“Sataraṃsī nāma sambuddho,
sayambhū aparājito;
Vuṭṭhahitvā samādhimhā,
bhikkhāya mamupāgami.

Paccekabuddhaṃ disvāna,
ambayāguṃ adāsahaṃ;
Vippa­sanna­manaṃ tassa,
vippasannena cetasā.

Catunnavutito kappe,
yaṃ kammamakariṃ tadā;
Duggatiṃ nābhijānāmi,
ambayāguyidaṃ phalaṃ.

Paṭisambhidā catasso,
… pe …
kataṃ buddhassa sāsanaṃ”.

Itthaṃ sudaṃ āyasmā ambayāgudāyako thero imā gāthāyo abhāsitthāti.

Amba­yāgu­dāyakat­theras­sāpadā­naṃ chaṭṭhaṃ.