“Ubhayeneva sampanno,
rāhulabhaddoti maṃ vidū;
Yañcamhi putto buddhassa,
yañca dhammesu cakkhumā.

Yañca me āsavā khīṇā,
yañca natthi punabbhavo;
Arahā dakkhiṇeyyomhi,
tevijjo amataddaso.

Kāmandhā jālapacchannā,
taṇhā­chāda­na­chā­ditā;
­Pamat­ta­bandhunā baddhā,
macchāva kumināmukhe.

Taṃ kāmaṃ ahamujjhitvā,
chetvā mārassa bandhanaṃ;
Samūlaṃ taṇhamabbuyha,
sītibhūtosmi nibbuto”ti.

… Rāhulo thero ….