Origin story

bhagavān śrāvastīyam viharati | atha saṁbahulā striyo nadīyam ajirāvatīyaṁ snāyanti | sthūlanandā bhikṣuṇī tatraiva sthāya gatā | sā tāvad ekānte cīvarakāṇi nikṣipya bāhubhyāṁ pratīrṇā | tā dāni striyo āhaṁsuḥ | eṣā āryā sthūlanandā āgacchatīti | sā kayadhānake muhūrtam viśramitvā punar evāgatā | striyo āhaṁsuḥ | eṣā āryā sthūlanandā āgatā | aticāpalam āryāya kṛtaṁ | kathaṁ tvam bāhubhyāṁ tarasi | tā dāni striyo ojjhāyitāḥ | etaṁ prakaraṇaṁ bhikṣuṇīhi śrutaṁ | bhikṣuṇīyo mahāprajāpatīye gautamīye ārocenti | mahāprajāpatī gautami bhagavato āroceti yāvad bhagavān āha | duṣkṛtaṁ te nande | evaṁ ca nāma tvaṁ ekākinī nadīṁ tarasi | tena hi na kṣamati bhikṣuṇīya vinā nadīn tarituṁ |

atha khalu bhagavān mahāprajāpatīṁ gautamīm āmantrayati | sannipātaya gautami bhikṣuṇīyo yāvat paryavadātāni bhaviṣyanti |

Ruling

yā puna bhikṣuṇī bhikṣuṇīya vinā nadīn tare ayaṁ pi dharmo prathamāpattiko |

Definitions

• yā puna bhikṣuṇī ti upasampannā |
• bhikṣuṇīya vinā ti a-dvitīyā |
• nadī ti yā bahiḥ sīmāto pravahantī bahiḥ sīmām upeti |
• tareyā ti aparāt pāraṁ gaccheya |

ayaṁ pi dharmo prathamāpattiko |

Permutations

yāvatā ca etāyo bhikṣuṇīyo nadīn taranti anto hastapāśe taritavyaṁ | paraṁ haste pāśe taranti thūl’-accayaṁ | dūreṇa dūraṁ bhavanti saṁghātiśeṣo | atha-vaikā madhye tiṣṭhati aparā taranti thūl’-accayaṁ | yāvad evam aparāparanti sarvāḥ thūl’-accayam āsādayanti | etāyo bhikṣuṇīyo nadyāṁ snāyanti ante hasta-pāśena snātavyaḥvyaṁ | paraṁ hasta-pāśā snāyanti vinayātikramam āsādayanti | tena bhagavān āha |

Restatement of rule

yā puna bhikṣuṇī bhikṣuṇīya vinā nadīn tareya | ayaṁ pi dharmo prathamāpattiko saṁghātiśeṣo ||