bhagavān rājagṛhe viharati | bhagavatā śikṣāpadaṁ prajñaptaṁ | na kṣamati avaśrutasya puruṣasya pātraṁ vā yāvat pratigṛhṇātuṁ | sā jetā tasya puruṣasya na praticchati | sthūlanandā bhikṣuṇī āha | pratigṛhṇa tvam ārye etasya puruṣasya | kiṁ te paro kariṣyati | avaśruto vā an-ava-śruto vā | yato ca tvam an-avaśrutā | dāyakadānapatīnāṁ sakāśāt pratigṛhṇītvā yadāthā-pratyayaṁ karohi | sā bhikṣuṇībhir ucyate | mā ārye etāṁ bhikṣuṇīm evaṁ vada | pratigṛhṇa tvam ārye etasya puruṣasya | kin te paro kariṣyati avaśruto vā anavaśruto vā | yato ca tvam an-avaśrutā | dāyaka-dāna-patīnāṁ sakāśāt pratigṛhṇītvā yathā-pratyayaṁ karohi | evaṁ sakṛd uktā na pratikramati | dvitīyam tṛtīyam apy uktā na pratikramati | etaṁ prakaraṇaṁ bhikṣuṇyo mahāprajāpatyā gautamyā ārocayanti | mahāprajāpatī gautamī bhagavataḥ ārocayati | bhagavān āha | śabdāpayatha nandāṁ yāvad ā m bhagavan | bhagavān āha | duṣkṛtaṁ te nande | naiṣa dharmo naiṣa vinayaḥ | atha khalu bhagavān mahāprajāpatīṁ gautamīm āmantrayati | sannipātaya yāvat paryavadātāni |

Ruling

yā puna bhikṣuṇī bhikṣuṇīṁ evaṁ vadeya | pratigṛhṇa tvam ārye etasya puruṣasya | kiṁ te paraḥ kariṣyati | avaśruto vā anavaśruto vā | yā tvam an-avaśrutā | dāyaka-dāna-patīnāṁ sakāśāt pratigṛhṇītvā yathā-pratyayaṁ karohi | sā bhikṣuṇī bhikṣuṇībhiḥ ucyamānā etad eva vastuṁ pratigṛhya tiṣtheya na pratinissaret | sā bhikṣuṇī bhikṣuṇībhir yāvat tṛtīyakaṁ samanugrāhitavyā samanubhāṣitavyā tasya vastusya pratiniḥsargāya yāvat tṛtīyakaṁ samanugrāhyamāṇā vā samanubhāṣyamāṇā vā taṁ vastuṁ pratiniḥsareya ity etat kuśalaṁ | no ca pratiniḥsareya | ayam api dharmo yāvat tṛtīyakaḥ |

Definitions

• yā puna bhikṣuṇī ti yathā sthūlanandā bhikṣuṇī |
• tāṁ bhikṣuṇīm iti yathā tāṁ yejetāṁ bhikṣuṇīm evaṁ vadet |

sā bhikṣuṇī bhikṣuṇībhi evam asya vacanīyā | peyālaṁ | evaṁ ca sā bhikṣuṇī bhikṣuṇībhir ucyamānā tad evaṁ vastuṁ samādāya pratigṛhya tiṣṭheya | ayam api dharmo yāvat tṛtīyakaḥ yathā bhikṣu-vinaye | peyālaṁ | yāvat prajñaptiḥ | tena bhagavān āha |

Restatement of rule

yā puna bhikṣuṇī bhikṣuṇīm evaṁ vadeya | pratigṛhṇa tvam ārye etasya puruṣasya | kiṁ te paro kariṣyati avaśruto vā an-avaśruto vā | yā tvam an-avaśrutā | dāyaka-dāna-patīnāṁ deya-dharmaṁ pratigṛhṇītvā yathā-pratyayaṁ karohi | sā bhikṣuṇī bhikṣuṇībhir evam asya vacanīyā | mā ārye etāṁ bhikṣuṇīm evaṁ vade | pratigṛhṇa tvam ārye etasya puruṣasya | kin te paro kariṣyati avaśruto vā an-avaśruto vā | yā tvam an-avaśrutā | dāyaka-dāna-patīnāṁ deya-dharmaṁ paritigṛhṇitvā yathā-pratyayaṁ karohi | evaṁ ca sā bhikṣuṇī bhikṣuṇībhir ucyamānā tam eva vastuṁ samādāya pratigṛhya tiṣṭheya | na pratiniḥ-sareya | sā bhikṣuṇī bhikṣuṇībhir yāvat tṛtīyakaṁ samanugrāhitavyā samanuśāsitavyā tasya vastusya pratiniḥsargāya | yāvat tṛtīyakaṁ samanugrāhyamāṇā samanubhāṣyamāṇā tam vastuṁ pratiniḥsareya ity etat kuśalaṁ | no ca pratiniḥsareya tam eva vastuṁ samādāya pratigṛhya tiṣṭheya | ayan dharmo yāvat tṛtīyakaḥ |